Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିଜେଡିରେ ମିଶିବେ ପ୍ରଦୀପ ମାଝୀ, କହିଲେ ନବୀନଙ୍କ ହାତମୁଠା ଟାଣ କରିବି
  • ||
  • ଆଇଆଇଟି ଜମ୍ମୁର ନୂତନ ଗୃହ ଲୋକାର୍ପଣ କରିବେ ଗୃହମନ୍ତ୍ରୀ ଅମିତ ଶାହ, ଉପସ୍ଥିତ ରହିବେ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୪ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୪୭ କୋଭିଡ୍ ପଜିଟିଭ୍
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୧୫ ହଜାରରୁ ଅଧିକ କରୋନା ପଜିଟିଭ୍, ୫୬୧ ମୃତ
  • ||
  • ଚିଲିକାକୁ ଆସିଲେଣି ବିଦେଶୀ ପକ୍ଷୀ, ସୁରକ୍ଷା ପାଇଁ ବନ ବିଭାଗ ପ୍ରସ୍ତୁତ
  • ||
  • ଲକ୍ଷ୍ମୀପୁର ହିଂସାର ମୁଖ୍ୟ ଅଭିଯୁକ୍ତ ଆଶିଷ ମିଶ୍ରାଙ୍କୁ ଡେଙ୍ଗୁ, ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି
  • ||
  • କମୁଛି ତାପମାତ୍ରା, ଦାରିଙ୍ଗିବାଡିରେ ୧୧ ଡିଗ୍ରୀକୁ ଖସିଲା ପାରଦ
  • ||
  • ସୁପର ସଣ୍ଡେରେ ସୁପର ମୁକାବିଲା : ଟି୨୦ ବିଶ୍ୱକପରେ ଭାରତ-ପାକିସ୍ତାନ ହାଇଭୋଲଟେଜ୍ ଫାଇଟ୍
  • ||

ଇଣ୍ଡିଆନ୍ ଆଇଡଲରୁ ସୱାଇ ଭଟ୍ଟଙ୍କ ଏଲିମିନେଟକୁ ନେଇ ରାଗିଲେ ପ୍ରଶଂସକ, ଟ୍ୱିଟରରେ ଜୋରଦାର ଟ୍ରୋଲ୍‌, ଶୋ’ର କ୍ରେଡିବିଲିଟିକୁ ପ୍ରଶ୍ନ

23/06/2021 at 1:14 PM

ନୂଆଦିଲ୍ଲୀ ୨୩/୦୬: ଇଣ୍ଡିଆନ୍ ଆଇଡଲ୍ ୧୨ ପୁଣି ଥରେ ଚର୍ଚ୍ଚାରେ ନିକଟରେ ଏହି ଶୋ’ରେ ଏକ ନୂଆ ଏଲିମିନେସନ୍ ହୋଇଥିଲା, ଯାହାକୁ ନେଇ ଇଣ୍ଡିଆନ୍ ଆଇଡଲ୍ ଆଲୋଚନାରେ ରହିଛି । ଅଞ୍ଜଳି ଗାଇକୱାଡଙ୍କ ପରେ ସୱାଇ ଭଟ୍ଟଙ୍କ ଇଣ୍ଡିଆନ ଆଇଡଲ ୧୨ ରୁ ଯାତ୍ରା ଶେଷ ହୋଇଯାଇଛି। ମହମ୍ମଦ ଦାନିଶ, ନିହାଲ ଟୌରୋ ଏବଂ ସୱାଇ ଭଟ୍ଟଙ୍କ ନାମ ଡେଞ୍ଜର୍ ଜୋନରେ ଥିଲା। ଦୁର୍ଭାଗ୍ୟବଶତଃ ସୱାଇଙ୍କୁ ସିଙ୍ଗିଙ୍ଗ୍ ରିଆଲିଟି ଶୋ ଇଣ୍ଡିଆନ୍ ଆଇଡଲ୍ -୧୨ ରୁ ବିଦାୟ ନେବାକୁ ପଡିଛି । ତେବେ ଏହି ଆଶ୍ଚର୍ଯ୍ୟଜନକ ଏଲିମିନେସନକୁ ନେଇ ପ୍ରଶଂସକମାନେ ଖୁସି ନାହଁନ୍ତି।

