Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୫ ବର୍ଷ ପରେ ଦୁର୍ଲଭ ନାଗାର୍ଜୁନ ବେଶରେ ସଜେଇ ହେବେ ଶ୍ରୀଜିଉ, ଆରମ୍ଭ ହେଲା ପ୍ରସ୍ତୁତି
  • ||
  • କୋଇଲା ଖଣି ଆବଣ୍ଟନ ଦୁର୍ନୀତି ମାମଲାରେ ପୂର୍ବତନ କେନ୍ଦ୍ର ମନ୍ତ୍ରୀ ଦିଲ୍ଲୀପ ରାୟଙ୍କୁ ମିଳିଲା ଜାମିନ
  • ||
  • ମାଲକାନଗିରି : ମାଟି ତଳୁ ବିପୁଳ ପରିମାଣର ଅସ୍ତ୍ରଶସ୍ତ୍ର ସହ ବିସ୍ଫୋରକ ସାମଗ୍ରୀ ଜବତ
  • ||
  • ରାଜନଗର : ଭୋଗ ଖାଇ ୧୫୦ ଅସୁସ୍ଥ, ୩୦ ଜଣଙ୍କ ଅବସ୍ଥା ଗୁରୁତର
  • ||
  • ପାରାଦୀପ : ସମୁଦ୍ରରେ ବୁଡିଗଲା ମାଛଧରା ଟ୍ରଲର, ୫ ମତ୍ସ୍ୟଜୀବୀ ଉଦ୍ଧାର, ୪ ନିଖୋଜ
  • ||
  • ରାଜ୍ୟରେ ଆଉ ୧୪ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ଆଉ ୧୪୮୦କରୋନା ସଂକ୍ରମିତ ଚିହ୍ନଟ
  • ||
  • ଟ୍ରେନ୍‌ରେ କଟି ବାପା-ଝିଅ-ପୁଅର ମୃତ୍ୟୁ, ଆତ୍ମହତ୍ୟା ସନ୍ଦେହ
  • ||
  • ବାଇକ୍‌କୁ ଧକ୍କାଦେଲା ହାଇଓ୍ୱା ଟ୍ରକ, ଆରୋହୀ ମୃତ
  • ||

ଲକଡାଉନ୍ କାରଣରୁ ବାତିଲ ବିମାନର ଟିକେଟ୍ ବାବଦ ଦେୟ ଫେରସ୍ତ ଲାଗି ସୁପ୍ରିମକୋର୍ଟଙ୍କ ନିର୍ଦ୍ଦେଶ

1/10/2020 at 6:33 PM

ନୂଆଦିଲ୍ଲୀ ୧।୧୦: କୋଭିଡ-୧୯ ଲକଡାଉନ୍‌ ଯୋଗୁ ବାତିଲ ବିମାନ ଟିକେଟ୍‌ ବାବଦ ଅର୍ଥ ଏବେ କମ୍ପାନୀମାନଙ୍କୁ ଫେରସ୍ତ କରିବାକୁ ପଡିବ। ଏଥିଲାଗି ସୁପ୍ରିମକୋର୍ଟ ଗୁରୁବାର ନିର୍ଦ୍ଦେଶ ଦେଇଥିବା ବେଳେ ୩ ସପ୍ତାହ ମଧ୍ୟରେ ଟିକେଟ୍ ବାବଦ ଅର୍ଥ ଫେରସ୍ତ କରିବାକୁ କହିଛନ୍ତି। ଲକଡାଉନର ୨ ଦିନ ପୂର୍ବରୁ ଅର୍ଥାତ ମାର୍ଚ୍ଚ ୨୩ ତାରିଖରୁ ଦେଶରେ ଘରୋଇ ଓ ଅନ୍ତର୍ଜାତୀୟ ବିମାନ ଉଡାଣ ବନ୍ଦ ହୋଇଯାଇଥିଲା। ଏଥିଲାଗି ପୂର୍ବରୁ ଟିକେଟ୍ କରିଥିବା ଯାତ୍ରୀଙ୍କ ଯାତ୍ରା ପ୍ରଭାବିତ ହୋଇଥିବା ବେଳେ ଟିକେଟ୍‌ ବାବଦେ ସେମାନଙ୍କ  ଅର୍ଥ ମଧ୍ୟ ଫଶି ରହିଛି।

