Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାଟଣା : ଛିଡିଲାନି ଭାଗବଣ୍ଟା, ଦୁଇ ପିସ୍ ମାଂସ ପାଇଁ ଆତ୍ମହତ୍ୟା କଲେ ଭଉଣୀ
  • ||
  • କଟକ : ରେଭେନ୍ସା ବିଶ୍ବବିଦ୍ୟାଳୟର ନୂତନ କୁଳପତି ହେଲେ ପ୍ରଫେସର ସଞ୍ଜୟ ନାୟକ
  • ||
  • ଭୁବନେଶ୍ବର : ନାବାଳିକା ଗଣଦୁଷ୍କର୍ମ ମାମଲା, ଅପ୍ରେଲ ୫ରେ ଚୂଡାନ୍ତ ଶୁଣାଣି
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହେଲେ ଆଉ ୧୫୪ କୋଭିଡ୍ ସଂକ୍ରମିତ, ୩୩୪୦୨୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ମେ’ ରେ ହେବ କଂଗ୍ରେସର ଅଧ୍ୟକ୍ଷ ପଦ ପାଇଁ ନିର୍ବାଚନ, ସିଡବ୍ଲ୍ୟୁସି ବୈଠକ ପରେ ବଡ ଘୋଷଣା କଲା ଦଳ
  • ||
  • ହୁ ହୁ ହୋଇ ବଢୁଛି ତୈଳଦର, ମୁମ୍ବାଇରେ ୯୧ ଟଙ୍କା ଉପରେ ପେଟ୍ରୋଲ ଦାମ୍
  • ||
  • ରାଉରକେଲା : ନିଆଁ ପୁଇଁବା ହେଲା କାଳ, ଦଳିଦେଲା ଦନ୍ତା, ଚାଲିଗଲା ଜୀବନ
  • ||
  • ଝଲସିବ ଅର୍କ କ୍ଷେତ୍ର : ନୂଆ ରୂପ ପାଇବ କୋଣାର୍କ ସୂର୍ଯ୍ୟ ମନ୍ଦିର, ପର୍ଯ୍ୟଟକଙ୍କୁ ମିଳିବ ବିଶ୍ୱସ୍ତରୀୟ ସୁବିଧା
  • ||
  • ଆଜି ବସୁଛି କଂଗ୍ରେସର ସିଡବ୍ଲ୍ୟୁସି ବୈଠକ, ଅଧ୍ୟକ୍ଷ ନିର୍ବାଚନ ନେଇ ହେବ ଆଲୋଚନା !
  • ||
  • ଏଥର ନିଜ ସ୍କୁଲରେ ଛାତ୍ରଛାତ୍ରୀ ଦେବେ ମାଟ୍ରିକ ପରୀକ୍ଷା, ୨ ଘଣ୍ଟାରେ ଲେଖିବାକୁ ପଡିବ ଉତ୍ତର
  • ||

ଶେଷରେ ହାତ ପତେଇଲେ ଇମ୍ରାନ, କହିଲେ-କରୋନାରେ ଆମକୁ ଅନାହାର ମୃତ୍ୟୁରୁ ବଞ୍ଚାଅ

13/04/2020 at 3:35 PM

ଇସ୍ଲାମାବାଦ:  କରୋନା ସଂକ୍ରମଣ ଯୋଗୁ ସମଗ୍ର ବିଶ୍ୱ ଏବେ ଗୁରୁତର ସଂକଟର ସମ୍ମୁଖୀନ ହୋଇଛି। ଉପୁଜିଥିବା ପରିସ୍ଥିତିରୁ ଦେଶ ପରେ ଦେଶ ଲକଡାଉନ୍‌ରେ ଥିବା ବେଳେ ମହାମାନ୍ଦାବସ୍ଥ ଉପୁଜିଛି। ତେବେ କିଛି ସମୟ ପୂର୍ବରୁ କୋଭିଡ-୧୯ ମୁକାବିଲା ଲାଗି ସାର୍କ କୋଭିଡ ଫଣ୍ଡକୁ ଅର୍ଥ ଦାବି କରିଥିବା ପାକ୍ ପ୍ରଧାନମନ୍ତ୍ରୀଙ୍କ ଶ୍ୱରଏବେ ବଦଳି ଯାଇଛି। ସେ କରୋନାରେ ପାକିସ୍ତାନର ଦୂରାବସ୍ଥାକୁ ବିସ୍ୱ ସମ୍ମୁଖରେ ଉପସ୍ଥାପନ କରିଛନ୍ତି। ଆମକୁ ଅନାହାର ମୃତ୍ୟୁରୁ ରକ୍ଷା କର ବୋଲି ବିକଶିତ ଦେଶମାନଙ୍କୁ ନିବେଦନ କରିଛନ୍ତି।

