ନୂଆଦିଲ୍ଲୀ ୧୦/୧୧ : ମଙ୍ଗଳବାର ସେୟାର ବଜାରରେ ସେନସେକ୍ସ ଏବଂ ନିପ୍ଟି ଅଚାନକ ବୃଦ୍ଧି ପାଇ ସର୍ବକାଳୀନ ଶୀର୍ଷରେ ପହଞ୍ଚିଛି । ବମ୍ବେ ଷ୍ଟକ୍ ଏକ୍ସଚେଞ୍ଜର ସୂଚକାଙ୍କ ଅନୁଯାୟୀ ସେନସେକ୍ସ ୬୮୦.୨୨ ପଏଣ୍ଟ ବୃଦ୍ଧି ପାଇ ୪୩୩୧୬.୪୪ରୁ ଆରମ୍ଭ ହୋଇ ୪୩.୨୭୭.୬୫ରେ ଶେଷ ହୋଇଛି । ସେହିପରି ନେସନାଲ ଷ୍ଟକ୍ ଏକ୍ସଚେଞ୍ଜର ନିଫ୍ଟି ୧୭୦.୦୫ ପଏଣ୍ଟ ବୃଦ୍ଧି ପାଇ ୧୨୬୪୩.୯୦ରୁ ଆରମ୍ଭ ହୋଇ ୧୨୬୩୧.୧୦ରେ ଶେଷ ହୋଇଛି ।
ତେବେ ବଜାଜ ଫାଇନାନ୍ସ ସେନସେକ୍ସ ବୃଦ୍ଧିରେ ପ୍ରମୁଖ ଭୁମିକା ଗ୍ରହଣ କରିଛି । ଏହାର ସେୟାର ପାଖାପାଖି ୯ ପ୍ରତିଶତ ବଢିଛି । ସେହିପରି ଇଣ୍ଡସଇଣ୍ଡ ବ୍ୟାଙ୍କ୍, ଏଲ ଆଣ୍ଡ ଟି, ବଜାଜ ଫିନସର୍ଭ, ଏଚଡିଏଫସି, ଏସବିଆଇ, ଆଇସିଆଇସିଆଇ, ଏଚଡିଏଫସି, ଓଏନଜିସି ଏବଂ ଆକ୍ସିସ୍ ବ୍ୟାଙ୍କା ସେୟାର ମଧ୍ୟ ଆଶାନୁରୂପ ଭାବେ ବୃଦ୍ଧି ପାଇଛି ।
ଅନ୍ୟ ପକ୍ଷରେ ମହିନ୍ଦ୍ରା, ଏଚସିଏଲ ଟେକ୍, ଇନଫୋସିସ୍, ନେଷ୍ଟଲ ଇଣ୍ଡିଆ, ସନ ଫାର୍ମା ଏବଂ ଟିସିଏସର କାରବାର ଲାଲବୁନ୍ଦାରେ ବନ୍ଦ ହୋଇଛି । ବାୟୋଟେକ ଏବଂ ଫାଇଜର କମ୍ପାନୀ ପକ୍ଷରୁ କୋଭିଡ୍ ଭ୍ୟାକସିନର ୩ୟ ପର୍ଯ୍ୟାୟ ଟ୍ରାଏଲ ଚାଲୁ ରହିଥିବାରୁ ନିବେଶକ ମାନେ ଏହି କମ୍ପାନୀ ଗୁଡିକରେ ନିବେଶ କରିବାକୁ ଆଶା ରଖିଛନ୍ତି । ସାରା ବିଶ୍ବରେ ବଜାର କାରବାର ବୃଦ୍ଧି ଏବଂ ବିହାରରେ ଏନଡିଏର ଲିଡ୍ ସେନସେକ୍ସ ଏବଂ ନିଫ୍ଟି ବୃଦ୍ଧିରେ ଆହୁରି ସହାୟକ ହୋଇପାରେ ବୋଲି ରିଲାଏନ୍ସ ସିକ୍ୟୁରିଟିର ବ୍ୟବସାୟ ମୁଖ୍ୟ ଅର୍ଜୁନ ୟସ ମହାଜନ କହିଛନ୍ତି ।
ଅନ୍ୟ ପକ୍ଷରେ ମହାମାରୀ ସମୟରେ ଆଇଟି ଏବଂ ଫାର୍ମା କମ୍ପାନୀ ମାନେ ପ୍ରଚୁର ଲାଭ କରିଛନ୍ତି । ସୋମବାର ଫାଇଜର ଏବଂ ବାୟୋଟେକ ଫାର୍ମା କମ୍ପାନୀ ଦାବି କରିଛନ୍ତି ଯେ ତାଙ୍କ ଦ୍ବାରା ଟ୍ରାଏଲ କରାଯାଉଥିବା ଭ୍ୟାକସିନ କରୋନା ରୋଗୀଙ୍କୁ ପ୍ରାୟ ୯୦ ପ୍ରତିଶତ ରୋକିବାରେ ସହାୟକ ହୋଇପାରିବ।
