Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସମାଧାନ ପାଇଁ ଯାଇଥିଲେ ମହିଳା ଏସଆଇ, ୨ ଘଣ୍ଟା ଅଟକ ରଖିଲେ ଗ୍ରାମବାସୀ
  • ||
  • ଇନ୍ଦୋରରେ ଓମିକ୍ରନ୍ ଭାରିଆଣ୍ଟର ନୂଆ ଷ୍ଟ୍ରେନ୍, ୬ ଶିଶୁଙ୍କ ସମେତ ୧୨ ରୋଗୀ ସଂକ୍ରମିତ
  • ||
  • କରଞ୍ଜିଆ ରେଞ୍ଜରେ ଗୋଠଛଡା ଦନ୍ତା ଆତଙ୍କ : ଭାଙ୍ଗିଲା ଘର, ନଷ୍ଟ କଲା ଫସଲ
  • ||
  • ମଙ୍ଗଳବାର ପ୍ରକାଶ ପାଇବ ଚୂଡାନ୍ତ ପ୍ରାର୍ଥୀ ତାଲିକା, ମିଳିବ ନିର୍ବାଚନୀ ଚିହ୍ନ
  • ||

ପୃଥିବୀ ପାଇଁ ଆଉ ଏକ ମହାସଙ୍କଟ : ମହାକାଶରୁ ଆସୁଛି ମହାବିପତ୍ତି ! ଦୁର୍ବଳ ହେଉଛି ପୃଥିବୀର ଚୁମ୍ବକୀୟ କ୍ଷେତ୍ର

22/05/2020 at 1:01 PM

କରୋନା କାଳରେ ବିଶ୍ବ ସମକ୍ଷରେ ଆଉ ଏକ ଗୁରୁତର ସମସ୍ୟା ସୃଷ୍ଟି ହୋଇଛି। ବୈଜ୍ଞାନିକମାନେ ଆଶ୍ଚର୍ଯ୍ୟପ୍ରଦ ଖୁଲାସା କରିଛନ୍ତି ଯେ ପୃଥିବୀର ଚୁମ୍ବକୀୟ କ୍ଷେତ୍ର ଦୁର୍ବଳ ପଡ଼ୁଛି। ପୃଥିବୀରେ ଜୀବନ ପାଇଁ ଚୁମ୍ବକୀୟ କ୍ଷେତ୍ର ନିହାତି ଜରୁରୀ। ଚୁମ୍ବକୀୟ କ୍ଷେତ୍ର ଯୋଗୁଁ ପୃଥିବୀ ଅନ୍ତରୀକ୍ଷରୁ ହେଉଥିବା ବିକିରଣ ଏବଂ ସୂର୍ଯ୍ୟରୁ ବାହାରୁଥିବା ଚାର୍ଜିତ କଣିକାରୁ ବର୍ତ୍ତି ପାରିଥାଏ। ଏବେ ଏହି ଚୁମ୍ବକୀୟ କ୍ଷେତ୍ର ଦୁର୍ବଳ ହେବା ଆରମ୍ଭ ହୋଇଗଲାଣି। ଆସନ୍ତୁ ଜାଣିବା କ’ଣ ଏହି ସଙ୍କଟ ଏବଂ ଏହା ଦ୍ବାରା ଉପଗ୍ରହ ଏବଂ ଅନ୍ତରୀକ୍ଷ ଯାନର କି ବିପଦ ରହିଛି।


ବୈଜ୍ଞାନିକମାନେ ଅନୁସନ୍ଧାନ କରିଛନ୍ତି ଯେ ଆଫ୍ରିକା ଏବଂ ଲାଟିନ୍ ଆମେରିକା ମହାଦ୍ବୀପ ମଧ୍ୟରେ ଏକ ବଡ଼ ଅଞ୍ଚଳରେ ପୃଥିବୀର ଚୁମ୍ବକୀୟ କ୍ଷେତ୍ରର ତୀବ୍ରତାରେ ଅଭାବ ଦେଖା ଦେଇଛି। ଏହାକୁ ଦକ୍ଷିଣ ଆଟଲାଣ୍ଟିକ୍ ବିଷମତା କୁହାଯାଉଛି। ପାଖାପାଖି ୫ବର୍ଷ ତଳେ ହିଁ କମ୍ ତୀବ୍ରତାର ଏହି କ୍ଷେତ୍ର ବିକଶିତ ହୋଇଛି। ବୈଜ୍ଞାନିକଙ୍କ ଅନୁମାନ ରହିଛି ଯେ ପୃଥିବୀ ଧ୍ରୃବରେ ପରିବର୍ତ୍ତନ ଆଡ଼କୁ ମୁହାଁଉଛି । ଏହା ଅନୁସାରେ ଉତ୍ତର ଧ୍ରୃବ ଏବଂ ଦକ୍ଷିଣ ଧ୍ରୃବ ପରସ୍ପରର ସ୍ଥାନ ନେଉଛନ୍ତି। ଏପରି ଶେଷ ଥର ୭,୮୦,୦୦୦ବର୍ଷ ପୂର୍ବେ ହୋଇଥିଲା।


