ଭୁବନେଶ୍ୱର ୦୭।୧୦: ବରିଷ୍ଠ ସାମ୍ବାଦିକ ବିବେକାନନ୍ଦ ଦାଶଙ୍କ ପରଲୋକ । କରୋନା ଆକ୍ରାନ୍ତ ହୋଇ ଗତକାଲି ରାତିରେ ତାଙ୍କର ଦେହାନ୍ତ ହୋଇଯାଇଛି । ମୃତ୍ୟୁବେଳକୁ ବିବେକାନନ୍ଦଙ୍କୁ ୭୦ ବର୍ଷ ହୋଇଥିଲା ।
ଖବର ଅନୁଯାୟୀ, କରୋନାରେ ଆକ୍ରାନ୍ତ ହୋଇ ସେପ୍ଟେମ୍ବର ୩ ତାରିଖରେ ସେ ଅଶ୍ୱିନୀ ହସ୍ପିଟାଲରେ ଚିକିତ୍ସା ନିମନ୍ତେ ଭର୍ତ୍ତି ହୋଇଥିଲେ । କିନ୍ତୁ କରୋନା ସହିତ ଲଢେଇ କରୁ କରୁ ଶେଷରେ ଆଖି ବୁଜିଛନ୍ତି ବିବେକାନନ୍ଦ । ବୁଧବାର ବିଳମ୍ବିତ ରାତି ପ୍ରାୟ ୧୨ଟା ୩୦ ତାଙ୍କର ଦେହାନ୍ତ ହୋଇଯାଇଛି । ବିବେକାନନ୍ଦଙ୍କ ମୃତ୍ୟୁର ଖବର ପାଇ ଚାରିଆଡେ ଶୋକର ଛାୟା ଖେଳିଯାଇଛି ।
ବିବେକାନନ୍ଦ ପ୍ରଥମେ ପ୍ରଜାତନ୍ତ୍ର ନାମକ ଏକ ଖବର କାଗଜରୁ ନିଜର ସାମ୍ବାଦିକତା ଜୀବନ ଆରମ୍ଭ କରିଥିଲେ । ଏହାପରେ ସେ ସମ୍ବାଦ, ଆରମ୍ଭ, ସ୍ୱଦେଶ ଓ ନିଜେ ଜନତନ୍ତ୍ର ନାମକ ଏକ ଖବର କାଗଜ ପ୍ରକାଶ କରୁଥିଲେ । ଆଦିବାସୀଙ୍କ ଅଧିକାରୀ ପାଇଁ ସବୁବେଳେ କାମ କରିଆସୁଥିଲେ ବିବେକାନନ୍ଦ ।
ସାଲେପୁରରେ ଜନ୍ମିତ ତଥା ଭୁବନେଶ୍ବରରେ ରହୁଥିବା ସ୍ବର୍ଗତ ଦାଶଙ୍କର ପତ୍ନୀଙ୍କର ପୂର୍ବରୁ ପରଲୋକ ହୋଇସାରିଥିବା ବେଳେ ୨ ପୁଅ ଓ ଗୋଟିଏ ଝିଅ ଅଛନ୍ତି। ସ୍ୱର୍ଗତଃ ଦାଶଙ୍କ ଦେହାନ୍ତ ଖବର ପାଇବା ପରେ ବିଭିନ୍ନ ମହଲରେ ଶୋକର ଛାୟା ଖେଳିଯାଇଛି।
