Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • LICର ଏମ୍‌ଡି ହେଲେ ଓଡ଼ିଆ ପୁଅ ସିଦ୍ଧାର୍ଥ ମହାନ୍ତି, ଫେବୃଆରୀ ୧ରୁ ସମ୍ଭାଳିବେ ଦାୟିତ୍ବ
  • ||
  • ଜାନୁଆରୀ ୨୭, ସକାଳେ ଜେଲ୍‌ରୁ ମୁକୁଳିପାରନ୍ତି ଭି.କେ. ଶଶିକଳା
  • ||
  • ନେତାଜୀ ଜନ୍ମସ୍ଥାନ ସଂଗ୍ରହାଳୟ ଖୋଲିଵାକୁ ସରକାରଙ୍କ ନିଷ୍ପତ୍ତି
  • ||
  • କଟକ:କାଲିଠାରୁ ଖୋଲିଵ ନେତାଜୀ ସଂଗ୍ରହାଳୟ
  • ||
  • ରାଇରଙ୍ଗପୁର: ଗୋରୁମହିଷାଣି ପୋଲିସର ସଡକ ସୁରକ୍ଷା ସଚେତନ କାର୍ଯ୍ୟକ୍ରମ, ସାମିଲ ଥିଲେ ସ୍ଥାନୀୟ ଲୋକେ
  • ||
  • ବଲାଙ୍ଗୀର: ପୁଣି ରକ୍ତ ରଞ୍ଜିତ ହେଲା ଶୁଲିଆ ପୀଠ, ଗଡିଲା ଶହ ଶହ ପଶୁ-ପକ୍ଷୀଙ୍କ ମୁଣ୍ଡ
  • ||
  • ଭୁବନେଶ୍ବରରେ ପହଞ୍ଚିଲା ୨ୟ ପର୍ଯ୍ୟାୟ କୋଭିଡ ଟିକା: ସ୍ପାଇସ୍ ଜେଟ୍‌ରେ ଆସିଲା ଟିକା
  • ||
  • ଭାଙ୍ଗିଲା ୩୩ ବର୍ଷର ରେକର୍ଡ୍‌ : ବ୍ରିସବେନ ଟେଷ୍ଟରେ ଭାରତର ଐତିହାସିକ ବିଜୟ, ଅଷ୍ଟ୍ରେଲିଆକୁ ୩ ଓ୍ବିକେଟ୍‌ରେ ହରାଇ ସିରିଜ କବଜା କଲା ଟିମ୍ ଇଣ୍ଡିଆ
  • ||
  • ମାଲକାନଗିରି : ସୀମାନ୍ତରେ ଏନ୍‌କାଉଣ୍ଟର, ୧୦ରୁ ଅଧିକ ମାଓ କ୍ୟାମ୍ପ ଧ୍ୱଂସ
  • ||
  • ସମ୍ବଲପୁର : ଫୋକସ୍‌ରେ ପଶ୍ଚିମ ଓଡିଶା, ମା’ ସମଲେଶ୍ବରୀଙ୍କ ମନ୍ଦିର ବୁଲି ସମୀକ୍ଷା କଲେ 5-T ସଚିବ
  • ||

ସୁପ୍ରିମକୋର୍ଟଙ୍କ ଫଇସଲା, କେରଳ ପଦ୍ମନାଭସ୍ୱାମୀ ମନ୍ଦିରରେ ତ୍ରାବଣକୋର ରାଜପରିବାରର ଅଧିକାର

13/07/2020 at 11:23 AM

କୋଚି ୧୩/୦୭ : କେରଳ ପଦ୍ମନାଭସ୍ୱାମୀ ମନ୍ଦିରର ପ୍ରଶାସନ ଓ ସମ୍ପତ୍ତିର ଅଧିକାରୀଙ୍କୁ ନେଇ ସୋମବାର ଦିନ ସୁପ୍ରିମକୋର୍ଟ ନିଜ ଫଇସଲା ଶୁଣାଇଛନ୍ତି | ସୁପ୍ରିମକୋର୍ଟ କେରଳ ହାଇକୋର୍ଟଙ୍କ ଫଇସଲାକୁ ବଦଳାଇ ଦେଶର ସବୁଠାରୁ ଅଧିକ ସମ୍ପତ୍ତି ଥିବା ମନ୍ଦିର ମଧ୍ୟରୁ ଗୋଟିଏ ପଦ୍ମନାଭସ୍ୱାମୀ ମନ୍ଦିରର ପ୍ରବନ୍ଧନ ଅଧିକାର ତ୍ରାବଣକୋରର ପୂର୍ବତନ ରାଜକୀୟ ପରିବାରକୁ ହସ୍ତାନ୍ତର କରିଛନ୍ତି | ମନ୍ଦିରର ପାଖାପାଖି ୨ ଲକ୍ଷ କୋଟି ଟଙ୍କାର ସମ୍ପତ୍ତି ଅଛି ବୋଲି କୁହାଯାଏ |