ଯଦି ଲକଡାଉନ ଅବଧିରେ ଯାତ୍ରୀ ଏଜେଣ୍ଟଙ୍କ ଦ୍ୱାରା ବିମାନ ଟିକେଟ୍ କ୍ରୟ କରିଥିଲେ ଏଭଳି ସବୁ ମାମଲାରେ ବିମାନ କମ୍ପାନୀଙ୍କୁ ତତ୍କାଳ ଯାତ୍ରୀଙ୍କ ଟିକେଟ୍ ବାବଦ ସମ୍ପୂର୍ଣ୍ଣ ଅର୍ଥ ଫେରସ୍ତ କରିବାକୁ କହିଛନ୍ତି। ଜଷ୍ଟିସ୍ ଅଶୋକ ଭୂଷଣ, ଜଷ୍ଟିସ୍ ଆର.ସୁଭାଷ ରେଡ୍ଡୀ ଓ ଜଷ୍ଟିସ୍ ଏମ.ଆର.ଶାହଙ୍କ ବେଞ୍ଚ ଏହି ମାମଲାର ଶୁଣାଣି କରିଥିବା ବେଳେ ଯଦି କୌଣସି ବିମାନ କମ୍ପାନୀ ଆର୍ଥିକ ସଂକଟ ଯୋଗୁ ଟିକେଟ୍‌ ବାବଦ ରାଶି ଫେରାଇବାକୁ ସକ୍ଷମ ହେଉ ନାହାନ୍ତି ତେବେ ଯାତ୍ରୀଙ୍କୁ ଟିକେଟ୍‌ ରାଶି ପରିମାଣର କ୍ରେଡିଟ୍ ସେଲ ଦେବେ। ଯାହାକୁ ଯାତ୍ରୀ ୩୧ ମାର୍ଚ୍ଚ ୨୦୨୧ ପୂର୍ବରୁ ଉପଯୋଗ କରିପାରିବେ।

ନ୍ୟାୟାଳୟଙ୍କ ନିଷ୍ପତ୍ତି ଅନୁସାରେ ଯଦି ଯାତ୍ରୀ ଚାହିଁବେ ୩୧ ମାର୍ଚ୍ଚ ୨୦୨୧ ପର୍ଯ୍ୟନ୍ତ କ୍ରେଡିଟ୍ ସେଲକୁ ଯେ କୌଣସି ମାର୍ଗରେ ବ୍ୟବହାର କରିପାରିବେ ଅଥବା ଏଜେଣ୍ଟଙ୍କ ଦ୍ୱାରା ଅନ୍ୟ କୌଣସି ବ୍ୟକ୍ତିଙ୍କୁ ହସ୍ତାନ୍ତରଣ କରିପାରିବେ, ଯାହାକୁ ଅନ୍ୟ ବିମାନ କମ୍ପାନୀ ସ୍ୱୀକାର କରିବେ। ଏଥିଲାଗି ବେସାମରିକ ବିମାନ ଚଳାଚଳ ମନ୍ତ୍ରାଳୟ ଓ ଡିଜିସିଏଙ୍କ ଦ୍ୱାରା ଆୟୋଜିତ ବୈଠକରେ ଉପସ୍ଥାପିତ ପରାମର୍ଶ ଓ ଉପାୟ ଅଧିକାଂଶ ହିତାଧିକାରୀ ସ୍ୱୀକାର କରିଛନ୍ତି। ଏଣୁ  ନିଷ୍ପତ୍ତି ସେମାନଙ୍କ ହିତାନୁସାରେ ଲାଗୁ କରାଯିବ।

   Related Posts