Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ସୌରଭ ଗାଙ୍ଗୁଲିଙ୍କ ବାୟୋପିକ ପାଇଁ ହ୍ରିତିକ୍ ରୋଶନଙ୍କୁ କରିବାକୁ ପଡିବ ଏହି କାମ, ‘ଦାଦା’ ନିଜେ କଲେ ଖୁଲାସା

16/09/2020 at 5:42 PM

ମୁମ୍ବାଇ ୧୬/୦୯ : ଆଇପିଏଲ ୨୦୨୦ ପ୍ରସ୍ତୁତି ମଧ୍ୟରେ ବିସିସିଆଇ ଅଧ୍ୟକ୍ଷ ସୌରଭ ଗାଙ୍ଗୁଲି ଅଭିନେତ୍ରୀ ନେହା ଧୂପିଆଙ୍କ ଶୋ’ ‘ନୋ ଫିଲ୍ଟର ନେହା’ରେ ଅତିଥି ହୋଇ ପହଞ୍ଚିଥିଲେ । ସେ ଅନେକ ପ୍ରଶ୍ନର ମଜାଳିଆ ଜବାବ ଦେଇଛନ୍ତି ଯାହାର ଭିଡିଓ ଭାଇରାଲ ହୋଇଛି । ନେହା ଧୂପିଆ ସୌରଭ ଗାଙ୍ଗୁଲିଙ୍କ ବାୟୋପିକରେ ହ୍ରିତିକ ରୋଶନ ମୁଖ୍ୟ ଭୂମିକାରେ ଅଭିନୟ କରିବା ନେଇ ପ୍ରଶ୍ନ କରିଥିଲେ । ଏଥିରେ ଗାଙ୍ଗୁଲି ମଜାଳିଆ ଜବାବ ଦେଇଥିଲେ । ସେ ପଚାରିଥିଲେ ଗାଙ୍ଗୁଲିଙ୍କ ବାୟୋପିକ ତିଆରି ହେଉଛି କି ? ଗାଙ୍ଗୁଲି ପଚାରିଥିଲେ କିଏ କରୁଛି ? ନେହା କହିଥିଲେ ହ୍ରିତିକ ରୋଶନ କରିବେ ବୋଲି ଖବର ଶୁଣିବାକୁ ମିଳୁଛି । ଗାଙ୍ଗୁଲି କହିଥିଲେ ଏଥିପାଇଁ ତାଙ୍କୁ ମୋ ଭଳି ବଡି କରିବାକୁ ହେବ । ଏତିକି ଶୁଣି ଉଭୟ ହସିଥିଲେ । ଆଉ ଏକ ପ୍ରଶ୍ନରେ ଗାଙ୍ଗୁଲି କହିଥିଲେ ଯୁବରାଜ ସିଂହଙ୍କୁ ଅଭିନୟ କରିବା ଉଚିତ ।

ନେହା ନିଜେ ଏହି ଭିଡିଓ ଇନ୍ସଟାଗ୍ରାମରେ ପୋଷ୍ଟ କରିଛନ୍ତି । ଗାଙ୍ଗୁଲି ବର୍ତ୍ତମାନ ଦୁବାଇରେ ଅଛନ୍ତି । ସେପ୍ଟେମ୍ବର ୧୯ ତାରିଖରେ ହେବାକୁ ଥିବା ଆଇପିଏଲ ପାଇଁ ସେ ଦୁବାଇରେ ଅଛନ୍ତି ।

ନିକଟରେ ଏକ ଟକ ଶୋ’ରେ ଗାଙ୍ଗୁଲିଙ୍କୁ ପ୍ରଶ୍ନ କରାଯାଇଥିଲା ଯେ ଯଦି ତାଙ୍କର ବାୟୋପିକ କରାଯାଏ ତାହେଲେ ସେ ନିଜ ଭୂମିକାରେ କାହାକୁ ଦେଖିବାକୁ ଚାହିଁବେ । ଜବାବରେ ସେ କହିଥିଲେ ଯେ ସେ ହ୍ରିତିକ ରୋଶନଙ୍କୁ ଦେଖିବାକୁ ପସନ୍ଦ କରିବେ । ଗତ କିଛି ବର୍ଷ ହେଲା ଖେଳାଳିଙ୍କ ଜୀବନିକୁ ନେଇ ବଲିଉଡ ଫିଲ୍ମ ନିର୍ମାଣ ହେଉଛି । ୧୯୮୩ ବିଶ୍ୱକପ ବିଜେତା ଭାରତୀୟ ଟିମ ଉପରେ ମଧ୍ୟ ବାୟୋପିକ ନିର୍ମାଣ ହେଉଛି । ସୌରଭ ଗାଙ୍ଗୁଲିଙ୍କୁ ଜଣେ ସଫଳ ଅଧିନାୟକ ଭାବେ ବିବେଚନା କରାଯାଏ । ଏଥିପାଇଁ ତାଙ୍କ ବାୟୋପିକ ମଧ୍ୟ ଲୋକଙ୍କୁ ଆକର୍ଷିତ କରିବ ।

   Related Posts