Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୧୦ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୬୦କୁ ବୃଦ୍ଧି
  • ||
  • ରାଜ୍ୟରେ କମୁଛି ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୦୫୭ କୋଭିଡ୍ ପଜିଟିଭ୍, ୧୨୩୬୨୨୬ରେ ପହଞ୍ଚିଲା ସଂଖ୍ୟା
  • ||
  • ପାକିସ୍ତାନ: ବଲୁଚିସ୍ତାନ ଚେକ୍ ପୋଷ୍ଟ ଉପରେ ଆତଙ୍କୀ ହମଲା, ୧୦ ସୈନିକଙ୍କ ମୃତ୍ୟୁ
  • ||
  • ରାଉରକେଲା : ଭିଜିଲାନ୍ସ ଜାଲରେ ଲ୍ୟାମ୍ପ୍ସ ଏମ୍‌ଡି, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ
  • ||
  • ଭି. ଅନନ୍ତ ନାଗେଶ୍ୱରନ ହେବେ ଭାରତର ଆଗାମୀ ମୁଖ୍ୟ ଆର୍ଥିକ ପରାମର୍ଶଦାତା, ଅତିଶୀଘ୍ର ଘୋଷଣା କରିପାରନ୍ତି ସରକାର
  • ||
  • ସୋର : ଦେଶୀ ମଦ ଦୋକାନରେ ପଶି କର୍ମଚାରୀଙ୍କୁ କଟୁରୀରେ ହାଣିଲେ ଦୁର୍ବୃତ୍ତ, ଛଡାଇନେଲେ ୭୦ହଜାର ଟଙ୍କା
  • ||
  • କଣ୍ଟାବାଞ୍ଜି : ଚାଲାଣ ବେଳେ ୧୪ ଶ୍ରମିକ ଉଦ୍ଧାର, ଷ୍ଟେସନ ଯିବା ବାଟରେ ଧରିଲା ପୋଲିସ
  • ||
  • ରାଜ୍ୟରେ ୩ ଦିନ ଯାଏଁ ହାଡଭଙ୍ଗା ଶୀତ, ୬ ଜିଲ୍ଲା ବେଶୀ ଥରିବ
  • ||

ସକାଳେ ବୁଡିବା ପରେ ଦିନରେ ସବୁଠୁ ବଡ ରିକଭରୀର ରେକର୍ଡ କଲା ସେନସେକ୍ସ, ଝୁମି ଉଠିଲା ବଜାର

13/03/2020 at 4:14 PM

ମୁମ୍ବାଇ ୧୩।୦୩: ଘରୋଇ ପୁଞ୍ଜି ବଜାର ଲାଗି ଶୁକ୍ରବାର ଦିନଟି ସ୍ମରଣୀ ହୋଇ ରହିବ। ସକାଳୁ ଘରୋଇ ପୁଞ୍ଜି ବଜାରରେ ଏମିତି ହ୍ରାସ  ଘଟିଥିଲା ଯଦ୍ଵାରା ସେନସେକ୍ସ ଓ ନିଫଟିର କାରବାର କିଛି ସମୟ ବନ୍ଦ ରଖିବାକୁ ପଡିଥିଲା। ଏହା ପରେ ଦିନର କାରବାରରେ ଏମିତି ବୃଦ୍ଧି ଘଟିଲା ଯାହା ଏକ ରେକର୍ଡ ସୃଷ୍ଟି କରିଛି। ଶୁକ୍ରବାର ସେନସେକ୍ସ ଏ ପର୍ଯ୍ୟନ୍ତର ସବୁଠୁ ବଡ ରିକଭରୀ କରିଛି। ସେନସେକ୍ସ ୧୦ ପ୍ରତିଶତ ହ୍ରାସର ରିକଭରୀ କରିବା ସହିତ ପ୍ରାୟ ୪ ପ୍ରତିଶତ ଉପରକୁ ଉଠିଛି। ଅର୍ଥାତ ଗୋଟିଏ ଦିନରେ ୧୨ ବର୍ଷର ସବୁଠୁ ବଡ ହ୍ରାସ ଏବଂ ସେହି ଦିନ ଏ ପର୍ଯ୍ୟନ୍ତର ସବୁଠୁ ବଡ ରିକଭରି କରିବାର ରେକର୍ଡ କରିଛି ସେନସେକ୍ସ।

