Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୩୯ କୋଭିଡ୍ ପଜିଟିଭ୍
  • ||
  • ବିଜେପି ନେତା ଫଡନାଭୀସଙ୍କ ଶରଣରେ କଂଗ୍ରେସ ନେତା, କହିଲେ- ‘ଆମ ପ୍ରାର୍ଥୀଙ୍କୁ ଜିତିବାରେ ସାହାଯ୍ୟ କର’
  • ||
  • ଆସୁଛି ବଡ ବର୍ଷା : ସନ୍ଧ୍ୟାରେ ଲଘୁଚାପରେ ପରିଣତ ହେବ ଘୂର୍ଣ୍ଣିବଳୟ
  • ||
  • ଉପରମୁଣ୍ଡରେ ବର୍ଷା, ବଢୁଛି ହୀରାକୁଦର ଜଳସ୍ତର
  • ||
  • ମହାନଦୀରେ ଭାସିଗଲେ ହାତୀପଲ : ମୁଣ୍ଡଳି ବ୍ରିଜରେ ଲାଖି ରହିଛି ହାତୀ ଛୁଆ
  • ||

ସ୍କୁଲ ଭ୍ୟାନର ଡ୍ରାଇଭରଙ୍କ ଉପରକୁ ଗୁଳି କରି ଫେରାର ହୋଇଗଲେ ଦୁର୍ବୃତ୍ତ

5/02/2019 at 4:40 PM

ରୋହତକ ୫/୨ : ହରିୟାଣାରେ ମଧ୍ୟ ଦିନକୁ ଦିନ ଅପରାଧ ବଢ଼ିବାରେ ଲାଗିଛି | ଅବସ୍ଥା ଏମିତି ହୋଇଗଲାଣି ଯେ ଲୋକେ ରାସ୍ତାରେ ଯିବା ଆସିବା କରିବା ପାଇଁ ଡରୁଛନ୍ତି | ଦିନ ଦ୍ବିପ୍ରହରରେ ମଧ୍ୟ ଅପରାଧୀ ଲୋକଙ୍କୁ ହତ୍ୟା କରୁଛନ୍ତି | ରୋହତକ ସାଇଦାସ ଅଂଚଳରେ ଘଟିଛି ଏମିତି ଏକ ଘଟଣା | ହଠାତ ଗୁଳି ଶବ୍ଦ ଶୁଣି ଲୋକେ ଡରି ଯାଇଥିଲେ |


ସ୍କୁଲ ଭ୍ୟାନ ଚଲାଉଥିବା ଜଣେ ଡ୍ରାଇଭରଙ୍କ ଉପରକୁ ହଠାତ ଦୁଇ ଯୁବକ ଗୁଳି କରିଥିଲେ | ତେବେ ଭ୍ୟାନ ଡ୍ରାଇଭର ଅଳ୍ପକେ ବର୍ତ୍ତୀ ଯାଇଥିଲେ | ଖବରପାଇ ପୋଲିସ ସଂଗେ ସଂଗେ ଘଟଣାସ୍ଥଳରେ ପହଞ୍ଚିଥିଲା | ଡ୍ରାଇଭରଙ୍କ ବୟାନ ଆଧାରରେ ପୋଲିସ ଏକ ମାମଲା ରୁଜ୍ଜୁ କରି ଘଟଣାର ତଦନ୍ତ କରୁଛି | ଗୁଳି ଚଲାଇଥିବା ଦୁଇ ଯୁବକ ଫେରାର ହୋଇଯାଇଛନ୍ତି |


ଡ୍ରାଇଭର ଅଜମେର କହିଛନ୍ତି ଯେ, ପ୍ରତିଦିନ ଭଳି ଆଜି ସକାଳେ ମଧ୍ୟ ସେ ସ୍କୁଲ ପିଲାଙ୍କୁ ନେବା ପାଇଁ ସାଇଦାସ କଲୋନୀ ଯାଇଥିଲେ | ସେ ପିଲାଙ୍କୁ ଅପେକ୍ଷା କରିଥିବା ବେଳେ ଅଚାନକ ଦୁଇଜଣ ଯୁବକ ଆସିଥିଲେ | ଜଣେ ଯୁବକ ଡ୍ରାଇଭରଙ୍କ ପାଖ ସିଟର ଝରକା ଖୋଲି ତାଙ୍କ ଉପରକୁ ଗୁଳି ଚଳାଇଥିଲେ | କିନ୍ତୁ ବନ୍ଧୁକରୁ ଗୁଳି ଚାଲିନଥିଲା | ଯୁବକ ଦ୍ୱିତୀୟଥର ମଧ୍ୟ ଚେଷ୍ଟା କରିଥିଲା କିନ୍ତୁ ଗୁଳି ଚାଲିନଥିଲା | ଏହାପରେ ଯୁବକର ଆଉ ଜଣେ ସହଯୋଗୀ ଆସି ଏକ ଇଟାରେ ଡ୍ରାଇଭରଙ୍କୁ ଆକ୍ରମଣ କରିଥିଲା | ଡ୍ରାଇଭର ଜୀବନ ବଞ୍ଚାଇ ସିଟ ଛାଡି ପଳାଇଥିଲେ |


ପୋଲିସ ସୂଚନା ଅନୁଯାୟୀ, ଡ୍ରାଇଭରଙ୍କ କାହା ସହିତ କିଛି ଶତ୍ରୁତା ନଥିଲା | ଡ୍ରାଇଭର କହିଛନ୍ତି ଯେ, ସେ ଆକ୍ରମଣକାରୀ ଦୁଇ ଯୁବକଙ୍କୁ ଚିହ୍ନି ନାହାନ୍ତି |

   Related Posts