Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭଦ୍ରକ : ଷଣ୍ଢ ବୋଝେଇ ପିକଅପ୍ ଭ୍ୟାନ୍ ଅଟକ ରଖିଲେ ଗ୍ରାମବାସୀ, ଗୋଟିଏ ଷଣ୍ଢ ମୃତ, ୨ଟି ଉଦ୍ଧାର
  • ||
  • ୧୦ ହଜାର ଉପରେ କରୋନା ସଂକ୍ରମଣ, ରାଜ୍ୟରେ ଗତ ୨୪ଘଣ୍ଟାରେ ବାହାରିଲେ ୧୦୬୪୯ ପଜିଟିଭ୍
  • ||
  • ମାଡି ଆସୁଛି ବାତ୍ୟା ‘ତଉକ୍ତେ’, ଓଡିଶା ଉପରେ କଣ ରହିବ ପ୍ରଭାବ
  • ||
  • ପ୍ରଧାନମନ୍ତ୍ରୀଙ୍କୁ ଚିଠି ଲେଖିଲେ ୧୨ ବିରୋଧି ଦଳ, ମାଗଣା ଟିକା ସହ ବେରୋଜଗାରୀଙ୍କୁ ଭତ୍ତା ଦେବାକୁ ରଖିଲେ ଦାବି
  • ||
  • ପଶ୍ଚିମ ଓଡିଶାରେ କରୋନା ପରିଚାଳନା ଦାୟିତ୍ୱ ନେବ ଡବ୍ଲ୍ୟୁଓଡିସି, ୧୦ ଜିଲ୍ଲାକୁ ଦେଲା ୨୫ କୋଟି ଟଙ୍କା
  • ||
  • ଅମାନିଆଙ୍କୁ ସାବାଡ୍ କରିବାକୁ ଯାଇଥିଲେ, ତହସିଲଦାରଙ୍କୁ ବାଟୁଳି ମାଡ କଲେ ଲୋକେ
  • ||
  • କବର ଦେବାକୁ ଘରେ ନଥିଲେ କେହି ପୁରୁଷ, ପିପିଇ କିଟ୍ ପିନ୍ଧି ମୁସଲିମ୍ ବୃଦ୍ଧଙ୍କ ଶେଷକୃତ୍ୟ ସମ୍ପନ୍ନ କଲେ ବିଡିଓ
  • ||
  • ପୃଥିବୀରେ ହେବ ଉଲକା ବର୍ଷା, ଏହି ଦିନ ଆକାଶରେ ଦେଖିବାକୁ ମିଳିବ ଦୁର୍ଲଭ ଦୃଶ୍ୟ…
  • ||

ସେୟାର ବଜାରରେ ଅଚାନକ ବୃଦ୍ଧି ; ସେନସେକ୍ସ ୪୯୯ ଏବଂ ୧୨୦୦୦ ଉପରେ ନିଫ୍ଟି

5/11/2020 at 12:07 PM

ନୂଆଦିଲ୍ଲୀ ୦୫/୧୧: ଗୁରୁବାର ସେୟାର ବଜାରରେ ସେନସେକ୍ସ ଏବଂ ନିଫ୍ଟି ଅଚାନକ ବୃଦ୍ଧି ପାଇଛି । ବମ୍ବେ ଷ୍ଟକ୍ ଏକ୍ସଚେଞ୍ଜର ସୂଚକାଙ୍କ ଅନୁଯାୟୀ ସେନସେକ୍ସ ୪୯୯.୫୧ ପଏଣ୍ଟ ବୃଦ୍ଧି ପାଇ ୪୧୧୧୫.୬୫ରେ ପହଞ୍ଚିଛି । ସେହିପରି ନେସନାଲ ଷ୍ଟକ୍ ଏକ୍ସଚେଞ୍ଜ ର ନିଫ୍ଟି ବୃଦ୍ଧି ପାଇ ୧୪୩.୮୦ ପଏଣ୍ଟ ବୃଦ୍ଧି ପାଇ ୧୨୦୫୨.୩୦ରେ ପହଞ୍ଚିଛି । ବୁଧବାର ସାରା ବିଶ୍ବରେ ବଜାର କାରବାର ବୃଦ୍ଧି ପାଇବା ଫଳରେ ସେନସେକ୍ସ ଏବଂ ନିଫ୍ଟି ବୃଦ୍ଧି ପାଇଛି । ବିଶ୍ବର ସବୁଠାରୁ ଶକ୍ତିଶାଳୀ ଦେଶ ଆମେରିକା ସେୟାର ବଜାରରେ ଡାଉ ଜୋନ୍ସ ୩୬୭.୬୩ ପଏଣ୍ଟ ବୃଦ୍ଧି ପାଇ ୨୭୮୪୭.୭୦ରେ ପହଞ୍ଚିଛି । ସେହିଭଳି  ନେନ୍ସଡେକ୍ ଇଣ୍ଡେକ୍ସ ୪୯୭.୧୧ ପଏଣ୍ଟ ବୃଦ୍ଧି ପାଇ ୧୧.୭୭୭.୦୦ରେ ପହଞ୍ଚିଛି ଏବଂ S & P ଇଣ୍ଡେକ୍ସ ୭୪.୨୮ ପଏଣ୍ଟ ବୃଦ୍ଧି ପାଇ ୩୪୪୩.୪୪ରେ ପହଞ୍ଚିଛି । 

