Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • JEE ମେନ୍ ରେଜଲ୍ଟ ପ୍ରକାଶିତ
  • ||
  • ଦେଶର ୪ଟି ସ୍ଥାନରେ ପ୍ରତିଷ୍ଠା ହେବ ଜାତୀୟ ଭୂତାଣୁ ବିଜ୍ଞାନ ସଂସ୍ଥାନ, ଭୁବନେଶ୍ଵରରେ ପ୍ରତିଷ୍ଠା କରିବାକୁ ସ୍ଵାସ୍ଥ୍ୟ ମନ୍ତ୍ରୀଙ୍କୁ ଚିଠି ଲେଖିଲେ ଧର୍ମେନ୍ଦ୍ର
  • ||
  • ବଦଳିଲେ ପୋଲିସ କମିଶନର, ସୁଧାଂଶୁଙ୍କ ଜାଗା ନେଲେ ସୌମେନ୍ଦ୍ର ପ୍ରିୟଦର୍ଶୀ
  • ||
  • ବ୍ରହ୍ମପୁର : ଜମିଜମା ବିବାଦରୁ ବିଧବା ମହିଳାଙ୍କୁ ବୀଭତ୍ସ ହତ୍ୟା
  • ||
  • କଟକ : SCBରେ ମହିଳା ରୋଗୀଙ୍କ ଉପରେ ଖସିପଡିଲା ଫ୍ୟାନ୍, ଆଇସିୟୁରେ ଭର୍ତ୍ତି
  • ||
  • ଭୁବନେଶ୍ବର : ଆନ୍ତର୍ଜାତୀୟ ମହିଳା ଦିବସରେ ବିଜେଡିର ମହିଳା ସମାବେଶ, ମୁଖ୍ୟମନ୍ତ୍ରୀ କହିଲେ ମା’ମାନେ ଆଜନ୍ମ ନେତ୍ରୀ
  • ||
  • ଭୁବନେଶ୍ବର : ଗଠନ ହେଲା ୯ଜଣିଆ ଟାସ୍କ ଫୋର୍ସ, ଆୟତ୍ତ କରିବେ ନିଆଁ
  • ||
  • ବଲାଙ୍ଗିର : ରକ୍ତ ପାଇଁ ଗଲା ଜୀବନ ! ରୋଗୀ ମୃତ୍ୟୁକୁ ନେଇ ମେଡିକାଲରେ ଉତ୍ତେଜନା
  • ||
  • ସମ୍ବଲପୁର : ଜଙ୍ଗଲକୁ ଗଲେ ଠିକଣା ରଖିବ ବନ ବିଭାଗ, ନିଆଁ ଲଗାଇଥିବା ବ୍ୟକ୍ତିଙ୍କ ସମ୍ପର୍କରେ ସୂଚନା ଦେଲେ ମିଳିବ ୫ହଜାର
  • ||
  • ସୁନ୍ଦରଗଡ : ବାଲି ଗଦାରୁ ମହିଳାଙ୍କ ମୃତଦେହ ଉଦ୍ଧାର, ହତ୍ୟା କରି ଫିଙ୍ଗି ଦେଇଥିବା ସନ୍ଦେହ
  • ||

ଦେବଗଡରେ ବଡ ଭାଇର ଗୁଳିମାଡରେ ସାନ ଭାଇର ମୃତ୍ୟୁ ! ଜାଣନ୍ତୁ କାରଣ

8/02/2019 at 12:36 PM

ଦେବଗଡ ୮|୨: ଦେବଗଡ ସହରରେ ଗୁଳିକରି ହତ୍ୟା । ଘଟଣା ଘଟିଛି ଖୋଦ୍ ଦେବଗଡ ଏସପିଙ୍କ କ୍ବାର୍ଟର ନିକଟରେ ।  ଦେବଗଡ ଏସପିଙ୍କ କ୍ବାର୍ଟର କଡରେ ଘର କରି ରହୁଥିବା ରାଜେନ୍ଦ୍ର ବଳୁଆ ନାମକ ସିକ୍ୟୁରିଟି ଗାର୍ଡଙ୍କୁ ଗୁଳିକରି ହତ୍ୟା କରାଯାଇଛି । ଘଟଣା ଘଟିବା ପରେ ଖବର ପାଇ ଦେବଗଡ ଏସପି ଅନୁପମ ଜେମ୍ସ, ଅତିରିକ୍ତ ଏସପି, ଏସଡିପିଓ, ଦେବଗଡ ଥାନା ପୋଲିସ ଘଟଣା ସ୍ଥଳରେ ପହଞ୍ଚି ଅନୁସନ୍ଧାନ ଆରମ୍ଭ କରିଛନ୍ତି ।

ମୃତ ରାଜେନ୍ଦ୍ର ଦେବଗଡ ଜିଲ୍ଲା ମୁଖ୍ୟ ଚିକିତ୍ସାଳୟରେ ସିକ୍ୟୁରିଟି ଗାର୍ଡ ଭାବେ କାର୍ଯ୍ୟ କରୁଥିବା ବେଳେ ଏହି ଘରେ ତାଙ୍କ ବୁଢୀ ମା ସହ ରହୁଥିଲେ । ରାଜେନ୍ଦ୍ରଙ୍କ ବଡଭାଇ ସଚ୍ଚିଦାନନ୍ଦ  ବିବାହ କରିବା ପରେ ନିକଟସ୍ଥ ବସାଲଇ ଗ୍ରାମରେ ରହୁଥିଲେ । ବୁଢୀ ମା ପାରାଲିସିସ୍ ରେ ଆକ୍ରାନ୍ତ ହୋଇ ଖଟରେ ଶୋଇରହୁଥିବା ବେଳେ ରାଜେନ୍ଦ୍ର ତାଙ୍କ ଦେଖାଶୁଣା କରୁଥିଲେ ।

ଘରର ଟଙ୍କା ପଇସାକୁ ନେଇ ଉଭୟ ଭାଇ ମଧ୍ୟରେ ଗଣ୍ଡଗୋଳ ଲାଗି ରହିଥିଲା । ପ୍ରାଥମିକ ତଦନ୍ତରୁ ଜଣାପଡିଛି । ଗତକାଲି ରାତିରେ ଦୁଇ ଭାଇ ମଧ୍ୟରେ ଗଣ୍ଡଗୋଳ ହୋଇଥିଲା ବୋଲି ତାଙ୍କ ମାଆ ପ୍ରକାଶ କରିଛନ୍ତି। ପରେ ସାନ ପୁଅର ଚିତ୍କାର ସେ ଶୁଣିବାକୁ ପାଇଥିଲେ । ଘଟଣା ଘଟିବା ପରେ ବଡଭାଇ ସଚ୍ଚିଦାନନ୍ଦ ଫେରାର ହୋଇଯାଇଥିବା ବେଳେ ପୋଲିସ ଏହି ଗୁଳିକାଣ୍ଡ ଘଟଣାରେ ତାଙ୍କ ହାତ ଥିବା ସନ୍ଦେହ କରୁଛନ୍ତି ।

ପୋଲିସ ପକ୍ଷରୁ ଘଟଣା ସ୍ଥଳରୁ ଦୁଇଟି ଗୁଳି ଖଣ୍ଡ ଉଦ୍ଧାର କରାଯାଇଥିବା ବେଳେ ଗୁଳିକାଣ୍ଡ ରେ ବ୍ୟବହୃତ ବନ୍ଧୁକ କୁ ଖୋଜା ଚାଲିଛି ।

   Related Posts