ଭୁବନେଶ୍ୱର ୨୮/୬ : ଆଇଏଏସ୍ ଅଫିସରଙ୍କୁ ଆକ୍ରମଣ । ତା ପୁଣି ତାଙ୍କରି ବାସଭବନରେ । ଗୁରୁବାର ସଂଧ୍ୟାରେ ରାଜଧାନୀର ୟୁନିଟ ୬ ଅଞ୍ଚଳରେ ଘଟିଥିବା ଏହି ଘଟଣା ଚାଞ୍ଚଲ୍ୟ ସୃଷ୍ଟି କରିଛି । ଅଜଣା ଦୁର୍ବୃତ୍ତଙ୍କ ଆକ୍ରମଣର ଶିକାର ହୋଇଥିବା ବରିଷ୍ଠ ପ୍ରଶାସନୀକ ଅଧିକାରୀ ହେଲେ ଖଣି ଓ ଇସ୍ପାତ ବିଭାଗର ଉପସଚିବ ବଟକୃଷ୍ଣ ଦେହୁରୀ । ଏହି ଘଟଣା ରାଜଧାନୀରେ ବୃଦ୍ଧି ପାଉଥିବା ଅସୁରକ୍ଷିତାର କେବଳ ପ୍ରମାଣ ନୁହେଁ ପୋଲିସ ପାଇଁ ବି ମୁଣ୍ଡବ୍ୟଥାର କାରଣ ।
{"id":128244}
ଅସୁରକ୍ଷିତ ରାଜଧାନୀ । ଏଠି କେବଳ ସାଧାରଣ ଜନତା ନୁହନ୍ତି, ଉଚ୍ଚ ପଦାଧୀକାରୀ ବି ନୁହନ୍ତି ସୁରକ୍ଷିତ । ଖଣି ଓ ଇସ୍ପାତ ବିଭାଗ ଉପସଚିବ ବଟକୃଷ୍ଣ ଦେହୁରୀ ପୋଲିସ ସୁରକ୍ଷା ମାଗିବା ଘଟଣା ପରେ ସୃଷ୍ଟି ହୋଇଛି ଆଲୋଡନ । ଆଇଏଏସ ଅଧିକାରୀ ବଟକୃଷ୍ଣ ଦେହୁରୀ ଗୁରୁବାର ଦିନ ଯୁନିଟ ୬ ସ୍ଥିତ ନିଜ କ୍ୱାଟର ନିକଟରେ ଅଜଣା ଦୁର୍ବୃତ୍ତଙ୍କ ଆକ୍ରମଣରେ ଆହତ ହୋଇଛନ୍ତି । ସଂଧ୍ୟା ପ୍ରାୟ ସାଢେ ସାତଟା ବେଳେ ଅଫିସରୁ ଫେରି ଉପସଚିବ କାର୍ରୁ ଓହ୍ଲାଇ ତାଙ୍କ ସି ଟାଇପ କ୍ବାଟର ୬ / ୪ର ଗେଟ୍ ଖୋଲି ପସୁଥିଲେ ।
{"id":128245}
ଗେଟ୍ ନିକଟରେ ହଠାତ୍ ତାଙ୍କୁ ଆକ୍ରମଣ କରିଥିଲେ କଳାରଙ୍ଗର ବାଇକ୍ରେ ଆସିଥିବା ଦୁଇ ଜଣ ଦୁର୍ବୃତ୍ତ । ସେମାନଙ୍କ ଠେଙ୍ଗାରେ ଆକ୍ରମଣରେ ଉପସଚିବ ତଳେ ପଡିଯିବାରୁ ଦୁର୍ବୃତ୍ତ ଦୁହେଁ ଚମ୍ପଟ ମାରିଥିଲେ । ତେବେ, କିଏ କାହିଁକି ତାଙ୍କୁ ଆକ୍ରମଣ କଲା ତାହା ବୁଝିପାରୁନାହାନ୍ତି ଉପସଚିବ । ସେ କହିଛନ୍ତି, ତାଙ୍କର କେହି ଶତ୍ରୁ ନାହାନ୍ତି ।
{"id":128246}
ଆକ୍ରମଣ କାରୀ ଉପସଚିବଙ୍କୁ ଆକ୍ରମଣ କରିଥିଲେ ବି, ତାଙ୍କ ଠାରୁ କିଛି ଜିନିଷ ଛଡାଛଡି କରିନଥିଲେ । ଏପରି କାଣ୍ଡରୁ ଦୁର୍ବୃତ୍ତଙ୍କ ଉଦ୍ଦେଶ୍ୟ ନେଇ ପ୍ରଶ୍ନ ଉଠିଛି । କ୍ୟାପିଟାଲ ଥାନା ପୋଲିସ ଘଟଣାର ତଦନ୍ତ କରୁଛି । ପାଖାପାଖି ଲାଗିଥିବା ସିସିଟିଭିର ଫୁଟେଜରୁ ଦୁର୍ବୃତ୍ତଙ୍କ ସଂମ୍ପର୍କରେ ଛାନଭିନ୍ ଜାରିଥିଲେ ବି ପୋଲିସ କୁ ଏବେ ସୁଦ୍ଧା କିଛି ସୁରାକ ମିଳିନାହିଁ ।
{"id":128247}
ଗତ କିଛିଦିନ ଧରି ରାଜଧାନୀରେ ଲୁଟେରା ମାନଙ୍କର ଉତ୍ପାତ ବଢିଚାଲିଥିବାରୁ ଉପସଚିବଙ୍କ ଆକ୍ରମଣ ଘଟଣାରେ ସେପରି କିଛି ଲିଙ୍କ୍ ଥାଇପାରେ । ଅନ୍ୟ ପକ୍ଷରେ ନିଜ ଅଫିସର କିମ୍ବା ସରକାରୀ କାର୍ଯ୍ୟକୁ ନେଇ କେହି ବଟକୃଷ୍ଣଙ୍କ ଉପରେ ରାଗ ରଖି ଏପରି କରିଥିବା ଆଶଙ୍କାକୁ ବି ଏଡାଯାଇ ନପାରେ । ପୋଲିସ ସବୁ ଦିଗରୁ ତଦନ୍ତ କରୁଥିବା ବେଳେ, ଅପରାଧୀ ପାଖରେ ତୁରନ୍ତ ପହଞ୍ଚିବା କମିଶନରେଟ ପୋଲିସ ପାଇଁ ନିଶ୍ଚିତ ଭାବେ ଏକ ବଡ ଚ୍ୟାଲେଞ୍ଜ ।
