Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୨ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୨୪ କୋଭିଡ୍ ପଜିଟିଭ୍
  • ||
  • ଟି୨୦ ବିଶ୍ୱକପ : ସୁପର-୧୨ରେ ଶ୍ରୀଲଙ୍କା, ୭୦ରନରେ ଆୟରଲ୍ୟାଣ୍ଡକୁ ଦେଲା ମାତ୍
  • ||
  • +୩ରେ ଲକ୍ଷେ ସିଟ୍ ଖାଲି, ଗୁରୁବାର ସ୍ପଟ୍ ଆଡମିଶନ ପାଇଁ ଆବେଦନ
  • ||
  • ରାଜ୍ୟରେ ଖରାଟିଆ ପାଗ, ୨୩ ସୁଦ୍ଧା ଫେରିଯିବ ମୌସୁମୀ
  • ||
  • ରାଜଧାନୀରେ ରହିବନି ମୁକୁଳା ଡ୍ରେନ୍ : ଦୁଇ ପାର୍ଶ୍ୱରେ ଲାଗିବ ତାରଜାଲି, ସମ୍ପ୍ରସାରଣ ହେବ ସଙ୍କୁଚିତ ନାଳ
  • ||

ସୀମା ଟପିଲା ଚଞ୍ଚକତା : ସ୍ଵଚ୍ଛ ଭାରତ ଯୋଜନାରେ ମିଳିଛି ଚଞ୍ଚକତାର ଚିତ୍ର, ତଦନ୍ତ କେବେ ?

11/09/2021 at 2:43 PM

ଭୁଦ୍ରକ ୧୧।୦୯: ସୀମା ଟପିଲା ଚଞ୍ଚକତା । ସରକାରୀ ଟଙ୍କାକୁ ଲୁଟ୍ କରିବାକୁ କଳ ବଳ କୌଶଳ ଲଗାଇଛନ୍ତି ବାବୁ ଏବଂ ଦଲାଲ । ତଳ ସ୍ତରରୁ ଉପର ଅଧିକାରୀଙ୍କ ପର୍ଯ୍ୟନ୍ତ ସବୁଠି ବାରି ହେଉଛି ଦୁର୍ନୀତିର ଗନ୍ଧ । ଭଦ୍ରକ ଜିଲ୍ଲାରେ ସ୍ଵଚ୍ଛ ଭାରତ ଯୋଜନାରେ ଦେଖିବାକୁ ମିଳିଛି ଚଞ୍ଚକତାର ଚିତ୍ର । ଆଉ ଏହାର ଏକ୍ସକ୍ଲୁସିଭ ତଥ୍ୟ ଲାଗିଛି ନ୍ୟୁଜ୍ ସେଭେନ ହାତରେ ।

ଖବର ଅନୁଯାୟୀ, ମୃତ ବ୍ୟକ୍ତିଙ୍କୁ ମଧ୍ୟ ଯୋଗ୍ୟ ହିତାଧିକାରୀ ଦର୍ଶାଇ ତାଙ୍କ ନାମରେ ସ୍ଵଚ୍ଛ ଭାରତ ଯୋଜନାରେ ପାଇଖାନା ଯୋଗାଇ ଦିଆଯାଇଥିବା ଅଭିଯୋଗ ହୋଇଛିି । ଏପରିକି ମୃତ ବ୍ୟକ୍ତିଙ୍କ ନାଁରେ ଟଙ୍କା ମଧ୍ୟ ଉଠା ସରିଛି । କିନ୍ତୁ ସେହି ମୃତ ବ୍ୟକ୍ତିଙ୍କ ପରିବାର ଲୋକ ଅଭିଯୋଗ କରିଛନ୍ତି ପାଇଖାନା ତିଆରି କରି ନାହୁଁ କି ଟଙ୍କାଟିଏ ମଧ୍ୟ ପାଇନାହୁଁ । ତିହିଡି ବ୍ଲକ ଶ୍ୟାମସୁନ୍ଦରପୂର ପଞ୍ଚାୟତରେ ୮୨୩ଟି ପାଇଖାନା ବଣ୍ଟନ ସହ କାମ ସରିଥିବା କୁହାଯାଉଛି ।

ସୂଚନା ଅଧିକାର ଆଇନ ତଥ୍ୟ ଅନୁସାରେ ୨୦୧୯ ରୁ ୨୧ ମସିହା ମଧ୍ୟରେ ପାଇଖାନା ଯୋଗାଇ ଦିଆଯାଇଛି । କିନ୍ତୁ ବାସ୍ତବତା ଅଲଗା । ନା କାହାକୁ ମିଳିଛି ଟଙ୍କା ନା ପାଇଖାନା । ଏମିତି ଅନେକ ମୃତ ହିତାଧିକାରୀଙ୍କ ନାଁରେ ଉଠିଛି ଟଙ୍କା । ତାହାଲେ ଏହି ଚଞ୍ଚକତା ପଛରେ କିଏ । ଚଞ୍ଚକତା କରି ଲୁଟ୍ ହୋଇଥିବା ଏହି ଟଙ୍କା କାହା ପକେଟକୁ ଯାଇଛି । କିଏ ହୋଇଛନ୍ତି ମାଲାମାଲ । ଏନେଇ ଲୋକେ ବିଡିଓ ଓ ଜିଲ୍ଲାପାଳଙ୍କ ପାଖରେ ଅଭିଯୋଗ କରିଛନ୍ତି । ଆଉ ଜିଲ୍ଲାପାଳ କହିଛନ୍ତି ତଦନ୍ତ ପାଇଁ ପିଡିଙ୍କୁ ନିର୍ଦ୍ଦେଶ ଦିଆଯାଇଛି । ରିପୋର୍ଟ କୁ ଅପେକ୍ଷା କରିଛୁ । ଏଠି ଅପେକ୍ଷା ରହିଲା ଏହି ଦୁର୍ନୀତିର ତଦନ୍ତ କେବେ ହେଉଛି ଏବଂ ଦୁର୍ନୀତି କଥା ଯଦି ସତ ହୋଇଥିବା ତାହାଲେ ପ୍ରଶାସନ କି କାର୍ଯ୍ୟାନୁଷ୍ଠାନ ନେଉଛନ୍ତି ।

   Related Posts