Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପରୀ ହତ୍ୟା ମାମଲା, SIT ତଦନ୍ତରେ ହାଇକୋର୍ଟ ସନ୍ତୁଷ୍ଟ- ବିଜେଡି
  • ||
  • ଶଙ୍ଖ ନଦୀରେ ବୁଡ଼ି ଜଣେ ଯୁବକ ନିଖୋଜ, ୪ ଜଣ ହସ୍ପିଟାଲରେ ଭର୍ତ୍ତି
  • ||
  • ତାଳପଦର ବିଜୁ ସେତୁ ଭୁଶୁଡିବା ଘଟଣା: ଗ୍ରାମ୍ୟ ଉନ୍ନୟନ ବିଭାଗ ଏସ୍‌ଡିଓ ଅସିତ ପାତ୍ର ଗିରଫ
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୦ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୮୩ କୋଭିଡ୍ ସଂକ୍ରମିତ, ୩୩୩୩୧୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଦେଶରେ କମୁଛି କୋଭିଡ଼ ସଂକ୍ରମଣ, ଗତ ୨୪ଘଣ୍ଟାରେ ୧୫,୧୪୪ କରୋନା ସଂକ୍ରମିତ ଚିହ୍ନଟ
  • ||
  • ଜୟପୁର : ଚଳନ୍ତା ବସ୍‌ରେ ଲାଗିଲା ବିଦ୍ୟୁତ ତାର ; ୬ ମୃତ , ୧୭ ଗୁରୁତର
  • ||
  • ଅପରେସନ ଗ୍ରୀନ କ୍ଲିନ, ପ୍ରାୟ ୧୨ କୋଟି ଟଙ୍କାର ଗଞ୍ଜେଇ ଚାଷ ନଷ୍ଟ
  • ||
  • ଦିଲ୍ଲୀ: କରୋନା ଟିକା ନେବା ପରେ ୫୧ ଜଣଙ୍କ ଠାରେ ଦେଖାଗଲା ପାର୍ଶ୍ବ ପ୍ରତିକ୍ରିୟା
  • ||

ନାଗରିକତା ଆଇନ ନିଆଁ : ଉତ୍ତରପ୍ରଦେଶ ଏବଂ ଦିଲ୍ଲୀରେ ହିଂସା, ଆଜି ଉତ୍ତରପ୍ରଦେଶରେ ସବୁ ସ୍କୁଲ କଲେଜ ବନ୍ଦ

21/12/2019 at 9:21 AM

ନୂଆଦିଲ୍ଲୀ ୨୧।୧: ସାରା ଦେଶରେ ନାଗରିକତା ସଂଶୋଧନ ଆଇନ ନିଆଁ । ଉତ୍ତରପ୍ରଦେଶ ଏବଂ ଦିଲ୍ଲୀରେ ହିଂସା ପ୍ରଦର୍ଶନ । ଉତ୍ତରପ୍ରଦେଶ ହିଂସାରେ ଏଯାଏଁ ୧୦ଜଣଙ୍କ ମୃତ୍ୟୁ ହୋଇଥିଲା ସୂଚନା ମିଳିଛି । ଅନେକ ଆହତ ହୋଇଛନ୍ତି । ଉତ୍ତରପ୍ରଦେଶ ବ୍ୟତୀତ ଦିଲ୍ଲୀ, ମଧ୍ୟପ୍ରଦେଶ, ଗୁଜରାଟ ସମେତ ଅନ୍ୟ ରାଜ୍ୟରେ ମଧ୍ୟ ପ୍ରଦର୍ଶନ ଜାରି ରହିଛି । ଏହାକୁ ଆଖିରେ ରଖି ଆଜି ଉତ୍ତରପ୍ରଦେଶର ସ୍କୁଲ ଏବଂ କଲେଜ ବନ୍ଦ ଘୋଷଣା କରି ଦିଆଯାଇଛି ।

