ନୂଆଦିଲ୍ଲୀ ୧୫।୧୨ : ସାରାବିଶ୍ୱରେ କରୋନା ମହାମାରୀର ପ୍ରକୋପ ଜାରି ରହିଛି । ଖାସ୍ କରି କିଛି ଦେଶରେ କୋଭିଡ଼ ସଂକ୍ରମଣର ସ୍ଥିତି ଅତ୍ୟନ୍ତ ଚିନ୍ତାଜନକ ରହିଛି । ଖାସ୍ କରି ଆମେରିକା, ଇଟାଲୀ,ଜର୍ମାନୀ, ଫ୍ରାନ୍ସରେ ସ୍ଥିତି ସଙ୍ଗୀନ ରହିଛି । ଏବେ ଏହି ତାଲିକାରେ ନେଦରଲ୍ୟାଣ୍ଡ ଯୋଡି ହୋଇଯାଇଛି । ନେଦରଲ୍ୟାଣ୍ଡରେ ଗତ କିଛି ଦିନ ହେଲା କରୋନା ସଂକ୍ରମିତଙ୍କ ସଂଖ୍ୟା ବଢୁଥିବାର ଦେଖିବାକୁ ମିଳିଛି । ଯାହାକୁ ନେଇ ନେଦରଲ୍ୟାଣ୍ଡ ପ୍ରଧାନମନ୍ତ୍ରୀ ଆଗାମୀ ପାଞ୍ଚ ସପ୍ତାହ ପାଇଁ ଦେଶରେ ଲକ୍ଡାଉନ୍ ଘୋଷଣା କରିଛନ୍ତି । ଦେଶରେ ଏହା ୨ୟ ପର୍ଯ୍ୟାୟ ଲକ୍ଡାଉନ୍ । ଏହି ସମୟରେ ଆଗାମୀ ଦିନରେ ସମସ୍ତ ସ୍କୁଲ, କଲେଜ ଓ ଦୋକାନା ବଜାର ବନ୍ଦ ରହିବ । ଯାହାକି ଆଗାମୀ ଦିନ କରୋନା ଭାଇରସ ବିରୋଧରେ ଲଢେଇ କରିବାରେ ସହାୟକ ହେବ ବୋଲି ପ୍ରଧାନମନ୍ତ୍ରୀ ଘୋଷଣା କରିଛନ୍ତି ।
wp:html/wp:htmlThe #Netherlands will go into a tough second #lockdown, with the closure of all schools and shops for at least five weeks, in a government-led push to fight the #coronavirus: Prime Minister #MarkRutte pic.twitter.com/n9iSKaWNP4
— DD News (@DDNewslive) December 15, 2020
ନେଦରଲ୍ୟାଣ୍ଡ ପ୍ରଧାନମନ୍ତ୍ରୀ ମାର୍କି ରୁଟ ନିଜ ଘୋଷଣା କହିଛନ୍ତି ଯେ, ଦେଶରେ ୫ସପ୍ତାହ ପାଇଁ ଲକ୍ଡାଉନ୍ କଟକଣା ଜାରି କରାଯାଇଛି । ଏହା ଦେଶର ୨ୟ ପର୍ଯ୍ୟାୟ ଲକ୍ଡାଉନ୍ । କରୋନା ଭାଇରସକୁ ନିୟନ୍ତ୍ରଣକୁ ଆଣିବାକୁ ହେଲେ ଆମକୁ କେତେକ ପଦକ୍ଷେପ ନେବାକୁ ପଡିବ । ତେବେ ଏହି ଲକ୍ଡାଉନ୍ରେ ସମସ୍ତ ସ୍କୁଲ, କଲେଜ, ଦୋକାନା, ମ୍ୟୁଜିୟମ ଓ ଜିମ୍ ବନ୍ଦ ରହିବ । ଜାନୁଆରୀ ୧୯ ପର୍ଯ୍ୟନ୍ତ କୌଣସି ଆଶ୍ୱସ୍ତି ମିଳିବା ପରି ଦୃଶ୍ୟମାନ ହେଉନାହିଁ । ଦେଶର ଭବିଶ୍ୟତକୁ ଦୃଷ୍ଟିରେ ରଖି ଏପରି କଠୋର ପଦକ୍ଷେପ ନେବାକୁ ବାଧ୍ୟ ବୋଲି କହିଛନ୍ତି ।
ତେବେ ନେଦରଲ୍ୟାଣ୍ଡ ପ୍ରଧାନମନ୍ତ୍ରୀ ଯେଉଁ ସମୟରେ ଲକ୍ଡାଉନ୍ ଘୋଷଣା କରୁଥିଲେ । ସେହି ସମୟରେ ତାଙ୍କ ଅଫିସ ସମ୍ମୁଖରେ ହଜାର ହଜାର ଲୋକ ବିକ୍ଷୋଭ ପ୍ରଦର୍ଶନ କରୁଥିଲେ । ଦେଶର ଯେକୌଣସି ନାଗରିକଙ୍କ ଘରେ ଅତିକମ୍ରେ ୨ଜଣ ଅତିଥି ଆସିପାରିବେ , ଏଥିପାଇଁ ସ୍ଥାନୀୟ ପ୍ରଶାସନ ସହ କଥା ହୋଇ ଅନୁମିତ ନେବାକୁ ପଡିବ । ସେହିପରି ଏହି ଲକ୍ଡାଉନ୍ ସମୟରେ କ୍ରିସମସ୍ ଓ ନୂଆବର୍ଷ ପଡୁଛି । ତେବେ ୨୪ରୁ ୨୬ ଡିସେମ୍ବର ମଧ୍ୟରେ ଦେଶବାସୀଙ୍କୁ କିଛି ଆଶ୍ୱସ୍ତି ଦିଆଯିବାର ସୂଚନା ରହିଛି ।