Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୫ ବର୍ଷ ପରେ ଦୁର୍ଲଭ ନାଗାର୍ଜୁନ ବେଶରେ ସଜେଇ ହେବେ ଶ୍ରୀଜିଉ, ଆରମ୍ଭ ହେଲା ପ୍ରସ୍ତୁତି
  • ||
  • କୋଇଲା ଖଣି ଆବଣ୍ଟନ ଦୁର୍ନୀତି ମାମଲାରେ ପୂର୍ବତନ କେନ୍ଦ୍ର ମନ୍ତ୍ରୀ ଦିଲ୍ଲୀପ ରାୟଙ୍କୁ ମିଳିଲା ଜାମିନ
  • ||
  • ମାଲକାନଗିରି : ମାଟି ତଳୁ ବିପୁଳ ପରିମାଣର ଅସ୍ତ୍ରଶସ୍ତ୍ର ସହ ବିସ୍ଫୋରକ ସାମଗ୍ରୀ ଜବତ
  • ||
  • ରାଜନଗର : ଭୋଗ ଖାଇ ୧୫୦ ଅସୁସ୍ଥ, ୩୦ ଜଣଙ୍କ ଅବସ୍ଥା ଗୁରୁତର
  • ||
  • ପାରାଦୀପ : ସମୁଦ୍ରରେ ବୁଡିଗଲା ମାଛଧରା ଟ୍ରଲର, ୫ ମତ୍ସ୍ୟଜୀବୀ ଉଦ୍ଧାର, ୪ ନିଖୋଜ
  • ||
  • ରାଜ୍ୟରେ ଆଉ ୧୪ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ଆଉ ୧୪୮୦କରୋନା ସଂକ୍ରମିତ ଚିହ୍ନଟ
  • ||
  • ଟ୍ରେନ୍‌ରେ କଟି ବାପା-ଝିଅ-ପୁଅର ମୃତ୍ୟୁ, ଆତ୍ମହତ୍ୟା ସନ୍ଦେହ
  • ||
  • ବାଇକ୍‌କୁ ଧକ୍କାଦେଲା ହାଇଓ୍ୱା ଟ୍ରକ, ଆରୋହୀ ମୃତ
  • ||

ଅନୁସନ୍ଧାନର ଦାବି : ସମୁଦ୍ର ଲାଲ୍ ଶୈବାଳ ଦ୍ବାରା କରୋନା ପ୍ରତିରୋଧ ସମ୍ଭବ !

12/04/2020 at 8:38 PM

ନୂଆଦିଲ୍ଲୀ ୧୨।୪: ସମଗ୍ର ବିଶ୍ବରେ କରୋନା ଭାଇରସ୍ ମହାମାରୀର ରୂପ ନେଇଛି । ଏପର୍ଯ୍ୟନ୍ତ ଏକ ଲକ୍ଷରୁ ଅଧିକ ଲୋକ ପ୍ରାଣ ହରାଇସାରିଲେଣି । ଏହାର ଚିକିତ୍ସା ଏବଂ ଟୀକା ଅନୁସନ୍ଧାନ ପାଇଁ ଅନେକ ଦେଶର ବୈଜ୍ଞାନିକମାନେ ନିୟୋଜିତ ଅଛନ୍ତି । କିନ୍ତୁ କେହି ଏପର୍ଯ୍ୟନ୍ତେ ସଫଳ ହୋଇ ନାହାଁନ୍ତି । ଏହିପରି ଏକ ଅନୁସନ୍ଧାନରେ କୁହାଯାଇଛି ଯେ ସମୁଦ୍ରରେ ମିଳୁଥିବା ଲାଲ ମସ୍ ଦ୍ବାରା କରୋନାକୁ ପ୍ରତିରୋଧ କରାଯାଇପାରିବ ଏବଂ ଏହା ବିସ୍ତାରକୁ ରୋକାଯାଇପାରିବ ।