ଦକ୍ଷିଣ ଆଟଲାଣ୍ଟିକ୍ ବିଷମତା ଯୋଗୁଁ ଉପଗ୍ରହ ଏବଂ ଏହି ଅଞ୍ଚଳରୁ ଅତିକ୍ରମ କରୁଥିବା ଅନ୍ତରୀକ୍ଷ ଯାନ ପାଇଁ ଗୁରୁତର ସଙ୍କଟ ସୃଷ୍ଟି ହୋଇଛି। ଅନ୍ତରୀକ୍ଷରେ ଚକ୍କର ଲଗାଉଥିବା ଉପଗ୍ରହ ଏବଂ ଅନ୍ତରୀକ୍ଷ ଯାନକୁ ଯାନ୍ତ୍ରିକ ସମସ୍ୟାର ଶିକାର ହେବାକୁ ପଡ଼ୁଛି। ଏହି ପୂରା ସଙ୍କଟର ଖୁଲାସା ୟୁରୋପୀୟ ସ୍ପେସ୍ ଏଜେନ୍ସି କରିଛି। ଏଜେନ୍ସି ନିଜ ସ୍ୟାଟେଲାଇଟ୍ ସାହାଯ୍ୟରେ ଏହାର ତଥ୍ୟ ଏକାଠି କରିଛନ୍ତି। ଏହି ସାଟେଲାଇଟ୍ ବିଶେଷ ଭାବେ ପୃଥିବୀର ଚୁମ୍ବକୀୟ କ୍ଷେତ୍ରକୁ ନିର୍ମାଣ କରୁଥିବା ଚୁମ୍ବକୀୟ ତରଙ୍ଗର ଚିହ୍ନଟ ଏବଂ ଏଗୁଡ଼ିକ ମାପ କରିବା ପାଇଁ ନିର୍ମାଣ କରାଯାଇଛି। ଏହା ଦ୍ବାରା ବୈଜ୍ଞାନିକଙ୍କୁ ପୃଥିବୀର ଚୁମ୍ବକୀୟ କ୍ଷେତ୍ରରେ ହୋଇଥିବା ସମସ୍ୟା ବିଷୟରେ ସୂଚନା ମିଳିଥିଲା।


ୟୁରୋପୀୟ ଅନ୍ତରୀକ୍ଷ ଏଜେନ୍ସି ୨୦୧୩ମସିହାରୁ ପୃଥିବୀର ଚୁମ୍ବକୀୟ କ୍ଷେତ୍ରର ଅଧ୍ୟୟନ କରୁଛି। ଏହି ମିଶନରେ ୩ଟି ସାଟେଲାଇଟ୍ ଲାଗିଛି ଯାହା ଉଚ୍ଜ ଗୁଣବତ୍ତାକୁ ସୂଚାଇଥାଏ।
ଗତ କିଛି ବର୍ଷରୁ ବିଶେଷଜ୍ଞଙ୍କ ରାଡାରରେ ଚୁମ୍ବକୀୟ କ୍ଷେତ୍ରରେ ବିଚ୍ୟୁତି ଥିଲା। ଗତ ୨୦୦ବର୍ଷ ମଧ୍ୟରେ ଚୁମ୍ବକୀୟ କ୍ଷେତ୍ରର ତୀବ୍ରତାରେ ୯ପ୍ରତିଶତ ଅଭାବ ଆସିଥିଲା। ବୈଜ୍ଞାନିକମାନେ କହିଥିଲେ ଯେ ଧ୍ରୃବରେ ହଠାତ୍ ପରିବର୍ତ୍ତନ ହୋଇନଥାଏ ବରଂ ଏହା ଧୀରେ ଧୀରେ ହୋଇଥାଏ। ଏହି ପରିବର୍ତ୍ତନ ପ୍ରତି ୨,୫୦,୦୦୦ବର୍ଷରେ ହୋଇଥାଏ।


ପୃଥିବୀର ଚୁମ୍ବକୀୟ କ୍ଷେତ୍ର ଜୀବନ ପାଇଁ ଏକ ରକ୍ଷା କବଚ ଭଳି। ଏହି ଚୁମ୍ବକୀୟ କ୍ଷେତ୍ରର ଉତ୍ପତ୍ତି ପୃଥିବୀର ଲୌହ ସମ୍ପନ୍ନ ଦ୍ରବୀୟ ବାହାର ପିଣ୍ଡରେ ବୋହୁଥିବା ବିଦ୍ୟୁତ୍ ଧାରା ଯୋଗୁଁ ହୋଇଥାଏ।

   Related Posts