Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଜାଣନ୍ତୁ କେବେଠାରୁ ଆରମ୍ଭ ହେବ ଶ୍ରାବଣ ସୋମବାର : ଶ୍ରାବଣ ପୂର୍ବରୁ ଜୁଲାଇ ୫ ତାରିଖରେ ପଡୁଛି ଚନ୍ଦ୍ର ଗ୍ରହଣ

27/06/2020 at 3:29 PM

ଭୁବନେଶ୍ୱର ୨୭/୦୬ : ଆସନ୍ତା ଜୁଲାଇ ୬ ତାରିଖରୁ ପବିତ୍ର ଶ୍ରାବଣ ମାସ ଆରମ୍ଭ ହେବ | ତା ପୂର୍ବରୁ ଜୁଲାଇ ୫ ତାରିଖରେ ଚନ୍ଦ୍ର ଗ୍ରହଣ ପଡୁଛି | ହିନ୍ଦୁ ପାଞ୍ଜି ଅନୁସାରେ ଶ୍ରାବଣ ମାସରୁ ହିନ୍ଦୁ ଧର୍ମରେ ବ୍ରତ ଓ ପର୍ବପର୍ବାଣି ଆରମ୍ଭ ହୋଇଥାଏ | ହିନ୍ଦୁ ଧର୍ମରେ ଶ୍ରାବଣ ମାସର ଅନେକ ମହତ୍ୱ ରହିଛି | ଶ୍ରାବଣ ମାସ ସୋମବାରରେ ଭଗବାନ ଶିବଙ୍କୁ ଆରାଧନା କରାଯାଏ | ଅନେକ ହିନ୍ଦୁ ଗ୍ରନ୍ଥରେ ମଧ୍ୟ ଶ୍ରାବଣ ମାସର ମହତ୍ୱ ସମ୍ପର୍କରେ ବର୍ଣ୍ଣନା କରାଯାଇଛି | ପବିତ୍ର ଶ୍ରାବଣ ମାସରେ ଶିବ ଭକ୍ତ ଶିବଲିଙ୍ଗରେ ଜଳ ଅର୍ପଣ କରି ମହାଦେବଙ୍କ ଆଶୀର୍ବାଦ ପ୍ରାପ୍ତ କରିଥାନ୍ତି |

ପାଞ୍ଜି ଅନୁସାରେ ଚୈତ୍ର ମାସରୁ ପ୍ରାରମ୍ଭ ହେଉଥିବା ପ୍ରତି ବର୍ଷର ପଞ୍ଚମ ମାସରେ ଶ୍ରାବଣ ମାସ ପଡିଥାଏ | ଇଂରାଜୀ କ୍ୟାଲେଣ୍ଡର ଅନୁସାରେ ଶ୍ରାବଣ ପ୍ରତି ବର୍ଷ ଜୁଲାଇ ରୁ ଅଗଷ୍ଟ ମାସ ମଧ୍ୟରେ ପଡିଥାଏ | ଏହି ମାସ ଭଗବାନ ଶିବଙ୍କୁ ସମର୍ପିତ ହୋଇଥାଏ | ସାରା ଦେଶରେ କାଉଡିଆ ମାଇଲ ମାଇଲ ବାଟ ଚାଲି ଶିବଲିଙ୍ଗରେ ଜଳ ଅର୍ପଣ କରିଥାନ୍ତି | ଶ୍ରାବଣ ମାସରେ ପବିତ୍ର ନଦୀରେ ସ୍ନାନ କଲେ ମଧ୍ୟ ପୁଣ୍ୟ ଫଳ ମିଳିଥାଏ | ଏହି ମାସରେ ପବିତ୍ର ନଦୀରେ ସ୍ନାନ ଏବଂ ଭଗବାନ ଶିବଙ୍କ ରୁଦ୍ରାଭିଷେକର ବିଶେଷ ମହତ୍ୱ ରହିଛି |

ଚଳିତ ବର୍ଷ ଜୁଲାଇ ୬ ତାରିଖରେ ପ୍ରଥମ ଶ୍ରାବଣ ସୋମବାର ଏବଂ ଅଗଷ୍ଟ ୩ ତାରିଖରେ ଶେଷ ସୋମବାର ପଡୁଛି |

   Related Posts