Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସାଲେପୁର : ମକର ଯାତ୍ରାରୁ ନାବାଳିକାଙ୍କୁ ଟେକି ନେଇ ନଦୀପଠାରେ ଗଣଦୁଷ୍କର୍ମ, ଥାନାରେ ଏତଲା, ଭାଇରାଲ୍ ଭିଡିଓ ନେଇ ପୋଲିସର ଛାନଭିନ୍
  • ||
  • କେନ୍ଦ୍ରାପଡା : ଚିକିତ୍ସା ଅବହେଳାରୁ ରୋଗୀ ମୃତ୍ୟୁ ଅଭିଯୋଗ, ସିଡିଏମ୍‌ଓଙ୍କ କାର୍ଯ୍ୟାଳୟ ଆଗରେ ମୃତଦେହ ରଖି ପରିବାର ଲୋକଙ୍କ ଧାରଣା
  • ||
  • ବୌଦ୍ଧ : ATMରୁ ବାହାରିଲା କାଗଜ ପେଷ୍ଟ ଥିବା ୨୦ଟି ୫ଶହ ଟଙ୍କିଆ ନୋଟ୍, ଫେରସ୍ତ ନେବାକୁ ମନାକଲା ବ୍ୟାଙ୍କ୍ !
  • ||
  • ଭୁବନେଶ୍ବର : ରାଜ୍ୟରେ ବୁଧବାରଠୁ ପୁଣି ଟିକାକରଣ, ଟିକା ନେବେ ବଳକା ୧ ଲକ୍ଷ ୭୩ ହଜାର ୬୩୬ ଜଣ ସ୍ଵାସ୍ଥ୍ୟକର୍ମୀ
  • ||
  • ସମ୍ବଲପୁର : କିନ୍ନରଙ୍କଠାରୁ ୩ବର୍ଷର ଶିଶୁ କନ୍ୟାକୁ ଉଦ୍ଧାର କଲା ଚାଇଲ୍ଡ ଲାଇନ୍, ଚୋରି ସନ୍ଦେହ
  • ||
  • ଭୁବନେଶ୍ବର : STF ପଞ୍ଝାରେ ଧଳା ଜହର ବେପାରୀ, କୋଟିଏରୁ ଅଧିକ ଟଙ୍କାର ବ୍ରାଉନସୁଗାର ଜବତ
  • ||
  • ନବରଙ୍ଗପୁର : ଚଳନ୍ତା କାର୍‌ରେ ଲାଗିଲା ନିଆଁ, ଅଳ୍ପକେ ବର୍ତ୍ତିଲେ ଯାତ୍ରୀ
  • ||
  • ଢେଙ୍କାନାଳ : ହାତୀ ପୁଣି ନେଲା ଆଉ ଜଣଙ୍କ ଜୀବନ, ଶୌଚ ହେବାକୁ ଯାଇଥିବା କଚାଡି ମାରିଲା ଦନ୍ତା
  • ||
  • ବଲାଙ୍ଗୀର : ବିଚାରାଧୀନ କଏଦୀ ମୃତ, ହତ୍ୟା ମାମଲାରେ ଥିଲେ ଅଭିଯୁକ୍ତ
  • ||
  • ଶହେ ତଳକୁ ଖସିଲା ଦୈନିକ ସଂକ୍ରମିତଙ୍କ ସଂଖ୍ୟା : ରାଜ୍ୟରେ ଚିହ୍ନଟ ହେଲେ ଆଉ ୯୯ କୋଭିଡ୍ ପଜିଟିଭ୍‌, ୩୩୪୫୨୯ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||

ଏଥର ବିନା ଭକ୍ତରେ ହେବ ମହାପ୍ରଭୁଙ୍କ ସ୍ନାନଯାତ୍ରା: ବଡ଼ଦାଣ୍ଡ ଓ ଶ୍ରୀମନ୍ଦିର ଚାରି ପାଖରେ ଜାରି ହେବ ୧୪୪ ଧାରା