ଉତ୍ତରପ୍ରଦେଶ ପୋଲିସ ମହାନିର୍ଦ୍ଦେଶକ ଓପି ସିଂ କହିଛନ୍ତି, ପୋଲିସ ଗୁଳିରେ କେହି ପ୍ରାଣ ହରାଇ ନାହାନ୍ତି । ସୂଚନା ମୁତାବକ ପ୍ରାଣ ହରାଇଥିବା ଏବଂ ଆହତ ହୋଇଥିବା ଲୋକଙ୍କ ଦେହରେ ଗୁଳି ବାଜିଛି । ଆହତଙ୍କ ଭିତରେ ଅନେକ ପୋଲିସ କର୍ମୀ ମଧ୍ୟ ଅଛନ୍ତି । ଗୁରୁବାର ସଂଭଲ ଏବଂ ଲକ୍ଷ୍ନୌରେ ହିଂସା ପରେ ଗତକାଲି ସାରା ଉତ୍ତରପ୍ରଦେଶରେ ହିଂସା ବ୍ୟାପିଯାଇଥିଲା । ବୁଲନ୍ଦସହରରେ ବିକ୍ଷୋଭକାରୀମାନେ ପ୍ରବଳ ପଥର ମାଡ଼ କରିବା ସହିତ ବସରେ ନିଆଁ ଲଗାଇ ଦେଇଛନ୍ତି । ଫିରୋଜାବାଦରେ ୧୦ଟି ଗାଡ଼ିକୁ ପୋଡ଼ି ଦେଇଛନ୍ତି ଆନ୍ଦୋଳନକାରୀ ।

ଆଲିଗଡ଼ରେ ମଧ୍ୟ ପୋଲିସ ଉପରେ ପଥରମାଡ଼ ହୋଇଛି । ମେରଟ, କାନପୁର, ହାପୁଡ଼, ବହରାଇଚ୍, ମୁଜାଫରନଗର ଆଦି ସ୍ଥାନରେ ବିକ୍ଷୋଭ ପ୍ରଦର୍ଶନ ନାଁରେ ଜୋରଦାର ହିଂସାକାଣ୍ଡ ହୋଇଛି । ଏପଟେ ଦେଶର ରାଜଧାନୀ ଦିଲ୍ଲୀରେ ଗତକାଲି ହିଂସା ଦେଖିବାକୁ ମିଳିଥିଲା । ଦିଲ୍ଲୀ ଗେଟ୍ ଅଞ୍ଚଳରେ ଉପଦ୍ରବକାରୀମାନେ ପୋଲିସ ଗାଡିରେ ନିଆଁ ଲଗାଇବା ସହ ପଥରମାଡ କରିଥିଲେ ।

ଗତକାଲି ହିଂସାକୁ ଦେଖି ବିଭିନ୍ନ ମେଟ୍ରୋ ଷ୍ଟେସନ ବନ୍ଦ କରିଦିଆ ଯାଇଥିଲା । ଆଜି ସମସ୍ତ ମେଟ୍ରୋ ଷ୍ଟେସନରେ ଯାତ୍ରୀ ସେବା ସ୍ବଭାବିକ କରିଦିଆଯାଇଛି । ତେବେ ଦିଲ୍ଲୀ ଏବଂ ଉତ୍ତରପ୍ରଦେଶର ଅନେକ ଇଲାକାରେ ମୋବାଇଲ୍ ଇଣ୍ଟରନେଟ୍ ସେବା ବନ୍ଦ କରିଦିଆଯାଇଛି । ଗତକାଲି ମଧ୍ୟପ୍ରଦେଶର ଜବଲପୁରରେ ହିଂସକ ପ୍ରଦର୍ଶନ କାରଣରୁ ୪ ଥାନା ଇଲାକାରେ କର୍ଫ୍ୟୁ ଲଗାଇ ଦିଆଯାଇଛି ।

ସେପଟେ ବିହାରରେ ଆଜି ବନ୍ଦ ଡାକରା ଦେଇଛି ଆରଜେଡି । ଅରରିଆରେ କଂଗ୍ରେସ ଏବଂ ଆରଜେଡି କର୍ମୀ ଟ୍ରେନ୍ ବନ୍ଦ କରିବା ସହ ବିକ୍ଷୋଭ ପ୍ରଦର୍ଶନ କରିଛନ୍ତି । ନାଗରିକତା ଆଇନ ନେଇ ବିଜେପିକୁ ସୋନିଆ ଏବଂ ପ୍ରିୟଙ୍କା ଟାର୍ଗେଟ୍ କରିଛନ୍ତି ।

   Related Posts