ଶ୍ରୀ ପଦ୍ମନାଭସ୍ୱାମୀ ମନ୍ଦିରକୁ ନେଇ ସୁପ୍ରିମକୋର୍ଟରେ ହେବାକୁଥିବା ଶୁଣାଣି ବେଳେ ଗୋଟିଏ କଥା ଉପରେ ଫଇସଲା ନିଆଯାଇଥିଲା ଯେ ପଦ୍ମନାଭସ୍ୱାମୀ ମନ୍ଦିର ପ୍ରବନ୍ଧନ ଦାୟିତ୍ୱ ତ୍ରାବଣକୋରର ପୂର୍ବତନ ରାଜକୀୟ ପରିବାରକୁ ଦିଆଯାଉ | ଏହାସହ ସୁପ୍ରିମକୋର୍ଟ ସ୍ପଷ୍ଟ କରିଛନ୍ତି ଯେ ଥିରୁଅନନ୍ତପୁରମର ଜିଲ୍ଲା ଜଜଙ୍କ ଅଧ୍ୟକ୍ଷତା କମିଟି ବର୍ତ୍ତମାନ ମନ୍ଦିର ବ୍ୟବସ୍ଥା ଦେଖରେଖ କରିବେ | 

ସୂଚନାଯୋଗ୍ୟ ଯେ, କେରଳ ହାଇକୋର୍ଟ ୨୦୧୧ ମସିହାରେ ପଦ୍ମନାଭସ୍ୱାମୀ ମନ୍ଦିର ଅଧିକାର ଓ ସମ୍ପତ୍ତିକୁ ନେଇ ଏକ ବଡ ଫଇସଲା ଶୁଣାଇ ଏଥିରେ ରାଜ୍ୟ ସରକାର ଅଧିକାର ସାବ୍ୟସ୍ତ କରିଥିଲେ | କେରଳ ହାଇକୋର୍ଟଙ୍କ ଏହି ଆଦେଶକୁ ତ୍ରାବଣକୋରର ପୂର୍ବତନ ରାଜକୀୟ ପରିବାର ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଥିଲେ | ଏହି ମାମଲାରେ ସୁପ୍ରିମକୋର୍ଟ ୮ ବର୍ଷରୁ ଅଧିକ ସମୟ ଶୁଣାଣି କରିଥିଲେ କିନ୍ତୁ କୌଣସି ଫଇସଲା ଆସିବା ବାକି ରହିଛି | ଏହି ମାମଲାରେ ଏପ୍ରିଲ ହୋଇଥିବା ଶୁଣାଣି ପରେ ଜଷ୍ଟିସ ଲଳିତ ଏବଂ ଜଷ୍ଟିସ ଇନ୍ଦୁ ମଲହୋତ୍ରାଙ୍କ ବେଞ୍ଚ ଫଇସଲା ସୁରକ୍ଷିତ ରଖିଥିଲେ |

ମନ୍ଦିର କେବେ ନିର୍ମାଣ ହୋଇଥିଲା ତାର କୌଣସି ପକ୍କା ପ୍ରମାଣ ମିଳିନାହିଁ | ଐତିହାସିକ ଡ.ଏଲ.କେ.ରାଓ ବର୍ମାଙ୍କ କହିବାନୁସାରେ ମନ୍ଦିର ପାଖାପାଖି ୫ ହଜାର ବର୍ଷ ପୁରୁଣା ଯେତେବେଳେ ମାନବ ସଭ୍ୟତା କଳିଯୁଗରେ ପହଞ୍ଚିଥିଲା | ମନ୍ଦିରର ଷ୍ଟ୍ରକ୍ଚର ହିସାବରେ ଦେଖିବାକୁ ଗଲେ କେରଳ ଥିରୁଅନନ୍ତପୁରମରେ ନିର୍ମାଣ ହୋଇଥିବା ପଦ୍ମନାଭସ୍ୱାମୀ ମନ୍ଦିର ସ୍ଥାପନା ଷୋହଳ ଶତାବ୍ଦୀରେ ତ୍ରାବାଣକୋରର ରାଜା କରିଥିଲେ | ସେବେଠାରୁ ସେଠାକାର ରାଜା ଏହି ମନ୍ଦିରକୁ ମାନିଆସୁଛନ୍ତି | ୧୭୫୦ ମସିହାରେ ମହାରାଜା ମାର୍ତଣ୍ଡ ବର୍ମା ନିଜକୁ ପଦ୍ମନାଭ ଦାସ ଘୋଷିତ କରିଥିଲେ | ଏହାପରେ ପୁରା ରାଜାପରିବାର ମନ୍ଦିର ସେବାରେ ଲାଗିଯାଇଥିଲା | ଏବେ ମଧ୍ୟ ରାଜପରିବାର ଅଧୀନ ଏକ ପ୍ରାଇଭେଟ ଟ୍ରଷ୍ଟ ମନ୍ଦିରର ଦେଖରେଖ କରୁଛନ୍ତି | 

   Related Posts