Tuesday, April 23, 2019

News7

Prameya News7, News7 Odia, Odisha Latest News, Odisha Current Headlines, Odisha News Online

ବିନା ଇଂଜେକ୍ସନରେ ଏଥର ନେଇହେବ ଇନସୁଲିନ୍‌, ବୈଜ୍ଞାନିକମାନେ ବାହାର କଲେ ଏହି ରୋବୋର୍ଟ କ୍ୟାପସୁଲ୍‌

ଏବେ ଇନସୁଲିନ ପାଇଁ ଆଉ ଇଂଜେକ୍ସନ ବ୍ୟବହାର କରିବା ଆବଶ୍ୟକ ନାହିଁ । ଚିକିତ୍ସା ବିଜ୍ଞାନ ଏକ ବଡ ଉଦ୍ଭାବନ କରିଛି । ବୈଜ୍ଞାନିକମାନେ ଗବେଷଣା କରି ଇଂଜେକ୍ସନର ବିକଳ୍ପ ଭାବେ ଏକ ରୋବୋଟିକ କ୍ୟାପସୁଲ ବାହାର କରିଛନ୍ତି । ଫଳରେ ମଧୁମେହ, କର୍କଟ ଏବଂ ଅନ୍ୟାନ୍ୟ କିଛି ରୋଗୀଙ୍କୁ ଦିଆଯାଉଥିବା ଇନସୁଲିନ ପାଇଁ ଆଉ ଇଂଜେକ୍ସନର ଆବଶ୍ୟକତା ରହିବ ନାହିଁ । ଫଳରେ ଏହି ରୋଗୀମାନେ ପ୍ରତିଦିନ ଇଂଜେକ୍ସନ ନେବାବେଳେ ଭୋଗୁଥିବା ଯଂତ୍ରଣାରୁ ମୁକ୍ତି ପାଇବେ । ଇନସୁନିନରେ ରହୁଥିବା ଅଣୁ ଏତେ କ୍ଷୁଦ୍ରାତି କ୍ଷୁଦ୍ର ହୋଇଥାଏ ଯେ, ଏହାକୁ ଇଂଜେକ୍ସନ ବ୍ୟତୀତ ଅନ୍ୟ କୌଣସି ମଧ୍ୟମରେ ଶରୀର ମଧ୍ୟକୁ ପ୍ରବେଶ କରାଯାଇପାରୁନଥିଲା । ଇଂଜେକ୍ସନର ବିକଳ୍ପ ପାଇଁ ଚିକିତ୍ସା ବିଜ୍ଞାନୀମାନେ ଦୀର୍ଘ ଦିନରୁ ଗବେଷଣା କରିଆସୁଥିଲେ ।

 

ମାସାଚୁସେଟ ଇନଷ୍ଟିଚ୍ୟୁଟ ଅଫ୍‌ ଟେକ୍ନୋଲୋଜି ଏବଂ ହାବାର୍ଡର କିଛି ଚିକିତ୍ସା ବିଜ୍ଞାନୀ ଏବେ ଏଭଳି ଏକ ଟୋବୋର୍ଟ କ୍ୟାପସୁଲ ବାହାର କରିଛନ୍ତି ଯାହା ଦେଖିବା ପାଇଁ ଛୋଟିଆ କଇଁଛ ଆକୃତିର । ଏହି ରୋବର୍ଟ କ୍ୟାପସୁଲଟି ପେଟ ଭିତରକୁ ଯିବା ପରେ ସେଥିରୁ ଇନସୁଲିନ କ୍ଷରଣ ହୋଇ ରକ୍ତରେ ମିଶିଯାଇଥାଏ । ଏହାପରେ ରୋବର୍ଟଟି ମଳତ୍ୟାଗ ବେଳେ ମଳଦ୍ବାର ଦେଇ ବାହାରିଯାଇଥାଏ ।

ରୋବୋର୍ଟ ବା ଡିଭାଇସଟିକୁ କଇଁଛ ଆକୃତିର ଏଥିପାଇଁ କରାଯାଇଛି ଯେ, ଏହା ପେଟରେ ପହଞ୍ଚିବାପରେ ଠିକରେ ବୁଲି ପାରିବ ଏବଂ ମଳଦ୍ବାର ରାସ୍ତାକୁ ଆସିପାରିବ ବୋଲି ବୈଜ୍ଞାନିକମାନେ କହିଛନ୍ତି । ନ୍ୟୁୟର୍କ ଟାଇମ୍ସରେ ପ୍ରକାଶିତ ଏହି ଖବର ଏବେ ଡାଇବେଟିସ ରୋଗୀଙ୍କୁ ବିଶେଷ ଭାବେ ଆଶ୍ବସ୍ଥ କରିଛି ।

  

281 Views

   ସମ୍ବନ୍ଧିତ ଖବର