ସେହିପରି ଗତକାଲି ୟୁରୋପୀୟ ବଜାରରେ ମଧ୍ୟ ବ୍ୟାବସାୟିକ କାରବାର ବୃଦ୍ଧି ପାଇଛି । ଆଜି ଏସୀୟ ବଜାରରେ ଜାପାନର ନିକ୍କେଇ ଇଣ୍ଡେକ୍ସ ୩୩୨.୨୭ ପଏଣ୍ଟ ବୃଦ୍ଧି ପାଇଛି । ସେହିପରି ହଂକଂର ହେଙ୍ଗସେଙ୍ଗ ଇଣ୍ଡେକ୍ସ ୬୪୧.୮୧ ପଏଣ୍ଟ ସହ କାରବାର କରୁଛି ଏବଂ ଚୀନର ସାଂଘାଇ କମ୍ପୋଜେଣ୍ଟ ଇଣ୍ଡେକ୍ସ 0.୮୮ ପ୍ରତିଶତ ବୃଦ୍ଧି ପାଇଥିବା ଦେଖିବାକୁ ମିଳିଛି । ତେବେ ବିଶ୍ଳେଷକଙ୍କ କହିବାନୁଯାୟୀ ଆଗକୁ ମଧ୍ୟ ସେୟାର ବଜାର କାରବାରେ ବୃଦ୍ଧି-ହ୍ରାସ ଜାରି ରହିବ ସେଥିପାଇଁ ନିବେଶକମାନେ ସତର୍କ ରହିବା ଦରକାର ।  ଆମେରିକାରେ ରାଷ୍ଟ୍ରପତି ନିର୍ବାଚନ ପ୍ରକ୍ରିୟା ଜାରି ରହିଥିବାରୁ ବିଶ୍ବ ବଜାରରେ ସମେତ ଘରୋଇ ବଜାରରେ ସେନସେକ୍ସ ଏବଂ ନିଫ୍ଟି ଅପେକ୍ଷାକୃତ ବୃଦ୍ଧି ପାଇଛି । ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ବୁଧବାର ଏକ ସାମ୍ବାଦିକ ସମ୍ମିଳନୀରେ କହିଛନ୍ତି  ଆମେରିକାବାସୀଙ୍କ ସହ ଧୋକାବାଜି ହୋଇଛି ଏବଂ ସେ ଦରକାର ପଡିଲେ ଏହା ବିରୁଦ୍ଧରେ ସୁପ୍ରିମକୋର୍ଟ ଯିବେ । ତେବେ ଟ୍ରମ୍ପଙ୍କ ଏହି ବିବୃତି ପରେ ୟୁରୋପୀୟ ବଜାରରେ ପ୍ରାରମ୍ଭିକ କାରବାର ହ୍ରାସ ପାଇଥିଲା ।

ଭାରତର ଆଗଧାଡିର ନିବେଶକମାନଙ୍କ ତଥ୍ୟ ଦେଖିବାକୁ ଗଲେ କେବଳ ହିରୋ ମୋଟୋକର୍ପକୁ ବାଦ ଦେଇ ଅନ୍ୟ ସମସ୍ତ ନିବେଶକଙ୍କ ସୂଚକାଙ୍କ ଭାରି ମାତ୍ରାରେ ବୃଦ୍ଧି ପାଇଛି । ଏସ.ବି.ଆଇ, ଏଚସିଏଲ୍ ଟେକ୍, ହିଣ୍ଡାଲକୋ, ଇଣ୍ଡସଇଂଣ୍ଡ ବ୍ୟାଙ୍କ ଏବଂ ରିଲାଏନ୍ସ ଭଳି ନିବେଶକଙ୍କ ସେୟାର ବଜାର ବ୍ୟାପକ ଭାବେ ବୃଦ୍ଧି ପାଇଛି ।

   Related Posts