Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିସିସିଆଇର ଘୋଷଣା-ଫେବୃଆରୀ ୧୮ରେ ଚେନ୍ନାଇରେ ହେବ ଆଇପିଏଲ ୨୦୨୧ ପାଇଁ ଖେଳାଳିଙ୍କ ନିଲାମୀ
  • ||
  • ଭୁବନେଶ୍ବର : ‘ପରୀକ୍ଷା ଦର୍ପଣ’ ପୁସ୍ତକ ଉନ୍ମୋଚିତ, ମାଟ୍ରିକ୍ ପରୀକ୍ଷାର୍ଥୀ ହେବେ ଉପକୃତ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୮ କୋଭିଡ୍ ପଜିଟିଭ୍‌, ୩୩୪୬୬୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଜି.ଉଦୟଗିରି : ବାଇକ୍-ଅଟୋ ମୁହାଁମୁହିଁ ଧକ୍କା : ଜଣେ ମୃତ, ତିନି ଗୁରୁତର
  • ||
  • ଭୁବନେଶ୍ବର : ଭିଜିଲାନ୍ସ ଜାଲରେ ଭୁବନେଶ୍ବର ବ୍ଲକ୍ କନିଷ୍ଠ ଯନ୍ତ୍ରୀ ଶୁଭେନ୍ଦୁ କୁମାର ପ୍ରଧାନ, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ
  • ||
  • ଦିଲ୍ଲୀ ପୋଲିସର ଆକ୍ସନ : ଟ୍ରାକ୍ଟର ରାଲି ବେଳେ ହିଂସା ପରେ ୨୨ଟି ମାମଲା ରୁଜୁ
  • ||
  • ଭୁବନେଶ୍ବର : ଅଟୋକୁ ଧକ୍କା ଦେଲା କାର୍, ୪ ଗୁରୁତର
  • ||
  • ଘଟଗାଁ : ରାତିରେ ଘରକୁ ଫେରିବା ବେଳେ ଭାଲୁ ଆକ୍ରମଣ, ଜଣେ ଗୁରୁତର
  • ||
  • ଆଜିଠୁ ଶ୍ରୀମନ୍ଦିର ସେବାୟତଙ୍କ ପୁଣି କୋଭିଡ୍ ଟେଷ୍ଟ, ପ୍ରତିଦିନ ୫୦ ସେବାୟତଙ୍କ ହେବ ଆର୍‌ଟିପିସିଆର୍
  • ||
  • ଆଜିଠୁ ପୁଣି ଟିକାକରଣ, ଭାକ୍‌ସିନ୍‌ ନେବେ ବଳକା ୧ ଲକ୍ଷ ୭୩ ହଜାର ୬୩୬ ସ୍ବାସ୍ଥ୍ଯକର୍ମୀ
  • ||

ଆଖିରେ ଆଙ୍ଗୁଠି ଗେଞ୍ଜି ବସିଛି ଜିଲ୍ଲା ପ୍ରଶାସନ, ଜମି କବ୍‌ଜା କରିବା ପରେ ସରକାରୀ ବାସଭବନ କବ୍‌ଜା କଲେ ଜବରଦଖଲକାରୀ, ମାମଲା ରୁଜୁ

15/12/2020 at 10:50 PM

ବରଗଡ ୧୫।୧୨: ବରଗଡ଼ ସହରରେ ଜିଲ୍ଲା ପ୍ରଶାସନ ଆଖିରେ ଆଙ୍ଗୁଠି ଗେଞ୍ଜି ବସିଥିବା ବେଳେ ସେପଟେ ଜବର ଦଖଲକାରୀ ମାନେ ବେଧଡ଼କ ସରକାରୀ ଜମିକୁ ନିଜ କବ୍‌ଜାକୁ ନେଇ ଚାଲିଛନ୍ତି। କିନ୍ତୁ ଏଥର ସେ ସବୁକୁ ବାଦ ଦେଇ  ବିଭିନ୍ନ ବିଭାଗର  ସରକାରୀ ବାସଭବନକୁ ନିଜ ଅକ୍ତିକାରକୁ ନେବାକୁ ପଛେଇ ନାହାନ୍ତି। ଏହି ଘଟଣାକୁ ନେଇ ବରଗଡ଼ ଟାଉନ ଥାନାରେ ମାମଲା ରୁଜୁ ହୋଇଛି।

