Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ମାଲକାନଗିରିରେ ମୁଖ୍ୟରାସ୍ତା କଡ଼ରୁ ନାବାଳିକା ଅଚେତ ଅବସ୍ଥାରେ ଉଦ୍ଧାର

19/09/2018 at 11:49 AM

ମାଲକାନଗିରି ୧୯/୯: ମାଲକାନଗିରି ଜିଲ୍ଲା ମାଥିଲି ଥାନା ଅନ୍ତର୍ଗତ ସିଙ୍ଗାଲବେଚ୍ଛା ମୁଖ୍ୟରାସ୍ତା କଡରୁ ଅଚେତ ଅବସ୍ଥାରେ ଜଣେ ନାବାଳିକାଙ୍କୁ ଉଦ୍ଧାର କରାଯାଇଛି । ଗୋଡ, ହାତ ଓ ପାଟିରେ କପଡା ବାନ୍ଧି କେହି ଦୁର୍ବୃତ୍ତ ନାବାଳିକାଙ୍କୁ ରାସ୍ତା କଡରେ ଫିଙ୍ଗି ଦେଇଥିବା ଅନୁମାନ କରାଯାଉଛି । ମାଥିଲିରୁ ମାଲକାନଗିରି ମୁଖ୍ୟରାସ୍ତା ଦେଇ ଯାଉଥିବା ଯାତ୍ରୀମାନେ ପ୍ରଥମେ ଏହି ନାବାଳିକା ଅଚେତ ଅବସ୍ଥାରେ ପଡିଥିବା ଦେଖିବାକୁ ପାଇଥିଲେ । ପରେ ମାଥିଲି ଥାନାକୁ ଖବର ଦେଇଥିଲେ । ଖବର ପାଇ ମାଥିଲି ଥାନା ପୋଲିସ ଘଟଣା ସ୍ଥଳରେ ପହଞ୍ଚି ନାବାଳିକାଙ୍କୁ ଉଦ୍ଧାର କରି ମାଥିଲି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ନେଇ ଭର୍ତ୍ତି କରିଛନ୍ତି । ତେବେ ନାବାଳିକାଙ୍କ ସହ କିଏ ଏପରି ଅମାନବୀୟ କାଣ୍ଡ କରିଛି ସେ ଘଟଣା ଏ ପର୍ଯ୍ୟନ୍ତ ଜଣାପଡିନାହିଁ । ନାବାଳିକାଙ୍କ ଚେତା ଫେରିବା ପରେ ଘଟଣା ସମ୍ପର୍କରେ ଜଣାପଡିବ ବୋଲି ପୋଲିସ ତରଫରୁ ସୂଚନା ଦିଆଯାଇଛି

   Related Posts