Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଇଂଲଣ୍ଡକୁ ଏକ ଇନିଂସ୍‌ ଓ ୨୫ ରନ୍‌ରେ ହରାଇଲା ଟିମ୍‌ ଇଣ୍ଡିଆ
  • ||
  • ଅହମଦାବାଦ ଟେଷ୍ଟ ଜିତିଲା ଭାରତ
  • ||
  • ଭାରତ ୩-୧ରେ ସିରିଜ୍‌ ବିଜୟୀ
  • ||
  • ଚାନ୍ଦବାଲି : ବିଜେଡିର ମିଶ୍ରଣ ପର୍ବ, ଦଳକୁ ପ୍ରତ୍ୟାବର୍ତ୍ତନ କଲେ ହେବିଓ୍ବେଟ୍ ନେତା ପ୍ରତାପ ଧଳ
  • ||
  • ମାଥିଲି : କୂଅରୁ ଉଦ୍ଧାର ହେଲା ମା’ ଓ ଶିଶୁ କନ୍ୟାର ମୃତଦେହ, ଶୁକ୍ରବାର ରାତିରୁ ଥିଲେ ନିଖୋଜ
  • ||
  • ଭୁବନେଶ୍ବର : ରାଜଧାନୀର ବିଚ୍ ରାସ୍ତାରେ ଗୋଡେଇ ଗୋଡେଇ ହାଣିଲେ, ଜଣେ ମୃତ, ୨ ଆକ୍ରମଣକାରୀଙ୍କୁ ଧରିଛି ପୋଲିସ
  • ||
  • ବଲାଙ୍ଗିର : ପିଟି ପିଟି ମାରିଦେଲେ, ପ୍ରମାଣ ନଷ୍ଟ ପାଇଁ ଫିଙ୍ଗିଦେଲେ ନାଳରେ, ୨୪ ଘଣ୍ଟାରେ ଅଭିଯୁକ୍ତଙ୍କୁ ବାନ୍ଧିଲା ପୋଲିସ
  • ||
  • ସୋର : କେନାଲରେ ଗାଧୋଇବା ବେଳେ ଭାସିଗଲେ ଯୁବକ, ୩ଦିନ ପରେ ଗୁଜୁରାଟରୁ ଫେରିଲା ମୃତଦେହ
  • ||
  • ଆଠମଲ୍ଲିକ : ଅଜଣା ଗାଡି ଧକ୍କାରେ ଜଣେ ମୃତ, ଜଣେ ଆହତ
  • ||
  • ଭୁବନେଶ୍ବର : ପ୍ରଭୁ ଶ୍ରୀଲିଙ୍ଗରାଜ ପୀଠରେ ରାତି ୧୦ଟାରେ ଉଠିବ ମହାଦୀପ, ମନ୍ଦିର ପରିସରରେ ପାଳନ ହେବ କୋଭିଡ୍ କଟକଣା
  • ||

ସୁପ୍ରିମ କୋର୍ଟ ଏସ୍‌ସି-ଏସ୍‌ଟି ଆକ୍ଟର ସଂଶୋଧନ ସମ୍ବିଧାନିକତାକୁ ଦେଲେ ମଞ୍ଜୁରୀ- ରହିବ ତୁରନ୍ତ ଗିରଫ ହେବାର ପ୍ରାବଧାନ

10/02/2020 at 3:43 PM

ନୂଆଦିଲ୍ଲୀ ୧୦।୦୨- ସୋମବାରରେ ସୁପ୍ରିମକୋର୍ଟ ଏସ୍‌ସି ଏସ୍‌ଟି ଆକ୍ଟରେ ସଂଶୋଧନ ଓ ଏହାର ସାମ୍ବିଧାନିକତାକୁ ମଞ୍ଜୁରୀ ଦେଇଛନ୍ତି। ୨୦୧୮ରେ ଏହାର ସଂଶୋଧନ ସାମ୍ବିଧାନିକ ବୈଧତାକୁ କାଏମ ରଖିଛନ୍ତି । ଏଥିରେ ଏସ୍‌ସି ଏସ୍‌ଟିଙ୍କ ବିରୋଧରେ ଅତ୍ୟାଚାର କରୁଥିବା ଅଭିଯୁକ୍ତଙ୍କର ଅଗ୍ରୀମ ଜମାନତକୁ ଖାରଜ କରାଯିବାର ପ୍ରାବଧାନ କରାଯାଇଥିଲା ।

