ନୂଆଦିଲ୍ଲୀ ୦୩/୦୬ : ଯଦି ଆପଣ ଭାରତୀୟ ଷ୍ଟେଟ ବ୍ୟାଙ୍କ ବା ଏସବିଆଇ ଗ୍ରାହକ ତାହେଲେ ଆପଣଙ୍କ ପାଇଁ ଏକ ଜରୁରୀ ଖବର ରହିଛି । ଏସବିଆଇ ନିଜର ୪୪ କୋଟି ଗ୍ରାହକଙ୍କୁ ଚେତାବନୀ ଦେଇଛି । ବ୍ୟାଙ୍କ ଚେତାବନୀ ଦେଇଛି ଯେ ଜୁନ ୩୦ ତାରିଖ ପୂର୍ବରୁ ଗ୍ରାହକ ନିଜର ପାନ୍ କାର୍ଡ ଓ ଆଧାର କାର୍ଡ ଲିଙ୍କ କରାଇ ଦିଅନ୍ତୁ । ନଚେତ ପରେ ବ୍ୟାଙ୍କ କାରବାରରେ ସମସ୍ୟା ସମ୍ମୁଖୀନ ହୋଇପାରନ୍ତି ।
ଏସବିଆଇ ଟ୍ୱିଟ୍ କରି ନିଜ ଗ୍ରାହକଙ୍କୁ ସୂଚନା ଦେଇଛି ଯେ ଆଧାର କାର୍ଡ ଓ ପାନ କାର୍ଡ ଲିଙ୍କ୍ କରାଇବା ଅନିବାର୍ଯ୍ୟ । ଯଦି ଆଧାର ଓ ପାନ୍ କାର୍ଡ ଲିଙ୍କ୍ କରାଯାଇନଥିବ ତାହେଲେ ପାନ୍ କାର୍ଡ ଇନଆକ୍ଟିଭ୍ ହୋଇଯିବ ଏବଂ ବ୍ୟାଙ୍କ କାରବାରରେ ଗ୍ରାହକଙ୍କୁ ଅସୁବିଧା ହେବ । ପାନ୍ କାର୍ଡକୁ ଆଧାର କାର୍ଡ ସହ ଲିଙ୍କ କରିବାର ଶେଷ ତାରିଖ ହେଲା ଜୁନ ୩୦ ।
ଏସବିଆଇ ଟ୍ୱିଟ କରି କହିଛି ଯେ ବ୍ୟାଙ୍କ ନିଜ ଗ୍ରାହକଙ୍କୁ ପରାମର୍ଶ ଦେଉଛି ଯେ ପାନ କାର୍ଡ ଆଧାର କାର୍ଡ ସହ ଲିଙ୍କ କରାଇ ଦିଅନ୍ତୁ ଯେପରି ବ୍ୟାଙ୍କିଙ୍ଗରେ କୌଣସି ବାଧା ନ ଉପୁଜେ ।
ସୂଚନାଯୋଗ୍ୟ ଯେ, ମନ୍ତ୍ରାଳୟ କହିଥିଲା ଯେ 'ଟିକସଦାତାମାନେ ସମ୍ମୁଖୀନ ହେଉଥିବା ଅସୁବିଧାକୁ ନଜରରେ ରଖି କେନ୍ଦ୍ର ସରକାର ଆଧାର ଓ ପ୍ୟାନ୍ ଲିଙ୍କ କରାଇବା ଶେଷ ତାରିଖ ୨୦୨୧ ଜୁନ ୩୦ ତାରିଖକୁ ବୃଦ୍ଧି କରିଥିଲେ। ସରକାର ପ୍ରଥମଥର ପାଇଁ ୨୦୧୭ ଜୁଲାଇରେ ପାନ୍ ଓ ଆଧାର ଲିଙ୍କ୍ କରିବାର ସମୟସୀମା ସ୍ଥିର କରିଥିଲେ। ତେବେ ସେବେଠାରୁ ସରକାର ଏହାର ସମୟସୀମାକୁ ଅନେକ ଥର ବୃଦ୍ଧି କରିଛନ୍ତି।