ନୂଆଦିଲ୍ଲୀ ୦୮।୦୯: ଦେଶର ସବୁଠୁ ବଡ ସାର୍ବଜନୀନ ସରକାରୀ ବ୍ୟାଙ୍କ ଷ୍ଟେଟ୍ ବ୍ୟାଙ୍କ ଅଫ ଇଣ୍ଡିଆ(ଏସବିଆଇ) ଚଳିତ ବର୍ଷ ୧୪୦୦୦ ପଦରେ କର୍ମଚାରୀଙ୍କୁ ନିଯୁକ୍ତି ଦେବାକୁ ପ୍ରସ୍ତାବ ରଖିଛି। ବ୍ୟାଙ୍କ କହିଛି ସ୍ଵେଚ୍ଛାକୃତ ଅବସର ପାଇଁ କୌଣସି ଖର୍ଚ୍ଚକାଟ କରାଯାଇ ନାହିଁ।
ଦେଶର ସବୁଠୁ ବଡ ଉଧାରଦାତା ଏସବିଆଇ ସ୍ଵେଚ୍ଛାକୃତ ଅବସର ଯୋଜନା ପ୍ରସ୍ତୁତ କରିଛି। ଏଥିରେ ୩୦,୧୯୦ ଯୋଗ୍ୟ କର୍ମଚାରୀ ଅଛନ୍ତି, ଯେଉଁମାନେ ସ୍ଵେଚ୍ଛାକୃତ ଅବସର ନେଇ ପାରିବେ। ଏସବିଆଇ ମୁଖପାତ୍ର କହିଛନ୍ତି ପ୍ରସ୍ତାବିତ ଭିଆରଏସରେ କୌଣସି ପ୍ରକାରର ଅର୍ଥକାଟ୍ ଯୋଜନା ନାହିଁ।
ବ୍ୟାଙ୍କ କର୍ମଚାରୀଙ୍କ ହିତକୁ ଦୃଷ୍ଟିରେ ରଖି ନିଜ କାର୍ଯ୍ୟକୁ ବିସ୍ତାର କରୁଛି। ସେଥିପାଇଁ ବ୍ୟାଙ୍କ ପାଇଁ ଆହୁରି କର୍ମଚାରୀ ଆବଶ୍ୟକ। ତେଣୁ ବ୍ୟାଙ୍କ ଚଳିତ ବର୍ଷ ୧୪୦୦୦ରୁ ଅଧିକ କର୍ମଚାରୀଙ୍କୁ ନିଯୁକ୍ତି ଦେବାକୁ ଯୋଜନା ରଖିଛି।
ଏସବିଆଇ ପାଖରେ ସଂପ୍ରତି ୨.୫୦ଲକ୍ଷ କର୍ମଚାରୀ ଅଛନ୍ତି। ଏହି କର୍ମଚାରୀ ବ୍ୟାଙ୍କର ଏବଂ ଲୋକଙ୍କ ଆବଶ୍ୟକତା ପୂରଣ କରିବା ଏବଂ ଜୀବନ ଯାତ୍ରାକୁ ସହାୟତା କରିବାରେ ସର୍ବାଗ୍ରେ ଅଛନ୍ତି। ତେଣୁ ବ୍ୟାଙ୍କ ସେହି କର୍ମଚାରୀଙ୍କୁ ଏକ ଜନ୍ମଗତ ସମାଧାନ ପ୍ରଦାନ କରିବା ବିଷୟରେ ଚିନ୍ତା କରିଛି, ଯେଉଁମାନେ ବୃତ୍ତିଗତ ଅଭିବୃଦ୍ଧି ସୀମା,ଗତିଶୀଳତା, ଶାରୀରିକ ଅବସ୍ଥା କିମ୍ବା ପାରିବାରିକ ପରିସ୍ଥିତି କାରଣରୁ ସେମାନଙ୍କ ବୃତ୍ତିରେ କିଛି ପରିବର୍ତ୍ତନ ଆଣିବାକୁ ଇଚ୍ଛା ପ୍ରକାଶ କରିଛନ୍ତି।
ଡ୍ରାଫ୍ଟ ସ୍କିମ ଅନୁଯାୟୀ 'Second Innings Tap VRS-2020' ସେହି ସ୍ଥାୟୀ ଅଧିକାରୀ ଓ କର୍ମଚାରୀଙ୍କ ପାଇଁ ଖୋଲାଯିବ ଯେଉଁମାନେ କଟ୍ ଅଫ ତାରିଖରେ ୨୫ ବର୍ଷ ଚାକିରି ପୂରା କରିଥିବେ କିମ୍ବା ସେମାନଙ୍କର ବୟସ ୫୫ ବର୍ଷ ପୂରା ହୋଇଥିବ।
