ଇସ୍ଲାମାବାଦ ୧୨।୮: ସାଉଦୀ ଆରବକୁ ଆଖି ଦେଖାଇବା ଇସ୍ଲାମାବାଦ ଲାଗି ମହଙ୍ଗା ସାବ୍ୟସ୍ତ ହୋଇଛି। ଦୀର୍ଘ ଦଶକର ବନ୍ଧୁତ୍ୱରେ ଫାଟ ପଡିଥିବା ବେଳେ ପାକିସ୍ତାନକୁ ଆଉ ଋଣ ଓ ତୈଳ ନ ଦେବା ଲାଗି ସାଉଦୀ ଆରବ ନିଷ୍ପତ୍ତି ନେଇଛି। କେବଳ ଏତିକି ନୁହେଁ ପାକିସ୍ତାନକୁ ଋଣ ଓ ଅନ୍ୟ ବକେୟା ଚୁକ୍ତା କରିବା ଲାଗି ମଧ୍ୟ ସାଉଦୀ ଆରବ କଡାକଡି କହିଛି।
{"id":313533,"sizeSlug":"large"}ପାକ୍ ବୈଦେଶିକ ମନ୍ତ୍ରୀ ଶାହ ମହମ୍ମୁଦ କ୍ୟୁରେସି ଖୋଲାଖୋଲି ସାଉଦୀ ଆରବକୁ ସମାଲୋନା କରିଥିଲେ। ଆଇଓସି ବୈଠକକୁ ନେଇ କ୍ୟୁରେସୀ ଧମକ ମଧ୍ୟ ଦେଇଥିଲେ। ଏହାପରେ ସାଉଦୀ ଆରବ ସରକାର ଦାନାପାଣି ବନ୍ଦ ପଦକ୍ଷେପ ନେଇଥିବା ଜଣାପଡିଛି। ପାକିସ୍ତାନକୁ ତେଲ ଓ ଋଣ ଦିଆଯିବନି ବୋଲି ସାଉଦୀ ଆରବ ସଫା ସଫା ଶୁଣାଇ ଦେଇଥିବା ବେଳେ ବକେୟା ତୁରନ୍ତ ପୈଠ କରିବାକୁ ମଧ୍ୟ ତାଗିଦ୍ କରିଛି। ଏଣୁ ଗୁରୁତର ଆର୍ଥିକ ସଂକଟ ଗ୍ରସ୍ତ ପାକିସ୍ତାନ ଲାଗି ସାଉଦୀ ଆରବର ୧ ବିଲିୟନ ଡଲାର ଏବେ ତଣ୍ଟିରେ କଣ୍ଟା ହୋଇଛି।
{"id":313534,"sizeSlug":"large"}୨୦୧୮ ମସିହାରେ ସାଉଦୀ ଆରବ ପାକିସ୍ତାନକୁ ୬.୨ ବିଲିୟନ ଡଲାର ଋଣ ଦେଇଥିଲା। ଏଥିରୁ ପାକିସ୍ତାନ ନଗଦଆକାରରେ ୩ ବିଲିୟନ ଡଲାଇ ପାଇଥିବା ବେଳେ ବାକି ୩.୨ ବିଲନୟନ ଡଲାର ତୈଳ ଆକାରରେ ଆଣିଛି। ତେବେ କ୍ୟୁରେସୀଙ୍କ ବୟାନ ପରେ ସାଉଦୀ ସରକାର ଏବେ ପାକିସ୍ତାନ ବିରୋଧରେ ଦାନାପାଣି ବନ୍ଦ ନିଷ୍ପତ୍ତି ନେଇଛନ୍ତି।