Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗଞ୍ଜାମ ଦିଗପହଣ୍ଡିରେ ଅପରାଧୀର ଛୁରା ମାଡରେ ଅପରାଧୀ ମୃତ
  • ||
  • ବାଙ୍କୀରେ ପୂର୍ବ ଶତ୍ରୁତାକୁ କେନ୍ଦ୍ର କରି ବୋମାମାଡରେ ଜଣଙ୍କର ମୃତ୍ୟୁ
  • ||
  • କେନ୍ଦୁଝର ନୟାକୋଟରେ ସ୍ତ୍ରୀକୁ ଟାଙ୍ଗିଆରେ ହାଣିଲା ସ୍ବାମୀ
  • ||
  • ଗୁଜୁରାଟରେ ସ୍ତ୍ରୀକୁ ହତ୍ୟା ପରେ ଦୁଇ ସନ୍ତାନ ସହ ନିଜ ଦେହରେ ପେଟ୍ରୋଲ ଢାଳି ନିଆଁ ଲଗାଇଦେଲେ ଯୁବକ
  • ||
  • ରାଜ୍ୟରେ ଆଉ ୧୫ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୬୯୫ କରୋନା ସଂକ୍ରମିତ
  • ||
  • ଆସୁଛି ଆଉ ଏକ ଲଘୁଚାପ ! ନଭେମ୍ବର ପହିଲାରୁ ପୁଣି ବର୍ଷାର ସମ୍ଭାବନା
  • ||
  • ଆମେରିକୀୟ ନୌସେନା ବିମାନ ଦୁର୍ଘଟଣାଗ୍ରସ୍ତ, ଦୁଇ ପାଇଲଟଙ୍କ ମୃତ୍ୟୁ
  • ||
  • ଭୁଆସୁଣୀ ଛକରେ ସିରିଜ୍ ଦୁର୍ଘଟଣା, ୨ ଗୁରୁତର
  • ||

୨୭ତାରିଖ ରାତିରେ ପାକିସ୍ତାନ ଉପରେ ଭାରତ କରିଛି ଦ୍ବିତୀୟ ସର୍ଜିକାଲ ଷ୍ଟ୍ରାଇକ୍, ବହୁ ବଂକର ଧ୍ବଂସ, ୧୫ପାକ୍ ଜବାନ ମୃତ !