ବୁଡିବା ପରେ ୫୩୦୦ ଅଙ୍କ ବଢିଲା ସେନସେକ୍ସ

ସକାଳେ କାରବାର ଆରମ୍ଭ ହେବାର କିଛି ସମୟ ପରେ ସେନସେକ୍ସ ୩,୦୯୦.୬ ଅଙ୍କ ତଳକୁ ଖସି ୨୯,୬୮୭.୫୨ର ସର୍ବନିମ୍ନ ସର୍କିଟକୁ ଛୁଇଁଥିଲା। ଏହା ପରେ କାରବାରକୁ ବନ୍ଦ ରଖାଯାଇଥିଲା। ପୁଣି ଯେବେ ଟ୍ରେଣ୍ଡିଂ ଆରମ୍ଭ ହେଲା ତେବେ ବଜାରରେ ଏକ ଭିନ୍ନ ପ୍ରକାରର ଦୃଶ୍ୟ ଦେଖିବାକୁ ମିଳିଥିଲା। ରେକର୍ଡ ତଳକୁ ଖସିବା ପରେ ସେନସେକ୍ସ ପ୍ରାୟ ୫୩୦୦ ପଏଣ୍ଟ ଉପରକୁ ଉଠିଥିଲା ଏବଂ ଏହା ଗୋଟିଏ ଦିନର ରିକଭରୀର ସବୁଠୁ ବଡ ରେକର୍ଡ। ଉଲ୍ଲେଖଯୋଗ୍ୟ, ସେନସେକ୍ସ ଶୁକ୍ରବାର ୨୯,୩୮୮.୯୭ର ସର୍ବନିମ୍ନ ସ୍ତର ଛୁଇଁଥିଲା ଏବଂ ଏବେ ୩୪,୭୬୯.୪୮ ସ୍ତର ସ୍ପର୍ଶ କରିଥିଲା। ଏହି ପରି ସେନସେକ୍ସ ଗୋଟିଏ ଦିନରେ ୫୪୮୦.୫୧ ପଏଣ୍ଟ ରିକଭରୀ କରିବାର ରେକର୍ଡ କରିଛି, ଯାହା ଏ ପର୍ଯ୍ୟନ୍ତର ସବୁଠୁ ବଡ ରିକଭରୀ। ସନ୍ଧ୍ୟାରେ ସେନସେକ୍ସ ୪.୦୪ ପ୍ରତିଶତ ଅର୍ଥାତ ୧୩୨୫ ପଏଣ୍ଟ ବୃଦ୍ଧି ଘଟି ବନ୍ଦ ହୋଇଥିଲା।

୧୬୦୦ରୁ ଅଧିକ ପଏଣ୍ଟ ବଢିଲା ନିଫଟି

ସେହି ପରି ସକାଳୁ ନିଫଟି ୧୦ ପ୍ରତିଶତରୁ ଅଧିକ ତଳକୁ ଖସି ଲୋୟର ସର୍କିଟକୁ ଛୁଇଁଥିଲା।  ନିଫଟି ୯୬୬.୧୦ ପଏଣ୍ଟ ହ୍ରାସ ଘଟି ୮,୬୨୪.୦୫ ସ୍ତରରେ ପହଞ୍ଚିଥିଲା। ଶୁକ୍ରବାର ଦିନର କାରବାରରେ ନିଫଟି ସର୍ବାଧିକ ୧୦.୧୫୯.୪୦ ପଏଣ୍ଟ ପହଞ୍ଚିଥିଲା। ଅର୍ଥାତ ପୂରା ଦିନରେ ନିଫଟି ରିକଭରୀ ସମେତ ୧୬୦୪.୨୫ ପଏଣ୍ଟ ଉପରକୁ ଉଠିଥିଲା। ସନ୍ଧ୍ୟାରେ ନିଫଟି ୩.୮୧ ପ୍ରତିଶତ ଅର୍ଥାତ ୩୬୫.୦୫ ପଏଣ୍ଟ ବୃଦ୍ଧି ସହିତ କାରବାର ବନ୍ଦ ହୋଇଛି।

   Related Posts