Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଡିସେମ୍ବର ୩୧ ଯାଏଁ ଅନ୍ତରାଷ୍ଟ୍ରୀୟ ବିମାନ ସେବା ବନ୍ଦ, କରୋନା ପ୍ରଭାବ
  • ||
  • କଟକ : ବସ୍‌ ଷ୍ଟାଣ୍ଡରେ ଠିଆ ହୋଇଥିବା ବସ୍‌ରେ ଲାଗିଗଲା ନିଆଁ, କେଇ ମିନିଟ୍‌ରେ ଜଳିଗଲା ସମ୍ପୂର୍ଣ୍ଣ ବସ୍
  • ||
  • କନ୍ଧମାଳ : ଜଗାକୁ ଏକା କରି ଚାଲିଗଲା କାଳିଆ, ମା’ ଆଖିରୁ ଶୁଖୁନି ଲୁହ : ମରଶରୀର ପହଞ୍ଚିବା ପରେ ଗାଁରେ ଶୋକାକୂଳ ପରିବେଶ
  • ||
  • କୋରାପୁର : କୋରାପୁର ବସ୍ ଷ୍ଟାଣ୍ଡରୁ ୩ଲକ୍ଷରୁ ଅଧିକ ଟଙ୍କାର ନକଲି ନୋଟ୍ ଜବତ, ଜଣେ ଗିରଫ
  • ||
  • କଟକ : ବାହା ବେଦୀରୁ ବ୍ୟାଙ୍କ୍ ମ୍ୟାନେଜରଙ୍କୁ ଉଠାଇନେଲା ପୋଲିସ, IIFL ଲୁଟ୍ ଘଟଣାରେ ରହିଛି ଲିଙ୍କ୍
  • ||
  • ସୋର : ପାଣିରୁ ଉଦ୍ଧାର ହେଲା ବୃଦ୍ଧଙ୍କ ମୃତଦେହ, ହତ୍ୟା ସନ୍ଦେହ
  • ||
  • ପୁରୀ : ପଞ୍ଚୁକର ଦ୍ବିତୀୟ ଦିନ, ବାଙ୍କଚୁଡା ବେଶରେ ବିଭୂଷିତ ମହାପ୍ରଭୁ
  • ||
  • ଚଣ୍ଡିଖୋଲ : ନିର୍ମାଣଧୀନ ପାଣି ଟାଙ୍କି ଉପରେ ଚଢି ଆତ୍ମହତ୍ୟା ଉଦ୍ୟମ କଲେ ଯୁବକ, ଉଦ୍ଧାର କଲେ ଅଗ୍ନିଶମ କର୍ମଚାରୀ
  • ||
  • କୋରାପୁଟ : କୋରାପୁଟ ଜିଲ୍ଲାରୁ ୮୫ଲକ୍ଷ ଟଙ୍କାର ଗଞ୍ଜେଇ ଜବତ, ଅଭିଯୁକ୍ତ ଫେରାର
  • ||
  • ଚାକିରୀଆଙ୍କ ପାଇଁ ବଡ ଖବର: ୮ଘଣ୍ଟା ବଦଳରେ ହୋଇପାରେ ୧୨ ଘଣ୍ଟା ସିଫ୍ଟ
  • ||