2/06/2020 at 10:15 PM

ପୁରୀ୨/୬: କରୋନା କଟକଣା ଭିତରେ ପୁରୀରେ ଏଥର ବିନା ଭକ୍ତରେ ହେବ ମହାପ୍ରଭୁଙ୍କ ସ୍ନାନଯାତ୍ରା । ଆସନ୍ତା ୫ତାରିଖ ଶୁକ୍ରବାର ସ୍ନାନପୂର୍ଣ୍ଣିମା ପୂର୍ବରୁ ଅର୍ଥାତ୍‌ ୪ ତାରିଖ ରାତି ୧୦ରୁ ୬ ତାରିଖ ରାତି ୨ଟା ପର୍ଯ୍ୟନ୍ତ  ବଡ଼ଦାଣ୍ଡ ଓ ଶ୍ରୀମନ୍ଦିର ଚାରି ପାଖରେ ଜାରି ହେବ ୧୪୪ଧାରା । ମାର୍କେଟ ଛକରୁ କାକୁଡ଼ିଖାଇ ଛକ, ମରିଚିକୋଟ ଛକରୁ ଲବଣୀଖିଆ ଛକ, ଦୋଳମଣ୍ଡପ ସାହି ଯାଏଁ ସାଧାରଣ ଲୋକଙ୍କ ଯିବା ଆସିବାକୁ ସମ୍ପୂର୍ଣ୍ଣ ନିଷେଧ କରାଯିବ ।

କରୋନା ପାଇଁ କେବଳ ଭକ୍ତ ନୁହନ୍ତି ଭଗବାନ ବି ସାମାଜିକ ଦୂରତା ନିୟମକୁ ପାଳନ କରୁଛନ୍ତି । ଭକ୍ତଙ୍କ ଠାରୁ ଭଗବାନଙ୍କୁ ଅଲଗା କରିଦେଇଛି ଏହି କରୋନା ଭାଇରସ ସଂକ୍ରମଣ ଭୟ । ଏଥର ସ୍ନାନପୂର୍ଣ୍ଣିମାରେ ମହାପ୍ରଭୁ ଶ୍ରୀଜଗନ୍ନାଥଙ୍କ ସ୍ନାନଯାତ୍ରା ତ ହେବ ହେଲେ ବିନା ଭକ୍ତରେ । ସ୍ନାନବେଦୀରେ ଶ୍ରୀଜିଉମାନଙ୍କ ସର୍ବସାଧାରଣ ଦର୍ଶନ ବାରଣ କରାଯାଇଥିବାରୁ ଶ୍ରୀମନ୍ଦିର ଚାରିପାଖରେ ୧୪୪ଧାରା ଜାରି କରାଯାଇଛି । କରୋନା ମୁକାବିଲା ପରିସ୍ଥିତିକୁ ନଜରରେ ରଖି ଏଭଳି ନିଷ୍ପତ୍ତି ଗ୍ରହଣ କରାଯାଇଛି । ଆସନ୍ତା ୫ ତାରିଖ ଶୁକ୍ରବାର ଦେବସ୍ନାନ ପୂର୍ଣ୍ଣିମା ପୂର୍ବରୁ ଅର୍ଥାତ୍‌ ୪ତାରିଖ ରାତି ୧୦ଟା ଠାରୁ ୬ତାରିଖ ରାତି ୨ଟା ପର୍ଯ୍ୟନ୍ତ କଟକଣା ବଳବତ୍ତର ରହିବ ।

