Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଜିଠୁ ଖୋଲିବ ସ୍କୁଲ, ପାଠ ପଢିବେ ଦଶମ ଓ ଦ୍ୱାଦଶ ଶ୍ରେଣୀ ଛାତ୍ରଛାତ୍ରୀ
  • ||
  • ଖୋଲିଲା ହଲ୍ ଓ ମଲ୍ଟିପ୍ଲେକ୍ସ, ବିବାହ ଭୋଜିରେ ୧୦୦ ଜଣଙ୍କୁ ଅନୁମତି
  • ||

ନିର୍ବାଚନ ପୂର୍ବରୁ କୌଣସି ବି କରୋନା ଟୀକା ପାସ୍ କରିଦେବେ ଟ୍ରମ୍ପ୍ ସରକାର ! ଚିନ୍ତାରେ ବୈଜ୍ଞାନିକ

3/08/2020 at 12:38 PM

ଓ୍ବାଶିଂଟନ୍ ୩।୮: ଏକ ସଫଳ କରୋନା ଟୀକା ପାଇବା ପାଇଁ ଆମେରିକା ବହୁତ ଦ୍ରୁତ ଗତିରେ କାର୍ଯ୍ୟ କରୁଛି । ଡୋନାଲ୍ଡ ଟ୍ରମ୍ପଙ୍କ ସରକାର ଖୁବ୍ ଶୀଘ୍ର କରୋନା ଟୀକା ଉତ୍ପାଦନ ପାଇଁ ଅପରେସନ୍ ୱାର୍ପ ସ୍ପିଡ୍ ଆରମ୍ଭ କରିଛନ୍ତି। ନଭେମ୍ବରରେ ଆମେରିକାରେ ରାଷ୍ଟ୍ରପତି ନିର୍ବାଚନ ହେବାକୁ ଅଛି। ଏଭଳି ପରିସ୍ଥିତିରେ କିଛି ବୈଜ୍ଞାନିକ ଚିନ୍ତା ପ୍ରକଟ କରିଛନ୍ତି ଯେ ନିର୍ବାଚନ ପୂର୍ବରୁ ସରକାର କୌଣସି ବି କରୋନା ଟୀକା ଛାଡିପାରନ୍ତି ।

ନ୍ୟୁୟର୍କ ଟାଇମ୍ସ ରିପୋର୍ଟ ଅନୁଯାୟୀ, ଅପରେସନ୍ ୱାର୍ପ ସ୍ପିଡ୍ ସହିତ ଜଡିତ କିଛି ଲୋକ ଅନୁଭବ କରୁଛନ୍ତି ଯେ ଅକ୍ଟୋବର ସୁଦ୍ଧା ଟୀକା ପ୍ରସ୍ତୁତ କରିବାକୁ ସେମାନଙ୍କ ଉପରେ ଚାପ ପଡୁଛି । ରିପୋର୍ଟରେ କୁହାଯାଇଛି ଯେ ସରକାରଙ୍କ ସହ କାମ କରୁଥିବା ଅନୁସନ୍ଧାନକାରୀମାନେ ଭୟ କରୁଛନ୍ତି ଯେ ଆସନ୍ତା ମାସରେ ସରକାର ଟୀକା ପ୍ରସ୍ତୁତି କରିବାର କାମରେ ହସ୍ତକ୍ଷେପ କରିପାରନ୍ତି। ଟୀକା ସଫଳତାକୁ ତ୍ବରାନ୍ବିତ କରିବା ଏବଂ ସୁରକ୍ଷା ନିୟମକୁ ସମ୍ପୂର୍ଣ୍ଣ ଅନୁସରଣ କରିବା ମଧ୍ୟରେ ସନ୍ତୁଳନ ରକ୍ଷା କରିବାକୁ ବୈଜ୍ଞାନିକ ସଂଘର୍ଷ କରୁଛନ୍ତି।

