Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପଶ୍ଚିମବଙ୍ଗ ନିର୍ବାଚନରେ କରୋନା ନିୟମର ଖୁଲମ୍‌ଖୁଲା ଉଲଙ୍ଘନ, ଏପ୍ରିଲ୍‌ ୧୬ରେ ସର୍ବଦଳୀୟ ବୈଠକ ଡକାଇଲେ ନିର୍ବାଚନ ଆୟୋଗ
  • ||
  • ଭୁବନେଶ୍ବର : ପିପିଲି କଂଗ୍ରେସ ପ୍ରାର୍ଥୀ ଅଜିତ୍ ମଙ୍ଗରାଜଙ୍କ ପରଲୋକ
  • ||
  • ଭୁବନେଶ୍ବର : ରାଜ୍ୟରେ ପରୀକ୍ଷା ହେବ କି ନାହିଁ ସେନେଇ ଚିନ୍ତା କରିବୁ – ଗଣଶିକ୍ଷା ମନ୍ତ୍ରୀ
  • ||
  • ଯାଜପୁର : ଏକ ତରଫା ପ୍ରେମରୁ ଯୁବକଙ୍କ ଉନ୍ମତକାଣ୍ଡ, ବାହା ହେବାକୁ ରାଜି ନହେବାରୁ ସମ୍ପର୍କୀୟ ଭଉଣୀଙ୍କୁ ଚେଙ୍କ ଦେଲା ଭାଇ
  • ||
  • ବାଲେଶ୍ବର : ସମୁଦ୍ରରେ ମାଛ ଧରା ବନ୍ଦ, ଆଜିଠୁ ଜୁନ୍ ୧୫ ଯାଏଁ ବଳବତ୍ତର ରହିବ କଟକଣା
  • ||
  • ଭୁବନେଶ୍ବର : କୋଭିଡ୍ ନିୟମ ଉଲଂଘନକାରୀଙ୍କଠୁ ୨ କୋଟି ୧୭ ଲକ୍ଷ ଟଙ୍କା ଫାଇନ୍ ଆଦାୟ
  • ||
  • ଭୁବନେଶ୍ବର : ୟେଲୋ ଜୋନ୍‌କୁ ଗଲା ୫ ଜିଲ୍ଲା, ପୂର୍ବରୁ ୨ ଜିଲ୍ଲା ରହିଛି ରେଡ୍ ଜୋନ୍‌ରେ
  • ||
  • ଝାରସୁଗୁଡା : କୋଇଲା ଖଣି ମ୍ୟାନେଜର ଅଫିସରୁ ମହିଳା କର୍ମଚାରୀଙ୍କ ଝୁଲନ୍ତା ମୃତଦେହ ଉଦ୍ଧାର, କାରଣ ଅସ୍ପଷ୍ଟ
  • ||
  • ମାଲକାନଗିରି : ମାଲକାନଗିରିରୁ ଛତିଶଗଡକୁ ସଂଯୋଗ ସମସ୍ତ ରାସ୍ତା ସିଲ୍, ଅପ୍ରେଲ ୩୦ଯାଏଁ ବସ୍ ଚଳାଚଳ ଠପ୍
  • ||
  • CBSE ଦଶମ ଶ୍ରେଣୀ ବୋର୍ଡ ପରୀକ୍ଷା ବାତିଲ, ଛାତ୍ରଛାତ୍ରୀଙ୍କ ମାର୍କ ସ୍ଥିର କରିବ ବୋର୍ଡ
  • ||

ସାତକୋଶିଆରେ ଘଡ଼ିଆଳ କୁମ୍ଭୀର ବଂଶ ବୃଦ୍ଧି ପାଇଁ ଆରମ୍ଭ ହେଲା ଯୋଜନା: ନନ୍ଦନକାନନରୁ ଆସିବେ ୮ଟି ଘଡ଼ିଆଳ

17/07/2019 at 2:11 PM

ଅନୁଗୁଳ୧୭|୭: ସାତକୋଶିଆର ମହାନଦୀରେ ଘଡ଼ିଆଳ କୁମ୍ଭୀରର ବଂଶ ବୃଦ୍ଧି ପାଇଁ ଆରମ୍ଭ ହେଲା ଯୋଜନା। ନନ୍ଦନକାନନରୁ ଆସିବ ୮ ଟି ଘଡ଼ିଆଳ।ସେଥିପାଇଁ ପ୍ରକୃତି ଓ ପରିବେଶ ନିରୀକ୍ଷଣ କରୁଛନ୍ତି ବିଶେଷଜ୍ଞ ଟିମ। ଏପଟେ ସ୍ଥାନୀୟ ଅଧିବାସୀଙ୍କ ରହିଛି ଜୀବନ ଜୀବିକା ଆଉ ସୁରକ୍ଷାର ଚିନ୍ତା । ନଚେତ ବ୍ୟାଘ୍ର ପ୍ରକଳ୍ପରେ ବ୍ରେକ ଲାଗିଲା ଭଳି ପରିସ୍ଥିତି ହୋଇପାରେ ବୋଲି ସ୍ଥାନୀୟ ଲୋକଙ୍କ ପ୍ରତିକ୍ରିୟା।