ଏବେ ବିଜେପି ହାତରୁ ଖସିଲା ଝାଡଖଣ୍ଡ, କଂଗ୍ରେସ ମେଣ୍ଟକୁ ସ୍ପଷ୍ଟ ବହୁମତ

23/12/2019 at 4:22 PM

ରାଞ୍ଚୀ ୨୩।୧୨:  ଝାଡଖଣ୍ଡ ବିଧାନସଭା ନିର୍ବାଚନ ଫଳାଫଳରୁ ରାଜ୍ୟରେ ବିଜେପିର ରଘୁବର ଦାସ ସରକାରଙ୍କ ବିଦାୟ  ସ୍ପଷ୍ଟ ହେବାରେ ଲାଗିଛି। ସେପଟେ କଂଗ୍ରେସ, ଜେଏମଏମ ଓ ଆରଜେଡି ସ୍ପଷ୍ଟ ବହୁମତ ହାସଲ କରି ସରକାର ଗଢିବା ଏକପ୍ରକାର ଅନୁମାନ କରାଗଲାଣି। ୮୧ ସଦସୀୟ ବିଧାନସଭା ଲାଗି ଅନୁଷ୍ଠିତ ନିର୍ବାଚନରେ ବିଜେପିକୁ ଏବେ ୩୦ ଟି ଆସନ ମିଳିପାରିବ କି ନା ତାହା ବି ସନ୍ଦେହରେ। କାରଣ ନିଜେ ମୁଖ୍ୟମନ୍ତ୍ରୀ ରଘୁବାର ଦାସ ଜାମସେଦପୁର ଇଷ୍ଟ ସିଟ୍‌ରୁ  ହାରୁଥିବା ଦେଖାଯାଉଛି। ଏଠାରେ ବିଦ୍ରୋହୀ ବିଜେପି ନେତା ସରଜୁ ରାୟ ୭ ହଜାର ୮୫୬ ଭୋଟରେ ରଘୁବରଙ୍କୁ ପଛରେ ପକାଇ ଆଗରେ ଚାଲୁଥିବା ଦେଖାଯାଉଛି।

ଗତ ୨୦୧୪ ବିଧାନସଭା ନିର୍ବାଚନରେ ରଘୁବର ଏହି ଆସନରୁ ୭୦ ହଜାରରୁ ଅଧିକ ଭୋଟରେ ବିଜୟୀ ହୋଇଥିଲେ। ତେବେ ଜନମତ ଏବେ ତାଙ୍କ ବିରୋଧରେ ଚାଲିବା ଫଳାଫଳରୁ ଜଣାପଡୁଛି। କଂଗ୍ରେସ, ଜେଏମଏମ ଓ ଆରଜେଡି ମେଣ୍ଟ ପ୍ରାର୍ଥୀ ୪୭ ସିଟ୍‌ରେ ଅଗ୍ରଣୀ ରହିଛନ୍ତି। ଏଣୁ ରାଜ୍ୟରେ ସରକାର ହେଲେ ହେମନ୍ତ ସୋରେନ ମୁଖ୍ୟମନ୍ତ୍ରୀ ହେବେ ବୋଲି କଂଗ୍ରେସ କହିଛି।

ନିର୍ବାଚନ ପ୍ରଚାରରେ ରଘୁବର ‘ଅବକେ ବାର ୬୫ କେ ପାର’ ନାରା ଦେଇଥିଲେ। ହେଲେ ନିଜ ସିଟ୍ ବଞ୍ଚାଇପାରୁନଥିବାରୁ ଦଳର ପରିସ୍ଥିତି ଅନୁମାନ କରାଯାଇପାରେ। ଗତ ୨ ବର୍ଷରେ ବିଭିନ୍ନ ରାଜ୍ୟରେ ହୋଇଥିବା ବିଧାନସଭା ନିର୍ବାଚନରେ ବିଜେପି ଏବେ ଝାଡଖଣ୍ଡକୁ ମିସାଇ ମୋଟ ୭ଟି ରାଜ୍ୟ ହାରିଛି। ନିକଟରେ ମହାରାଷ୍ଟ୍ର ହରାଇଥିବା ବେଳେ ପୂର୍ବରୁ ମଧ୍ୟପ୍ରଦେଶ, ରାଜସ୍ଥାନ ଓ ଛତିଶଗଡ ହାରିଥିଲା। ଏଣୁ ୨୦୨୦ରେ ହେବାକୁଯାଉଥିବା ବିହାର ବିଧାନସଭା ନିର୍ବାଚନ ଏବେ ବିଜେପି ଲାଗି ଇଜ୍ଜତର ପ୍ରଶ୍ନ ହେବ ବୋଲି ବିଚାର କରାଯାଉଛି। ଏଠାରେ ବିଜେପି ନିତିଶ କୁମାରଙ୍କ ସହ ମେଣ୍ଟ କରିବ ।   

   Related Posts