ଚାନ୍ଦବାଲି ୨୭।୧୧: ଭଦ୍ରକ ଜିଲ୍ଲାର ବିଭିନ୍ନ ବ୍ଲକରେ ଥିବା କରତ କଳକୁ ବନ ବିଭାଗ ପକ୍ଷରୁ ରେଡ଼୍ କରାଯାଇ ବନ୍ଦ କରାଯାଇଛି। ଯାହା ଫଳରେ କାଠ ବ୍ୟବସାୟୀଙ୍କ ଠାରୁ ଆରମ୍ଭ କରି ସାଧାରଣ ଲୋକ କାଠ ଚିରିବା ପାଇଁ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି । ଯାହାକୁ ନେଇ ଆଜି ଜିଲ୍ଲା ବନଖଣ୍ଡ କାର୍ଯ୍ୟାଳୟ ଆଗରେ ହଜାର ହଜାର ସଂଖ୍ୟାରେ ଜୀବନ ଜୀବିକା ସୁରକ୍ଷା ସଂଯୁକ୍ତ ଗଣ ସଂଗ୍ରାମ ସଂଘ,  ଜିଲ୍ଲାର ପ୍ରତି ବ୍ଲକ୍ ରୁ କରତ କଳ ମାଲିକ, କରତକଳରେ କାମ କରୁଥିବା କର୍ମଚାରୀ ଏବଂ ସାଧାରଣ ଲୋକ ଆସି ଆନ୍ଦୋଳନ କରିଛନ୍ତି । ଚାନ୍ଦବାଲି ମଧୁବାବୁ ଛକ ନିକଟରୁ ହଜାର ହଜାର ସଂଖ୍ୟାରେ ଆନ୍ଦୋଳନକାରୀମାନେ ଏକ ଶୋଭଯାତ୍ରାରେ ବାହାରି ବନଖଣ୍ଡ କାର୍ଯ୍ୟାଳୟ ଆଗରେ ଆନ୍ଦୋଳନ କରିବା ସହ ନାରାବାଜି କରିଛନ୍ତି ।