Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗଞ୍ଜାମ ଦିଗପହଣ୍ଡିରେ ଅପରାଧୀର ଛୁରା ମାଡରେ ଅପରାଧୀ ମୃତ
  • ||
  • ବାଙ୍କୀରେ ପୂର୍ବ ଶତ୍ରୁତାକୁ କେନ୍ଦ୍ର କରି ବୋମାମାଡରେ ଜଣଙ୍କର ମୃତ୍ୟୁ
  • ||
  • କେନ୍ଦୁଝର ନୟାକୋଟରେ ସ୍ତ୍ରୀକୁ ଟାଙ୍ଗିଆରେ ହାଣିଲା ସ୍ବାମୀ
  • ||
  • ଗୁଜୁରାଟରେ ସ୍ତ୍ରୀକୁ ହତ୍ୟା ପରେ ଦୁଇ ସନ୍ତାନ ସହ ନିଜ ଦେହରେ ପେଟ୍ରୋଲ ଢାଳି ନିଆଁ ଲଗାଇଦେଲେ ଯୁବକ
  • ||
  • ରାଜ୍ୟରେ ଆଉ ୧୫ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୬୯୫ କରୋନା ସଂକ୍ରମିତ
  • ||
  • ଆସୁଛି ଆଉ ଏକ ଲଘୁଚାପ ! ନଭେମ୍ବର ପହିଲାରୁ ପୁଣି ବର୍ଷାର ସମ୍ଭାବନା
  • ||
  • ଆମେରିକୀୟ ନୌସେନା ବିମାନ ଦୁର୍ଘଟଣାଗ୍ରସ୍ତ, ଦୁଇ ପାଇଲଟଙ୍କ ମୃତ୍ୟୁ
  • ||
  • ଭୁଆସୁଣୀ ଛକରେ ସିରିଜ୍ ଦୁର୍ଘଟଣା, ୨ ଗୁରୁତର
  • ||

ଅଟୋରେ ଛାତ୍ରଛାତ୍ରୀ ଆସିବା ମନା, ଆସିଲେ ସ୍କୁଲକୁ କରାଯିବ ବ୍ୟାନ୍

20/02/2020 at 3:55 PM

ଭୁବନେଶ୍ବର ୨୦।୨: ଏଣିକି ଅଟୋରେ ଛାତ୍ରଛାତ୍ରୀ ଯିବାଆସିବା କଲେ ସ୍କୁଲ ବ୍ୟାନ୍ ହେବ । ପୂର୍ବରୁ ଛାତ୍ରଛାତ୍ରୀଙ୍କୁ ନେବା ଆଣିବା ପାଇଁ ଅଟୋକୁ ବ୍ୟାନ୍ କରାଯାଇଥିଲା । ଗାଇଡ୍ ଲାଇନ୍ ନପାଳିବାରୁ ଏଣିକି ସ୍କୁଲ୍ ବ୍ୟାନ୍ ହେବ । ନୂଆ ସ୍କୁଲ ଖୋଲିଲେ ପିଲାଙ୍କୁ ନେବା ଆଣିବାକୁ ଅନୁମତି ଦରକାର । ପରିବହନ ବିଭାଗରୁ ଅନୁମତି ନେବାକୁ ପଡିବ । ନ୍ୟୁଜ୍ ୭ କ୍ୟାମ୍ପେନ୍ ପରେ ପରିବହନ ମନ୍ତ୍ରୀ ପଦ୍ମନାଭ ବେହେରା ଏହି ସୂଚନା ଦେଇଛନ୍ତି । ବନ୍ଦ ହେଉ ସ୍କୁଲ ଅଟୋ ନାଁରେ କ୍ୟାମ୍ପେନ୍ କରିଥିଲା ନ୍ୟୁଜ୍ ସେଭେନ୍ ।

ସ୍କୁଲ ଛାତ୍ରଛାତ୍ରୀଙ୍କ ସୁରକ୍ଷିତ ପରିବହନକୁ ନିଶ୍ଚିତ କରିବାକୁ ୨୦୧୬ରେ ସ୍ବତନ୍ତ୍ର ଗାଇଡ୍ ଲାଇନ୍ କରିଥିଲେ ସରକାର । ଅଟୋ ଭଳି ତିନି ଚକିଆ ବାହାନକୁ ସ୍କୁଲ ପିଲାଙ୍କ ପରିବହନରୁ ସମ୍ପୂର୍ଣ୍ଣ ବାଦ୍ ଦିଆଯାଇଛି । ଚାରିଚକିଆ ଗାଡ଼ିରେ ହ୍ୟାଙ୍ଗର, ସେଫଟି ଗ୍ରିଲ୍ସ୍, ଫାଷ୍ଟ ଏଡ୍ ବକ୍ସ, ଅଗ୍ନି ନିର୍ବାପକ ଯନ୍ତ୍ର ସହ ସ୍ପିଡ୍ ଗଭର୍ଣ୍ଣର ଲଗାଇବାକୁ ବାଧ୍ୟତାମୂଳକ କରାଯାଇଛି । ହେଲେ ନା’ ପରିବହନ ବିଭାଗ ନା’ ଜିଲ୍ଲା ପ୍ରଶାସନ କେହି ଏଥିପ୍ରତି ନଜର ଦେଉନାହାନ୍ତି ।

ଏବେ ବି ରାଜ୍ୟର ଅନେକ ସ୍ଥାନରେ ବିପଦ ସଂକୁଳ ଅବସ୍ଥାରେ ଅଟୋରେ ସ୍କୁଲ ପିଲା ଯିବାଆସିବା କରୁଛନ୍ତି । ଯାହାର ପରିଣାମ ସ୍ବରୂପ ଗତକାଲି ଗଞ୍ଜାମ ଦିଗପହଣ୍ଡିରେ ଘଟିଥିଲା ସାଂଘାତିକ ଅଘଟଣ । ଅଟୋରୁ ଖସିପଡି ୬ବର୍ଷର ଶିଶୁର ଜୀବନ ଚାଲି ଯାଇଥିଲା ।

କେବଳ ଗତକାଲିର ଦୁର୍ଘଟଣା ନୁହେଁ, ଅନେକ ସ୍ଥାନରେ ଏପରି ଦୁର୍ଘଟଣା ଘଟୁଛି । ଏହା ସତ୍ତ୍ବେ ସ୍କୁଲ ଅଟୋ ଉପରେ କଟକଣା ଲାଗି ପାରୁନାହିଁ । ପ୍ରତିଟି ଦୁର୍ଘଟଣା ପରେ ହଠାତ୍ ତତ୍ପର ହୋଇ ଉଠୁଥିବା ପ୍ରଶାସନ ଲୋକ ଦେଖାଣିଆ ଭାବେ ତତ୍ପରତା ଦେଖାଇବା ପରେ ପୁଣି ନିଦରେ ଶୋଇପଡ଼ୁଛି । ଆଉ ଯେମିତି ଅପେକ୍ଷା କରୁଛି ପୁଣି ଏକ ଦୁର୍ଘଟଣାକୁ । ଏମିତିରେ ରାଜ୍ୟ ପରିବହନ ବିଭାଗ ତୁରନ୍ତ ଆକ୍ସନକୁ ଆସିବା ଜରୁରୀ ବୋଲି ସାଧାରଣରେ ଦାବି ହେଉଥିଲା ।

   Related Posts