ଇଣ୍ଡିଆନ୍ ଆଇଡଲ୍ ୧୨ ର ରବିବାରର ଏପିସୋଡରେ ପ୍ରତିଯୋଗୀମାନେ ଫାଦର୍ସ ଡେ’ରେ କଲ୍ୟାଣଜୀ ଏବଂ ଆନନ୍ଦଜୀଙ୍କ ସହିତ ସ୍ପେସାଲ୍ ସେଲିବ୍ରେଟ୍ କରୁଥିବା ଦେଖିବାକୁ ମିଳିଥିଲା । ଏହି ଏପିସୋଡରେ ଲୋକପ୍ରିୟ ସଂଗୀତକାର ଯୋଡି କଲ୍ୟାଣଜୀ ଏବଂ ଆନନ୍ଦଜୀ ଯୋଗ ଦେଇଥିଲେ । ତାଙ୍କର ଉପସ୍ଥିତି ୫୦-୬୦ ଦଶକରୁ ୯୦ ଦଶକ ପର୍ଯ୍ୟନ୍ତ ସବୁଜ ଗୀତର ସ୍ମୃତି ଆଣିଦେଇଥିଲା ।

ଏହି ସମୟରେ, ଇଣ୍ଡିଆନ୍ ଆଇଡଲ୍ ୧୨ ର ପ୍ରତିଯୋଗୀମାନେ ସେମାନଙ୍କର ସମ୍ପୂର୍ଣ୍ଣ ଶକ୍ତି ସହିତ ପ୍ରଦର୍ଶନ କରିଥିଲେ । ତଥାପି ସେମାନେ ଏଲିମିନେସନ୍ ରାଉଣ୍ଡ ହେବାର ଭୟର ମଧ୍ୟ ସମ୍ମୁଖୀନ ହୋଇଥିଲେ । ପବନଦୀପ ରାଜନଙ୍କୁ ସର୍ବାଧିକ ଭୋଟ ପାଇଥିବା ପ୍ରତିଯୋଗୀ ଭାବରେ ଘୋଷିତ କରାଯାଇଥିଲା। କିନ୍ତୁ ଦର୍ଶକଙ୍କ ଠାରୁ କମ୍ ଭୋଟ୍ ହେତୁ ସୱାଇଙ୍କୁ ଶୋରୁ ବାହାରିବାକୁ ପଡିଥିଲା ।

ସୱାଇ ଭଟଙ୍କ ଏଲିମିନେସନଙ୍କୁ ଦର୍ଶକ ପସନ୍ଦ କରୁନଥିଲେ। ପ୍ରଶଂସକମାନେ ଇଣ୍ଡିଆନ୍ ଆଇଡଲ୍ -୧୨ ସ୍କ୍ରିପ୍ଟିଡ୍ ଏବଂ ପକ୍ଷପାତ କରୁଥିବା କହିଛନ୍ତି। ଏହି କାରଣରୁ ଶୋ ସମାଲୋଚିତ ହେଉଛି । ପ୍ରଶଂସକମାନେ ଟ୍ୱିଟରରେ ନିଜର କ୍ରୋଧ ବ୍ୟକ୍ତ କରୁଛନ୍ତି। କେହି କେହି ସୱାଇଙ୍କ ଏଲିମିନେସନ ଅନୁଚିତ କହୁଥିବାବେଳେ, ଆଉ କେହି ପବନଦୀପ ସର୍ବାଧିକ ଭୋଟ୍ ପାଇଥିବାକୁ ନେଇ ସନ୍ଦେହ ସୃଷ୍ଟି କରିଛନ୍ତି। କେବଳ ଏତିକି ନୁହେଁ କିଛି ଲୋକ ଏହି ସୋ ଦେଖିବା ବନ୍ଦ କରିବାକୁ ମଧ୍ୟ ଶପଥ ନେଇଛନ୍ତି।

ଟିଭି ଶୋ ଇଣ୍ଡିଆନ୍ ଆଇଡଲ୍ ର ପ୍ରତିଯୋଗୀମାନଙ୍କ ମଧ୍ୟରୁ ଭଟ୍ ଅନ୍ୟତମ । ସେ ରିଅଲିଟି ଶୋ’ରେ ଆସିବା ଦିନରୁ ତାଙ୍କର ଲୋକପ୍ରିୟତା ବହୁତ ବୃଦ୍ଧି ପାଇଛି । ଏପରିକି ଅମିତାଭ ବଚ୍ଚନଙ୍କ ନାତୁଣୀ ନବ୍ୟା ନଭେଲି ନନ୍ଦା ମଧ୍ୟ ତାଙ୍କର ପ୍ରଶଂସକ। ନିକଟରେ ସୱାଇ ଭଟଙ୍କୁ ସମର୍ଥନ କରୁଥିବାବେଳେ ନବ୍ୟା ସୋସିଆଲ ମିଡିଆରେ ତାଙ୍କର ଏକ ଭିଡିଓ ସେୟାର କରିଥିଲେ।

   Related Posts