30/09/2018 at 12:18 PM

ନୂଆଦିଲ୍ଲୀ ୩୦|୯: ପାକିସ୍ତାନ ବିରୋଧରେ ଦ୍ବିତୀୟ ସର୍ଜିକାଲ ଷ୍ଟ୍ରାଇକହୋଇସାରିଛି ଏବଂ ଏଥିରେ ବହୁ ପାକିସ୍ତାନୀ ବଂକର ଧ୍ବଂସ ହେବା ସହ ୧୫ରୁ ଅଧିକ ପାକିସ୍ତାନ ଜବାନଙ୍କୁ ଭାରତୀୟ କାମାଣ୍ଡୋମାନେ ମାରି ଦେଇଛନ୍ତି । ଏଭଳି ଖବର ନିର୍ଭରଯୋଗ୍ୟ ସୂତ୍ରରୁ ମିଳିଥିବା ଗଣମାଧ୍ୟମରେ ଚର୍ଚ୍ଚା ହେଉଛି । ଏପରିକି ଏହି ସର୍ଜିକାଲ ଷ୍ଟ୍ରାଇକ୍ ସମ୍ପର୍କରେ କେନ୍ଦ୍ର ଗୃହମନ୍ତ୍ରୀ ରାଜନାଥ ସିଂ ଗତ ଶୁକ୍ରବାର ଦିନ ମୁଜାଫରନଗରଠାରେ ଏକ ସଭାରେ ସଙ୍କେତ ଦେଇଥିଲେ । ଗତ ଗୁରୁବାର ଆର୍ଥାତ ୨୭ତାରିଖ ମଧ୍ୟରାତ୍ରିରେ ଏହି ସର୍ଜିକାଲ ଷ୍ଟ୍ରାଇକ୍ ହୋଇଥିବା ସୂଚନା ମିଳିଛି । ଏହି ସର୍ଜିକାଲ ଷ୍ଟ୍ରାଇକ୍ ପରଠୁ ପାକିସ୍ତାନ ପଟକୁ ୫ କିଲୋମିଟର ଅଞ୍ଚଳରେ ଥିବା ଗାଁ ଗୁଡିକୁ ଖାଲି କରିଦିଆଯାଇଛି । ସୀମାରେ ଅଧିକ ସେନା ମୁତୟନ ମଧ୍ୟ ଦେଖିବାକୁ ମିଳିଛି ।
ମିଳିଥିବା ସୂଚନା ଅନୁସାରେ ଜଣେ ବିଏସଏଫ ହେଡ୍ କନେଷ୍ଟେବଳଙ୍କୁ ଅପହରଣ କରି ହତ୍ୟା କରିବାଭଳି ପାକିସ୍ତାନ ସେନାର ବର୍ବର କାଣ୍ଡର ପ୍ରତିଶୋଧ ନେବାକୁ ଯାଇ ଭାରତୀୟ ସେନା ଏହି ସର୍ଜିକାଲ ଷ୍ଟ୍ରାଇକ୍ କରିଛି ।
ସୂଚନା ଯୋଗ୍ୟ ଯେ, ଏହି ଦ୍ବିତୀୟ ସର୍ଜିକାଲ ଷ୍ଟ୍ରାଇକ୍ ପାଇଁ ଜମ୍ମୁକାଶ୍ମୀରର ଜମ୍ମୁ ଏବଂ ରାଜୌରୀ ଜିଲ୍ଲାର ମଧ୍ୟବର୍ତ୍ତୀ ସ୍ଥାନରେ ସୀମାକୁ ଲାଗି ରହିଥିବା କେରି ଉପ-ସେକ୍ଟରକୁ ଭାରତୀୟ ସେନା ବାଛିଥିଲା । ଭାରତୀୟ ଭାରତୀୟ ସେନାବାହିନୀର ସ୍ପେଶାଲ ଫୋର୍ସ ଏବଂ ସୀମା ସୁରକ୍ଷା ବାହିନୀର କମାଣ୍ଡୋମାନେ ଏହି ସର୍ଜିକାଲ ଅପରେସନରେ ସାମିଲ ହୋଇଥିଲେ । ଏହି ଜବାନମାନେ ରାଜୌରୀ ଜିଲ୍ଲାର ସୁନ୍ଦରବନୀ ତହସିଲଠାରୁ ପ୍ରାୟ ୧୫କିଲୋମିଟର ଦୂରରେ ଥିବା ମଲ୍ଲା ଅଞ୍ଚଳକୁ ଦୁଇଟି ହେଲିକପ୍ଟର ମାଧ୍ୟମରେ ୨୭ ତାରିଖ ରାତିରେ ପହଞ୍ଚିଥିଲେ । ଏଠାରୁ ଜବାନମାନେ ପାକିସ୍ତାନ ସୀମା ମଧ୍ୟରେ ପ୍ରବେଶ କରି ମାତ୍ର ଗୋଟିଏ ଘଣ୍ଟାର ଅପରେସନ କରି ସୁରକ୍ଷିତ ଭାବେ ଫେରିଥିଲେ ।
ଭାରତର ଏହି ଅଘୋଷିତ ସର୍ଜିକାଲ ଷ୍ଟ୍ରାଇକ୍ ପାକିସ୍ତାନ ସେନାଙ୍କ ନିଦ ହଜେଇ ଦେଇଛି । ଆଗକୁ ଆହୁରି ବଡ ଧରଣର କାର୍ଯ୍ୟାନୁଷ୍ଠାନ ଆଶଙ୍କାରେ ସୀମାରେ ପାକିସ୍ତାନ ସେନା ସଜାଗ ହୋଇଛି ।
ସରକାରୀ ଭାବେ ଏହି ସର୍ଜିକାଲ ଷ୍ଟ୍ରାଇକ୍ ସମ୍ପର୍କରେ କୌଣସି ସୂଚନା ଦିଆଯାଇନାହିଁ । ତେବେ ପାକିସ୍ତାନ ବର୍ବରତାର ପ୍ରତିଶୋଧ ନିଆଯାଇସାରିଛି ବୋଲି ରାଜନାଥ ସିଂଙ୍କ ବକ୍ତବ୍ୟରୁ ଏହାର ସତ୍ୟତା ଜଣାପଡୁଛି ।

   Related Posts