ଏକ ରିପୋର୍ଟ ଅନୁଯାୟୀ ଏହି ଅନୁସନ୍ଧାନ ଦେଶର ଅଗ୍ରଣୀ ବ୍ୟବସାୟିକ କମ୍ପାନୀ ରିଲାଏନ୍ସ ଦ୍ବାରା କରାଯାଇଛି । ଯେଉଁଥିରେ ସମୁଦ୍ରରେ ମିଳିଥିବା ଲାଲ୍ ମସରୁ କରୋନା ଭାଇରସକୁ ଆରୋଗ୍ୟ କରିବାକୁ ଦାବି କରାଯାଇଛି ।

ରିଲାଏନ୍ସ ଦ୍ବାରା କରାଯାଇଥିବା ଅନୁସନ୍ଧାନ ଅନୁଯାୟୀ, ଯଦି ସମୁଦ୍ରରେ ମିଳୁଥିବା ଲାଲ୍ ମସରୁ ନିର୍ଗତ ଜୈବିକ ରାସାୟନିକ ପଦାର୍ଥ ଆବରଣ ପାଉଡର ପ୍ରସ୍ତୁତ କରି ସାନିଟାରୀ ସାମଗ୍ରୀରେ ବ୍ୟବହାର କରାଯିବ ତେବେ ସଂକ୍ରମଣ ବିସ୍ତାର ହୋଇପାରିବ ନାହିଁ । ସାନିଟାରୀ ଜିନିଷ ଯେମିତିକି ସିଙ୍କ, ଟଏଲେଟ୍, ଟ୍ୟାଙ୍କ ପରି ଯାହାକୁ ଆମେ ପ୍ରତିଦିନ ବ୍ୟବହାର କରୁ ।

ରିଲାଏନ୍ସ ପକ୍ଷରୁ ଏହି ଅନୁସନ୍ଧାନକୁ ବିନୋଦ ନାଗଲେ, ମହାଦେବ ଗାଇକୱାଡ, ଯୋଗେଶ ପାୱାର ଏବଂ ଶାନ୍ତନୁ ଦାସଗୁପ୍ତ କରିଛନ୍ତି । ଏହି ସମସ୍ତ ବୈଜ୍ଞାନିକ ଏବଂ ଅନୁସନ୍ଧାନକାରୀମାନେ ରିଲାଏନ୍ସର ଅନୁସନ୍ଧାନ ଏବଂ ବିକାଶ କେନ୍ଦ୍ରରେ କାର୍ଯ୍ୟ କରନ୍ତି ।

ରିଲାଏନ୍ସ ଇଣ୍ଡଷ୍ଟ୍ରିଜର ମୁଖ୍ୟ ତଥା ଚେୟାରମ୍ୟାନ୍ ମୁକେଶ ଅମ୍ବାନୀ କହିଛନ୍ତି ଯେ, ଦେଶରେ କରୋନା ଭାଇରସ୍ ବିସ୍ତାରକୁ ଦୃଷ୍ଟିରେ ରଖି ରିଲାଏନ୍ସ ଲାଇଫ୍ ସାଇନ୍ସ ଭାରତରେ ଏହି ମହାମାରୀ ସମ୍ବନ୍ଧୀୟ ଅନୁସନ୍ଧାନ ତଥା ଅନୁସନ୍ଧାନକୁ ଆଗକୁ ନେବାରେ ସାହାଯ୍ୟ କରିବ ।

ଦେଶରେ କରୋନା ଭାଇରସ୍ ସଂକ୍ରମଣ ଦ୍ରୁତ ଗତିରେ ବ୍ୟାପିବାରେ ଲାଗିଛି । ବର୍ତ୍ତମାନ ସୁଦ୍ଧା ଦେଶରେ ୮ ହଜାରରୁ ଅଧିକ ସଂକ୍ରମିତ ରୋଗୀ ନିଶ୍ଚିତ ହୋଇଥିବାବେଳେ ୨୭୦ରୁ ଅଧିକ ଲୋକ ପ୍ରାଣ ହରାଇଛନ୍ତି ।

   Related Posts