ଅନଗୁଳ ସାତକୋଶିଆ ଅଭୟାରଣ୍ୟ ମଧ୍ୟରେ ଟିକରପଡା ଠାରେ ରହିଛି କୁମ୍ଭୀର ପ୍ରଜନନ କେନ୍ଦ୍ର। କିନ୍ତୁ ଏବେ ଏହି ପ୍ରଜନନ କେନ୍ଦ୍ର ବିଲୁପ୍ତ ପ୍ରାୟ। ସମୟ ଥିଲା କେନ୍ଦ୍ର ଆଉ ରାଜ୍ୟର ସହାୟତାରେ ଶହ ଶହ ଘଡ଼ିଆଳ ଆଉ ମଗର କୁମ୍ଭୀର ପର୍ଯ୍ୟଟକଙ୍କୁ ବେଶ ଆକର୍ଷିତ କରୁଥିଲା। ସମୟ କ୍ରମେ ଏହି ସଂଖ୍ୟା ଏବେ ଆଙ୍ଗୁଠି ଗଣତିରେ ସୀମିତ ରହିଛି। ଅଛନ୍ତି ମାତ୍ର ୮ ଟି ଘଡ଼ିଆଳ ଆଉ ୧୫୦ ଟି ମଗର। ମହାନଦୀର ଗଣ୍ଡରେ ଏମାନଙ୍କ ବଂଶ ବିସ୍ତାର ହୋଇପାରୁନାହିଁ। କୁମ୍ଭୀର ମୃତ୍ୟୁର କାରଣ ସଠିକ କହି ହେଉନଥିଲେ ମଧ୍ୟ ନେଟିଙ୍ଗ ଆଉ ଫିସିଙ୍ଗ କାରଣରୁ ଏମାନଙ୍କର ମୃତ୍ୟୁ ହୋଇଛି ବୋଲି କହୁଛନ୍ତି ବନ ବିଭାଗ।

 କିନ୍ତୁ ଏବେ ପୁଣିଥରେ ନନ୍ଦନକାନନ ରୁ ୮ଟି ଘଡ଼ିଆଳ ଆଣି ମହାନଦୀରେ ଛାଡିବାକୁ ଯୋଜନା କରୁଛି ବନ ବିଭାଗ। ଏଥିପାଇଁ ଆରମ୍ଭ ହୋଇସାରିଛି ପ୍ରକ୍ରିୟା। ନେଟିଙ୍ଗ ଆଉ ଫିସିଙ୍ଗକୁ ବାରଣ କରିଛନ୍ତି। ମହାନଦୀରେ ବିଶେଷଜ୍ଞ ମାନେ ବୁଲି ବୁଲି ସର୍ଭେ କାମ ଆରମ୍ଭ କରିଛନ୍ତି। ଏମିତି ହେଲେ ପୁଣିଥରେ ସାତକୋଶିଆ ପର୍ଯ୍ୟଟକଙ୍କ ଆକର୍ଷଣର କେନ୍ଦ୍ରବିନ୍ଦୁ ହେବ ବୋଲି ଆଶା କରିଛି ବନ ବିଭାଗ।

ସେପଟେ ଏପରି କାର୍ଯ୍ୟକ୍ରମକୁ ସ୍ବାଗତ କରିଛନ୍ତି ସାତକୋଶିଆ ବାସୀ। ଏହା ନିଶ୍ଚିତ ସ୍ଥାନୀୟ ଲୋକଙ୍କୁ ଅର୍ଥ ରୋଜଗାର ଦେଇପାରିବ। କିନ୍ତୁ ତା ପୂର୍ବରୁ ସ୍ଥାନୀୟ ଲୋକମାନଙ୍କ ସହ ବିସ୍ତୃତ ଭାବେ ଆଲୋଚନା ହେବା ଦରକାର। ମହାନଦୀ ଉପରେ ନିର୍ଭରକରି ଚଳୁଥିବା ଲୋକମାନେ କିଭଳି ଜୀବିକା ନିର୍ବାହ କରିବେ ଏବଂ ସୁରକ୍ଷା ଉପରେ ଧ୍ୟାନ ଦେଇ ପ୍ରକଳ୍ପକୁ ଆଗେଇ ନେବା ଉଚିତ ବୋଲି ଉଭୟ ପରିବେଶବିତ ଆଉ ସ୍ଥାନୀୟ ବାସିନ୍ଦା ମତ ରଖିଛନ୍ତି।

ତେବେ ସବୁକିଛି ନିର୍ଭର କରୁଛି ସାତକୋଶିଆ ବାସୀଙ୍କ ଉପରେ। ଯଦି ବନ ବିଭାଗ ସ୍ଥାନୀୟ ବାସିନ୍ଦାଙ୍କ ଜୀବନ ଜୀବିକା ଏବଂ ସୁରକ୍ଷା କଥା ଚିନ୍ତା ନ କରେ ତେବେ ସାତକୋଶିଆରେ ବ୍ୟାଘ୍ର ପ୍ରକଳ୍ପ ବ୍ରେକ ଲାଗିବା ଭଳି ପରିସ୍ଥିତି ନିଶ୍ଚିତ ହେବ ବୋଲି ରିଆକ୍ସନ ହୋଇଛି।

   Related Posts