Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • IIFLରୁ ସୁନା ଲୁଟ୍ ମାମଲା : ଆଉ ୨ ଜଣଙ୍କୁ ବାନ୍ଧିଲା ପୋଲିସ, ମୁଖ୍ୟ କାର୍ପଟଦାର ଲାଲାର ଥିଲେ ସହଯୋଗୀ
  • ||
  • ଭୁବନେଶ୍ୱର : ରାଜ୍ୟରେ ଆଉ ୧୨ କରୋନା ସଂକ୍ରମିତ ପ୍ରାଣ ହରାଇଲେ, ୧୭୩୦ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୫୫୦ କରୋନା ସଂକ୍ରମିତ, ୩୧୭୭୮୯ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • କନ୍ଧମାଳ : କନ୍ଧମାଳରେ ଅପରେସନ ଗ୍ରୀନ କ୍ଲିନ୍ , ପୁଣି ୧୯ କୋଟି ଟଙ୍କାର ଗଞ୍ଜେଇ ଚାଷ ନଷ୍ଟ
  • ||
  • ସୁଶିଲ ମୋଦି ରାଜ୍ୟସଭା ପ୍ରାର୍ଥୀ, ରାମବିଳାସ ପାଶଓ୍ବାନଙ୍କ ସ୍ଥାନରେ ଟିକେଟ୍‌ ଦେଲା ବିଜେପି
  • ||
  • ଡିସେମ୍ବର ୧ରୁ ଖୋଲିବ ରାଜ୍ୟର ସମସ୍ତ ମେଡିକାଲ୍‌ କଲେଜ୍‌, କରୋନା ଗାଇଡ୍‌ଲାଇନ୍‌ ସହ ଏସ୍‌ଓପି ପାଳନ ବାଧ୍ୟତାମୂଳକ
  • ||

ପୃଥିବୀକୁ ଚେପଟା ପ୍ରମାଣିତ କରିବାକୁ ଉଦ୍ୟମ କରୁଥିଲେ ବୈଜ୍ଞାନିକ ମ୍ୟାଡ ମାଇକ୍ : ଚାଲିଗଲା ଜୀବନ

25/02/2020 at 11:49 AM

ନୂଆଦିଲ୍ଲୀ ୨୫/୨: ମ୍ୟାଡ ମାଇକ୍ ନାମରେ ପରିଚିତ ହ୍ୟୁଗ୍ସ ନିଜେ ପ୍ରସ୍ତୁତ କରିଥିବା ରକେଟରେ ଯାଇଥିଲେ ଯାହା କିଛି ସମୟ ଉଡ଼ାଣ ଭରିବା ପରେ କାଲିଫର୍ଣ୍ଣିଆର ମରୁଭୂମିରେ ଖସି ପଡ଼ିଥିଲା। ଫଳରେ ତାଙ୍କର ମୃତ୍ୟୁ ଘଟିଥିଲା। ହ୍ୟୁଗସଙ୍କ ମତରେ ପୃଥିବୀ ଗୋଲ ନୁହେଁ ବରଂ ଚେପଟା।

 ପୃଥିବୀକୁ ଚେପଟା ସାବ୍ୟସ୍ତ କରିବା ଉଦ୍ୟମରେ ଆମେରିକାର ସ୍ବଘୋଷିତ ବୈଜ୍ଞାନିକ ଏବଂ ଆବିଷ୍କାରକ ମାଇକଲ ହ୍ୟୁଗସଙ୍କ ମୃତ୍ୟୁ ହୋଇଯାଇଛି। ମ୍ୟାଡ ମାଇକ୍ ଭାବେ ଜଣାଶୁଣା ହ୍ୟୁଗସ୍ ନିଜ ପ୍ରସ୍ତୁତ ରକେଟରେ ଯାଇଥିଲେ ଯାହା କିଛି ସମୟ ଉଡ଼ିବା ପରେ କାଲିଫର୍ଣ୍ଣିଆର ମରୁଭୂମିରେ ଖସି ପଡ଼ିଥିଲା। ତାଙ୍କ ମତ ଥିଲା ଯେ ପୃଥିବୀ ଗୋଲ୍ ନୁହେଁ ବରଂ ଚେପଟା। ଏହାର ପ୍ରମାଣ ଦେବା ପାଇଁ ସେ ପୃଥିବୀ ଏବଂ ମହାକାଶ ବାହାରର ସୀମାକୁ ଯିବାକୁ ଚାହୁଁଥିଲେ।

ବିଜ୍ଞାନ ଚ୍ୟାନେଲ୍ ନିଜର ଆଗାମୀ ସିରିଜ ‘ହୋମମେଡ ଆଷ୍ଟୋନୋଟ୍’ରେ ୬୪ବର୍ଷ ବୟସ୍କ ମାଇକେଲ୍ ହ୍ୟୁଗସଙ୍କ କାହାଣୀ ପ୍ରସାରିତ କରିଥାଆନ୍ତା। ଚ୍ୟାନେଲ୍ ଟ୍ବିଟ୍ କରି ଜଣାଇଥିଲା,ନିଜେ ପ୍ରସ୍ତୁତ କରିଥିବା ରକେଟରେ ହ୍ୟୁଗସଙ୍କ ମୃତ୍ୟୁ ହୋଇଯାଇଛି। ତାଙ୍କର ସ୍ବପ୍ନ ଥିଲା ଯେ ତାଙ୍କ ଯାତ୍ରା ଚ୍ୟାନେଲରେ ଦେଖାଯାଉ।

ହ୍ୟୁଗସ ରକେଟ ଉଡ଼ିବା ସମୟରେ ବୋଧହୁଏ ବେହୋସ ହୋଇଯାଇଥିଲେ। ପ୍ୟାରାଶୁଟ ଖୋଲିବା ସମୟରେ ଫାଟି ଯାଇଥିଲା।

ରକେଟ୍ ପ୍ରଥମେ ଉପର ଆଡ଼କୁ ଯାଇଥିଲା ତା’ପରେ ଏହା ବୁଲି ବୁଲି ସିଧା ତଳ ଆଡ଼କୁ ଖସି ଯାଇଥିଲା। ରକେଟ୍ ଲଞ୍ଚର ଏକ ଟ୍ରକର ପଛ ଅଂଶରେ ଲଗାଯାଇଥିଲା।

   Related Posts