୨୦୧୮ ମାର୍ଚ୍ଚ ମାସରେ ଏସ୍‌ସି ଏସ୍‌ଟି ଆଇନର ଦୂରୁପଯୋଗ ବିରୋଧରେ ହୋଇଥିବା ଏକ ମାମଲାରେ ସୁପ୍ରିମକୋର୍ଟ ଏହା ଉପରେ ସ୍ୱତ୍ତ ମାମଲା ରୁଜୁ ଓ ଗିରଫଦାରୀ ଉପରେ ରୋକ ଲଗାଇଥିଲେ । ଏହାପରେ ସଂସଦରେ ଆଇନରେ ସଂଶୋଧନ କରାଯାଇଥିଲା । ସଂଶୋଧନ ବିରୋଧରେ ସୁପ୍ରିମ କୋର୍ଟରେ ଏକ ମାମଲା ରୁଜୁ ହୋଇଥିଲା ।

ଜଷ୍ଟିସ ଅରୁଣ ମିଶ୍ର, ଜଷ୍ଟିସ ବିନୀତ ଶରଣ ଓ ଜଷ୍ଟିସ ରବୀନ୍ଦ୍ର ଭଟ୍ଟଙ୍କୁ ନେଇ ଖଣ୍ଡପୀଠ ଏହାର ଶୁଣାଣୀ କରୁଥିଲେ । ୨-୧ରେ ଖଣ୍ଡପୀଠ ଏହି ରାୟ ଶୁଣାଇଛନ୍ତି । ଅଦାଲତ କେନ୍ଦ୍ର ସରକାରଙ୍କ ଦ୍ୱାରା କରାଯାଇଥିବା ଫୈସାଲାକୁ କାଏମ ରଖିଛନ୍ତି । ଅଦାଲତ ଏହି ମାମଲାରେ ଅଗ୍ରୀମ ଜାମିନ ଦେଇପାରିବେ ଯେଉଁଥିରେ ପ୍ରତ୍ୟକ୍ଷ ଭାବେ ଅଭିଯୋଗ କରାଯାଇ ନଥିବ । ଏଥିରେ ପ୍ରାଥମିକ ଯାଞ୍ଚର ଆବଶ୍ୟକତା ନାହିଁ , ବରିଷ୍ଠ ପୁଲିସ ଅଧିକାରୀଙ୍କର ମଞ୍ଜୁରୀର ବି ଆବଶ୍ୟକତା ନାହିଁ ବୋଲି କହିଛନ୍ତି ।

ପୀଠର ଅନ୍ୟ ସଦସ୍ୟ ଜଷ୍ଟିସ ରବୀନ୍ଦ୍ର ଭଟ୍ଟ ପ୍ରତ୍ୟେକ ନାଗରିକଙ୍କ ସହ ସମ୍ମାନ ଓ ବନ୍ଧୁତ୍ୱର ସହ ବ୍ୟବହାର କରାଯିବାର ଆବଶ୍ୟକତା ରହିଛି ବୋଲି କହିଛନ୍ତି ।


୨୦୧୮ ମାର୍ଚ୍ଚ ମାସରେ ସୁପ୍ରିମକୋର୍ଟ ଏସ୍‌ସି ଏସ୍‌ଟି ଆକ୍ଟରେ ଥିବା ଗିରଫଦାରୀ ପ୍ରାବଧାନକୁ କୋହଳ କରିବା ସହ ଅଗ୍ରୀମ ଜମାନତ ବା ଆଗୁଆ ଜାମିନ ପାଇଁ ନିର୍ଦେଶ ଦେଇଥିଲେ । ସରକାରୀ କର୍ମଚାରୀ ବା ଅଧିକାରୀଙ୍କୁ ଗିରଫ କରିବାକୁ ହେଲେ ତାଙ୍କ ବିଭାଗର ଅନୁମତି ପାଇଁ କହିଥିଲେ ।

   Related Posts