ଭୁବନେଶ୍ୱର ୧୧/୮ : ରାଜଧାନୀ ଭୁବନେଶ୍ୱରରେ ଭୁଶୁଡିଲା ସ୍କୁଲ ଛାତ । ଅଳ୍ପକେ ବର୍ତ୍ତି ଯାଇଛନ୍ତି ଛାତ୍ରଛାତ୍ରୀ, ଶିକ୍ଷକ ଓ ଶିକ୍ଷୟିତ୍ରୀ । ଖଣ୍ଡଗିରି ତପୋବନ ଅଞ୍ଚଳରେ ଥିବା ସତ୍ୟସାଇ ସେବାଶ୍ରମ ସ୍କୁଲର ଛାତ ଭୁଶୁଡିପଡିଛି । ସ୍କୁଲରେ ପାଠପଢା ଚାଲିଥିବାବେଳେ ସ୍କୁଲ ଛାତରୁ ଏକ ବିରାଟ ଅଂଶ ଖସି ପଡିଥିଲା । କିନ୍ତୁ ଏହା ଫଳରେ କାହାର କୌଣସି କ୍ଷତି ହୋଇନାହିଁ । ଏଭଳି ଘଟିଥିବା ଯୋଗୁ ଘଟଣାସ୍ଥଳରେ ଉତ୍ତେଜନା ଦେଖାଦେଇଥିଲା । ଅଭିଭାବକମାନେ ସ୍କୁଲ ସାମ୍ନାରେ ଧାରଣାରେ ମଧ୍ୟ ବସିଥିଲେ । ପୂର୍ବରୁ ଏହି ସ୍କୁଲ ସତ୍ୟ ସାଇ ସେବା ଟ୍ରଷ୍ଟ ଦ୍ବାରା ପରିଚାଳିତ ହେଉଥିଲା । ପରେ ଏହି ବିଦ୍ୟାଳୟ ସରକାରଙ୍କ ଅଧୀନକୁ ଆସିଥିଲା ।