Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ‘ଇତିହାସରେ ହୋଇଥିବା ଭୁଲଗୁଡିକୁ ଏବେ ସୁଧାରୁଛି ଭାରତ’, କଂଗ୍ରେସକୁ ଟାର୍ଗେଟ୍ କରି ବର୍ଷିଲେ ପ୍ରଧାନମନ୍ତ୍ରୀ ମୋଦି
  • ||
  • ରବିବାର ରାଜ୍ୟରେ ସୁସ୍ଥହେଲେ ଆଉ ୧୦,୮୪୧ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୩୫୩୨ ଜଣ ଡିସଚାର୍ଜ
  • ||
  • ଅଭିଯୁକ୍ତକୁ ଉଠାଇ ଆଣିବାରୁ ଥାନା ପରିସରରେ ତୁମୁଳକାଣ୍ଡ, ଗ୍ରାମବାସୀ ଓ ପୋଲିସ ମାରପିଟ
  • ||
  • ବିପୁଳ ପରିମାଣର ବିଦେଶୀ ମଦ ଜବତ, ଜଣେ ଗିରଫ
  • ||
  • ଭୁଶୁଡିଯିବ ଘାଘରା ପୋଲ ! ବିପଦରେ ଶହଶହ ଯାତ୍ରୀଙ୍କ ଜୀବନ
  • ||
  • ରାଜ୍ୟରେ ଆଉ ୬ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୦କୁ ବୃଦ୍ଧି
  • ||
  • ରାଜ୍ୟରେ ଖସୁଛି ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୮୫୨୦ କୋଭିଡ୍ ପଜିଟିଭ୍, ୧୨୦୪୬୬୦ରେ ପହଞ୍ଚିଲା ସଂଖ୍ୟା
  • ||
  • ରାଜଧାନୀରେ କରୋନା ବେଲଗାମ୍ : ଆଉ ୧୩ ଅଞ୍ଚଳ ମାଇକ୍ରୋ କଣ୍ଟେନମେଣ୍ଟ୍ ଜୋନ୍
  • ||
  • ଚର୍ଚ୍ଚାରେ ବଡପୋଖରୀଆ ପଞ୍ଚାୟତ : ପ୍ରତିଦ୍ୱନ୍ଦ୍ୱିତା ହେଲାନି, ନିର୍ଦ୍ୱନ୍ଦ୍ୱରେ ଚୟନ ହେଲେ ସରପଞ୍ଚ ଏବଂ ଓ୍ୱାର୍ଡ ମେମ୍ବର
  • ||
  • ରବିବାରଠୁ ବଢିବ ବର୍ଷା, ଏହି ସବୁ ଜିଲ୍ଲାକୁ ୟେଲୋ ଓ୍ୱାର୍ଣ୍ଣିଂ
  • ||

କ୍ବାରେଣ୍ଟାଇନ୍‌ରେ ସାବିତ୍ରୀ ବ୍ରତ: ନୂଆ ଶାଢ଼ୀ ଏବଂ ପୂଜା ସାମଗ୍ରୀ ଦେଲେ ସରପଞ୍ଚ

22/05/2020 at 3:30 PM

ଭଦ୍ରକ୨୨/୫:  ଏମିତି ଏ ସମୟ। ଯେତେବେଳେ କରୋନାର କରାଳ ଅନ୍ଧକାର ଭିତରେ ହଜି ଯାଇଛି ମଣିଷ।କାରୋନା ପାଇଁ ସଂସ୍କୃତି ଆଉ ପରମ୍ପରାରେ ଏବେ କିଛି ପ୍ରତିବନ୍ଧକ ଦେଖିବା ପାଇଁ ମିଳିଛି । ଏମିତି କହିବାର କାରଣ ଆଜି ସାବିତ୍ରୀ ବ୍ରତ। ହେଲେ ମନ୍ଦିରରେ ତାଲା ପଡିଛି। ଆଉ ଭକ୍ତ ଗେଟ ବାହାରୁ ଠାକୁରଙ୍କ ଆଡକୁ ନଡିଆଟିଏ ଗଡାଇ ଦେଇ, ଫୁଲ ଓ ଭୋଗ ଲଗାଇ ମନଦୁଃଖରେ ଘରକୁ ଫେରୁଛି। ଅନ୍ୟ ପଟେ ଏବେ କ୍ଵାରେଣ୍ଟାଇନରେ ମଧ୍ୟ ସାବିତ୍ରୀ ପାଳନ ହୋଇଛି।