ପାକିସ୍ତାନରେ କରୋନା ସଂକ୍ରମଣ ଏବେ ଅନାହାର ମୃତ୍ୟୁର କାରଣ ପାଲଟିଥିବା କହିଛନ୍ତି ଇମ୍ରାନ। ଏନେଇ ଇମ୍ରାନ ନିଜ ଟ୍ୱିଟର ହ୍ୟାଣ୍ଡଲରେ ଏକ ଭିଡିଓ ପୋଷ୍ଟ କରିଛନ୍ତି। ଯେଉଁଥିରେ ସେ କୋଭିଡ-୧୯ ଯୋଗୁ ବିକଶିତ ରାଷ୍ଟ୍ରମାନେ ଯେପରି ଆହ୍ୱାନର ସମ୍ମୁଖୀନ ହୋଇଛନ୍ତି ପାକିସ୍ତାନ ମଧ୍ୟ ସେହିପରି ଜଟିଳ ପରିସ୍ଥିତି ମଧ୍ୟ ଦେଇ ଗତି କରୁଥିବା କହିଛନ୍ତି। ଏଣୁ ଅନ୍ତର୍ଜାତୀୟ ସମୂଦାୟ, ଜାତିସଂଘ, ଜାତି ସଂଘ ସୁରକ୍ଷା ପରିଷଦ ଓ ଅନ୍ତର୍ଜାତୀୟ ଆର୍ଥିକ ସଙ୍ଗଠନମାନେ ତୁରନ୍ତ ପାକିସ୍ତାନ ଲାଗି ସକରାତ୍ମକ ପ୍ରତିକ୍ରିୟା ବ୍ୟକ୍ତ କରନ୍ତୁ ବୋଲି ନିବେଦନ କରିଛନ୍ତି ।

ତାଙ୍କ ଭିଡିଓ ବାର୍ତ୍ତାରେ ଇମ୍ରାନ କୋଭିଡ-୧୯ ମୁକାବିଲାରେ ବିକଶିତ ଓ ବିକାଶଶୀଳ ରାଷ୍ଟ୍ରଙ୍କ ମଧ୍ୟରେ ଥିବା ଅନ୍ତର ଦର୍ଶାଇଛନ୍ତି। ଏଥିରେ ବିକଶିତ ଦେଶମାନେ ପ୍ରଥମେ ଲକଡାଉନ୍‌ କରି କରୋନା ବିରୋଧରେ ସଂଗ୍ରାମ କରୁଛନ୍ତି ଓ ପରେ ଏଥିଯୋଗୁ ଉପୁଜିଥିବା ଆର୍ଥିକ ଆହ୍ୱାନର ମୁକାବିଲା କରୁଛନ୍ତି। ହେଲେ ବିକାଶଶୀଳ ଦେଶଙ୍କ କ୍ଷେତ୍ରରେ ଭୂତାଣୁ ମୁକାବିଲା ସମ୍ପୂର୍ଣ୍ଣ ଭିନ୍ନ ବୋଲି କହିଛନ୍ତି। ଏଠାରେ ଆର୍ଥିକ ସମସ୍ୟା ଯୋଗୁ ଲୋକେ ଏବେ ଭୋକରେ ଡହଳବିକଳ ହେଉଥିବା ଇମ୍ରାନ କହିଛନ୍ତି ।

ଏଠାରେ ଭୂତାଣୁ ସଂକ୍ରମଣ ଯୋଗୁ ଲୋକଙ୍କ ମୃତ୍ୟୁ ହେଉଥିବା ବେଳେ ଲକଡାଉନରେ ଖାଦ୍ୟାଭାବ ଯୋଗୁ ମଧ୍ୟ ଲୋକେ ମରିବାରେ ଲାଗିଲେଣି ବୋଲି ଜଣାଇଛନ୍ତି। ପରିସ୍ଥିତିର ମୁକାବିଲା ଲାଗି ସରକାରଙ୍କ ସଂସାଧନ ପର୍ଯ୍ୟାପ୍ତ ନଥିବାରୁ ପରିସ୍ଥିତି ଅଣାୟତ୍ତ ହୋଇପଡିଛି । ଏଣୁ ଉପୁଜିଥିବା ପରିସ୍ଥିତିର ମୁକାବିଲା ଲାଗି ଜାତିସଂଘ ଜେନେରାଲ ସେକ୍ରେଟାରୀଙ୍କୁ ତୁରନ୍ତ ନୀତି ନିର୍ଦ୍ଧାରଣ ଲାଗି ଇମ୍ରାନ ନିବେଦନ କରିଛନ୍ତି।  

   Related Posts