ବରଗଡ଼ ସମବାୟ ସମିତିର ସହକାରୀ ନିବନ୍ଧକଙ୍କ କାର୍ଯ୍ୟାଳୟ ପକ୍ଷରୁ ଏନେଇ ଲିଖିତ ଏତଲା ଦିଆଯାଇଛି । ଅଫିସ ଚିଠି ନଂ ୭୧୭ ତା.୩.୦୬ ୨୦୨୦ ରୁ ପ୍ରକାଶ ଯେ ବରଗଡ଼ ପୌର ପରିଷଦ ୱାର୍ଡ଼ ନମ୍ବର ୧୧ ଶକ୍ତି ନଗରରେ ଥିବା ଏଆରସିଏସଙ୍କ ସରକାରୀ କ୍ୱାର୍ଟର ୨୦୧୯ ଫେବୃୟାରୀ ମସିହାରୁ ଖାଲି ରହିଥିଲା । ତେବେ ଇତିମଧ୍ୟରେ ଉକ୍ତ କ୍ୱାର୍ଟରର ମରାମତି ହୋଇ ସାରିବା ପରେ କିଛି ଅସାମାଜିକ ବ୍ୟକ୍ତି ଉକ୍ତ କ୍ୱାର୍ଟରର ତାଲା ଭାଙ୍ଗି ଗତ ଜୁନ ମାସରେ ବଳପୂର୍ବକ ଅକ୍ତିଆର କରିନେଇଛନ୍ତି ।

ଗତ ମାର୍ଚ୍ଚ ମାସରେ ଚୈତନ୍ୟ ପାଇକ ନାମକ ବ୍ୟକ୍ତିଙ୍କ ନେତୃତ୍ୱରେ ଏବଂ କଥା କଥିତ ଜଣେ କୁଜି ନେତା ଉକ୍ତ କ୍ୱାର୍ଟରର ତାଲା ଭାଙ୍ଗି କ୍ୱାଟରର ପାଚେରୀରେ ପଶ୍ଚିମ ଓଡ଼ିଶା କଳକାର ମହାସଂଘ ବରଗଡ଼ କାର୍ଯ୍ୟାଳୟ ଲେଖିଥିବା ଦେଖିବାକୁ ମିଳିଥିଲା। ପେଶାରେ ଉକ୍ତ ନେତା ଜଣେ ସରକାରୀ ଶିକ୍ଷକ ମଧ୍ୟ ଅଛନ୍ତି। ତାଙ୍କ ବିରୋଧରେ ଏତଲା ନକରିବାକୁ ଏହି ଜବରଦଖଲାକାରୀ ମାନେ ଏଆରସିଏସ ଅଫିସର କର୍ମଚାରୀମାନଙ୍କୁ ଅନୁରୋଧ କରିଥିଲେ। କିନ୍ତୁ ଅନ୍ୟପଟେ ନିଜ କାର୍ଯ୍ୟରୁ କ୍ଷାନ୍ତ ହେଉନଥିଲେ। ଶେଷରେ ବରଗଡ଼ ସମବାୟ ସମିତିର ସହକାରୀ ନିବନ୍ଧକଙ୍କ କାର୍ଯ୍ୟାଳୟ ପକ୍ଷରୁ ଏନେଇ ଲିଖିତ ଏତଲା ଦିଆଯାଇଛି ।

ଉକ୍ତ ସରକାରୀ କ୍ୱାଟରରେ କିଛି ଉପକରଣ ରହିଥିବା ମଧ୍ୟ ଏତଲାରେ ଦର୍ଶା ଯାଇଛି । ଏହାର ନକଲ ବରଗଡ଼ ଏସ.ପି ଏବଂ ବରଗଡ଼ ଜିଲ୍ଳାପାଳଙ୍କୁ ମଧ୍ୟ ଦିଆଯାଇଛି । ଏ ସଂପର୍କରେ ବରଗଡ଼ ଏଆରସିଏସଙ୍କୁ ପଚାରିବାରୁ ସେ କିଛି କହିବାକୁ ମନା କରି ଦେଇଛନ୍ତି । ତେବେ ତାଙ୍କ ପାଇଁ ଉଦ୍ଦିଷ୍ଟ ସରକାରୀ କୋଠା ଅକ୍ତିଆର ହୋଇଥିବା ବେଳେ ସଂପୃକ୍ତ ଅଧିକାରୀ ଜଣକ ଭଡ଼ାଘରେ ରହୁଛନ୍ତି ।

ବରଗଡ଼ ଜିଲ୍ଳାପାଳ ତୁରନ୍ତ ଏହି ଘଟଣାରେ ହାସ୍ତକ୍ଷେପ କରି ବିହିତ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ସାଧାରଣରେ  ଦାବି ହୋଇଥିବା ବେଳେ ଅନେକ ସରକାରୀ ବାସ ଭବନ ଗୁଡିକ ସମାନ ଢଂଗ ରେ ଅକ୍ତିଆର କରାଯାଉଛି। ଏଥି ପ୍ରତି ଦୃଷ୍ଟି ଦେଇ ତୁରନ୍ତ ପଦକ୍ଷେପ ନେବାକୁ ଆଶା କରାଯାଇଛି । ତେବେ ଉକ୍ତ ଘଟଣା କୁ ନେଇ ଥାନାରେ ଲିଖିତ ଅଭିଯୋଗ ପରେ ଏବେ କିନ୍ତୁ ପୋଲିସର କାର୍ଯ୍ୟାନୁଷ୍ଠାନ ଉପରେ ରହିଛି ସମସ୍ତଙ୍କ ନଜର  ।

   Related Posts