ରିପୋର୍ଟ ଅନୁଯାୟୀ, ଯଦିଓ କୌଣସି ରାଜନୈତିକ ଚାପ ନପଡେ, ତେବେ ମଧ୍ୟ ଟୀକା ପରୀକ୍ଷାକୁ ତ୍ବରାନ୍ବିତ କରିବା ଏବଂ ଅନୁମୋଦନ ପ୍ରଦାନକୁ ନେଇ ବହୁ ବିତର୍କ ହୋଇପାରେ। କାରଣ ଟୀକା ପରୀକ୍ଷା ଯେତେ ଅଧିକ ସମୟ ଧରି ଚାଲିବ, ତାହା ନିରାପଦ ଏବଂ ପ୍ରଭାବଶାଳୀ ହେବାର ସମ୍ଭାବନା ଅଧିକ । କିନ୍ତୁ ଦେଶରେ କରୋନା ଯୋଗୁଁ ପ୍ରତିଦିନ ଶହ ଶହ ଲୋକଙ୍କ ମୃତ୍ୟୁକୁ ନେଇ ନୂଆ ପ୍ରଶ୍ନ ଉଙ୍କି ମାରୁଛି ଯେ, ଏହି ଟୀକା କେବେ ଜନସାଧାରଣଙ୍କ ପାଇଁ ଉପଲବ୍ଧ ହେବ ।

ସୂଚନାଯୋଗ୍ୟ ଯେ, ଆନୁଷ୍ଠାନିକ ଭାବରେ ଆମେରିକା ଟୀକା ପରୀକ୍ଷା ଶେଷ କରିବାକୁ ଅକ୍ଟୋବର ପର୍ଯ୍ୟନ୍ତ ଏକ ସମୟସୀମା ସ୍ଥିର କରିଛି। କିନ୍ତୁ ବର୍ତ୍ତମାନ ଆମେରିକା ସରକାରଙ୍କ ସହ ଜଡିତ ଅଧିକାରୀମାନେ ବର୍ଷ ଶେଷ ସୁଦ୍ଧା ଟୀକା ପରୀକ୍ଷା ଶେଷ ହେବା କଥା କହୁଛନ୍ତି। କିନ୍ତୁ ସରକାରୀ ସମ୍ବନ୍ଧୀୟ ବିଶେଷଜ୍ଞମାନେ ଭୟ କରୁଛନ୍ତି ଯେ ନଭେମ୍ବର ନିର୍ବାଚନ ପୂର୍ବରୁ ପର୍ଯ୍ୟାପ୍ତ ତଥ୍ୟକୁ ଆଧାର କରି ଜରୁରୀକାଳୀନ ଅନୁମୋଦନକୁ ହ୍ବାଇଟ୍ ହାଉସ୍ ଖାଦ୍ୟ ଏବଂ ଡ୍ରଗ୍ ଆଡମିନିଷ୍ଟ୍ରେସନ (ଏଫଡିଏ) ଉପରେ ଚାପ ପକାଇପାରେ।

ଏଫଡିଏର ଭ୍ୟାକ୍ସିନ୍ ପରାମର୍ଶଦାତା କମିଟିର ସଦସ୍ୟ ଡ. ପଲ୍ ଏ ଅଫ୍ କହିଛନ୍ତି ଯେ ଏହି ପ୍ରକ୍ରିୟାରେ ଜଡିତ ଅନେକ ଲୋକ ଏଫ୍‌ଡିଏ ଅପରେସନ୍ ୱାର୍ପ ସ୍ପିଡର ଗୋଟିଏ, ଦୁଇ କିମ୍ବା ୩ଟି ଟୀକା ଘୋଷଣା କରିବେ କି ନାହିଁ ତାହା ଉପରେ ଆମେ ଚିନ୍ତିତ, ଯାହାକୁ ଆମେ ହଜାର ହଜାର ଲୋକଙ୍କ ଉପରେ ପରୀକ୍ଷା କରିଛୁ। ଏହା ନିରାପଦ ମନେ ହେଉଛି ଏବଂ ବର୍ତ୍ତମାନ ଆମେ ଏହାକୁ ଲୋକଙ୍କ ପାଇଁ ଉପଲବ୍ଧ କରାଇବାକୁ ଯାଉଛୁ ।

   Related Posts