ପୁରୀ ମାର୍କେଟ୍‌ ଛକ ଠାରୁ କାକୁଡ଼ିଖାଇ ଛକ, ମରିଚିକୋଟ ଛକ ଠାରୁ ଲବଣୀଖିଆ ଛକ ଭାୟା ମରିଚିକୋଟ୍‌ ଲେନ୍‌, ଲବଣୀଖିଆ ଛକ ଠାରୁ ଦୋଳମଣ୍ଡପ ସାହି ରାସ୍ତା ଭାୟା ଜେନାରି ଗଛ ଛକ, ଜହ୍ନିମୁଣ୍ଡିଆ ଛକ ଠାରୁ ବାଲି ସାହି ରାସ୍ତା ଭାୟା ଭୋଗଯାଗା ଏବଂ ଖୁଣ୍ଟିଆ ସାହି ଛକ, ସୁଦର୍ଶନ ଗେଷ୍ଟ ହାଉସ ଛକ ଭାୟା ବାଲିସାହି ରାସ୍ତାର କଦମ୍ବଗଡ଼ ଛକ, ହରଚଣ୍ଡୀ ସାହି ରାସ୍ତା ମାଛହାଟ ଛକ ଭାୟା ବରାହୀ ଛକ ଏବଂ ପ୍ୟ୍ଚୁଆତି ଜାଗା, ମାଛହାଟ ଛକ ଠାରୁ ଲୋକନାଥ ରୋଡ଼ର ବୃଷଭ ଛକ ଭାୟା ଶୀତଳପିଣ୍ଡା ଛକ, ବାରବାଟୀ ଜାଗା ଏବଂ ବୈଠକି ପିଣ୍ଡା, ଛପନ ଛକ, ମଙ୍ଗଳାହାଟ ମଲ୍ଲିକା ଛକ, ବାଲିସ୍କୁଲ, ମିଶ୍ର ସାହି, ସାତବଖରା ଜାଗା, ପାଣ୍ଡେ ଜାଗା, ଚୁଡ଼ଙ୍ଗ ସାହି ୟୁପି ସ୍କୁଲ, ବାନାମ୍ବର ଛକ, ଶନି ମନ୍ଦିର, ଇଣ୍ଡିଆନ୍‌ ବ୍ୟାଙ୍କ ଛକ ପର୍ଯ୍ୟନ୍ତ ୧୪୪ଧାରା ଜାରି କରାଯିବ ।

ଦେବସ୍ନାନ ନୀତି ସମୟରେ ସ୍ନାନବେଦୀରେ ଶ୍ରୀଜିଉଙ୍କ ଦର୍ଶନ ଉଦେଶ୍ୟରେ ପୋଲିସ ପ୍ରଶାସନ ଦ୍ବାରା ବାରଣ କରାଯାଇଥିବା ଉକ୍ତ ଅଂଚଳ ଗୁଡ଼ିକରେ ଭିଡ଼ ନକରିବାକୁ ଜନ ସାଧାରଣଙ୍କୁ ସୂଚନା ଦେଇଛି ପ୍ରଶାସନ। ସେପଟେ ଆଜି ଶ୍ରୀମନ୍ଦିର ଭିତରେ ପରମ୍ପରା ମୁତାବକ ରୁକ୍ମିଣୀ ହରଣ ଏକାଦଶୀ ନୀତି ସମ୍ପନ୍ନ ହୋଇଛି । ଏହାପରେ ଚମ୍ପକ ଦ୍ବାଦଶୀ ନୀତି କରାଯିବ । ସୀମିତ ସଂଖ୍ୟକ ସେବାୟତଙ୍କୁ ନେଇ ରୁକ୍ମିଣୀ ହରଣ ଏକାଦଶୀ ଶୋଭାଯାତ୍ରା ଜମ୍ବେଶ୍ବର ମନ୍ଦିରକୁ ଯିବ ।

ଶ୍ରୀମନ୍ଦିର ଇତିହାସରେ ପ୍ରଥମ ଥର ପାଇଁ ବିନା ଭକ୍ତରେ ହେବ ଶ୍ରୀଜିଉଙ୍କ ଦେବସ୍ନାନ । ସିଧାସଳଖ ମହାପ୍ରଭୁଙ୍କ ଦର୍ଶନରୁ ବଞ୍ଚିତ ଭକ୍ତମାନେ ଏଥର ଘରେ ବସି ଟେଲିଭିଜନ ମାଧ୍ୟମରେ ସ୍ନାନଯାତ୍ରାର ସିଧା ପ୍ରସାରଣ ଦେଖିବେ ।

   Related Posts