ଏବେ ଏମିତି ଏକ ସମୟ ଯେତେବେଳେ କାରୋନାର କଟକଣା ପାଇଁ ସମସ୍ତ ମନ୍ଦିର ଓ ଧର୍ମାନୁଷ୍ଠାନ ଅଞ୍ଚଳରେ ୧୪୪ ଧାରା ଜାରି ହୋଇଛି। ସ୍ଵାମୀଙ୍କ ଦୀର୍ଘାୟୁ କାମନା କରି ସ୍ତ୍ରୀମାନେ ସାବିତ୍ରୀ ବ୍ରଳ ପାଳନ କରିଛନ୍ତି। ସଧବା ସ୍ତ୍ରୀମାନେ ଶାଢୀ , ଚୁଡି , ଶଙ୍ଖା ଆଉ ସିନ୍ଦୁର ସହ ୨୧ ପ୍ରକାର ଫଳ ମୂଳ ଦେଇ ପୂଜା ଓ ଆରଧନା କରିଛନ୍ତି । ଓଡିଶାର ଅନ୍ୟତମ  ସାବିତ୍ରୀ ପିଠ ହେଉଛି ଭଦ୍ରକ ଜିଲ୍ଲା ବନ୍ତ ବ୍ଲକର ତୋଟାସାହିର ସାବିତ୍ରୀ ଆଡୀ । ଏହି ପିଠ ରେ ମା ସାବିତ୍ରୀଙ୍କ ପ୍ରସ୍ତର ମୂର୍ତ୍ତି ପୂଜା ପାଆନ୍ତି । ଏବେ କିନ୍ତୁ କାରୋନାର କଟକଣା ପାଇଁ ମନ୍ଦିର ପକ୍ଷ ରୁ ମାଇକ ଯୋଗେ ଭକ୍ତଙ୍କୁ ନଆସିବା ପାଇଁ ପ୍ରଚାର କରାଯାଇଛି। ଭକ୍ତ ଆସୁଛନ୍ତି। କିନ୍ତୁ ମନ୍ଦିର ଗେଟ ବାହାରେ ରହି ଦୀପ ଓ ଧୂପ ଦେଇ ନଡିଆ ବାଡେଇ ପଳାଇଯାଉଛନ୍ତି। ଆଉ କେହି କେହି ମା ଙ୍କ ମନ୍ଦିର ଗେଟ ଭିତରେକୁ ନଡିଆ , ଶଙ୍ଖା , ସିନ୍ଦୁର  ରଖି ପଳାଇ ଆସୁଛନ୍ତି ।

 ଆଜି ଓଡଙ୍ଗ ପଞ୍ଚାୟତର ସତି ସାବିତ୍ରୀ ଉଚ୍ଚ ବିଦ୍ୟାପୀଠର ଦୃଶ୍ୟ କିଛି ନିଆରା ଥିଲା। ଏହି ବିଦ୍ୟାଳୟ ଏବେ ଅସ୍ଥାୟୀ ସ୍ବାସ୍ଥ୍ୟ ଶିବିର ବା କ୍ବାରେଣ୍ଟାଇନ ସେଣ୍ଟର ନିର୍ମାଣ ହୋଇଛି। ଏଠାରେ ପ୍ରବାସୀ ଓଡିଆ ମାନେ ରହୁଛନ୍ତି । ଏଠାରେ ୯ ଜଣ ମହିଳା କ୍ଵାରେଣ୍ଟାଇନରେ ରହୁଛନ୍ତି । କରୋନାର ଲକ୍‌ଡାଉନକୁ ଭୂକ୍ଷେପ କରି ଓଡ଼ିଆ ପରମ୍ପରାକୁ ଭୁଲି ନାହାନ୍ତି କ୍ବାରେଣ୍ଟାଇନ୍ ସେଣ୍ଟରରେ ଥିବା ମହିଳାମାନେ। ଗେଟ୍ ବାହାରେ ପୂଜକ ବସିଛନ୍ତି। ଆଉ ଗେଟ ଭିତରେ ମହିଳା ।

ସରପଞ୍ଚ ସେମାନଙ୍କ ପାଇଁ ନୂଆ ଲୁଗା ଆଣିଛନ୍ତି । ସିନ୍ଦୁର , ଶଙ୍ଖା , ଅଳତା ସହ ଅନ୍ୟ ପୂଜା ସାମଗ୍ରୀ ଓ ଭୋଗର ବ୍ୟବସ୍ଥା କରିଛନ୍ତି। ସମସ୍ତେ ନୂଆଲୁଗା ପିନ୍ଧି ସାବିତ୍ରୀଙ୍କ ପୂଜା ରେ ବସିଥିଲେ । ମୁହଁରେ ମାସ୍କ ଓ ସାମାଜିକ ଦୁରତ୍ଵକୁ ଗୁରୁତ୍ଵ ଦିଆଯାଉଛି। ଆଜି ଆମିଷ ବାର ପାଇଁ କ୍ଵାରେଣ୍ଟାଇନ ସେଣ୍ଟର ରେ ଖାଇବା ରେ ଅଣ୍ଡା ମିଳିଥାନ୍ତା । କିନ୍ତୁ ଆଜି ସାବିତ୍ରୀ ବ୍ରତ ପାଇଁ ନିରାମିଷ ଭୋଜନ ଦିଆଯିବ । ଯାହାବି ହେଉ କିନ୍ତୁ ଭକ୍ତ ଆଉ ଭଗବାନଙ୍କ ସମ୍ପର୍କ ନିବିଡ । ମନ୍ଦିର ବନ୍ଦ ହୋଇଥିବା ବେଳେ ମନ୍ଦିରକୁ ଯାଇନପାରି ପରମ୍ପରାକୁ ଭୁଲୁ ନାହାନ୍ତି ଲୋକେ । ସରକାରଙ୍କ ନିୟମକୁ ସ୍ଵାଗତ କରି ମନ୍ଦିର ବାହାରୁ ରହି କେବଳ ମନ୍ଦିରକୁ ଦେଖି ମନ ବୁଝାଉଛନ୍ତି ।

   Related Posts