Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ସାରାଭାଇ vs ସାରାଭାଇ ଫେମ୍ ଅଭିନେତା ରାଜେଶ କୁମାର କୋଭିଡ ପଜିଟିଭ

28/08/2020 at 3:22 PM

ମୁମ୍ବାଇ ୨୮/୮: ଲୋକପ୍ରିୟ ଶୋ ସାରାଭାଇ vs ସାରାଭାଇରେ ରୋଶେଶ ଭୂମିକାରେ ଅଭିନୟ କରିଥିବା ଅଭିନେତା ରାଜେଶ କୁମାର କରୋନାରେ ସଂକ୍ରମିତ ହୋଇଛନ୍ତି। ସେ ନିକଟରେ ନିଜ ଶୋ ଏକ୍ସକ୍ୟୁଜ ମି ମ୍ୟାଡମର ସୁଟିଂ ଆରମ୍ଭ କରିଥିଲେ। ସେ କହିଛନ୍ତି ଯେ ସେ କରୋନାରେ ସଂକ୍ରମିତ ହୋଇଛନ୍ତି ଏବଂ ଡାକ୍ତର ତାଙ୍କୁ ଏବେ ଆରାମ କରିବାକୁ କହିଛନ୍ତି। ସେ ଏବେ ନିଜର ଚିକିତ୍ସା କରାଉଛନ୍ତି ଏବଂ ହୋମ୍ କ୍ବାରେଣ୍ଟାଇନରେ ଅଛନ୍ତି।

 ରାଜେଶ କୁମାର ବିନୈଫର କୋହଲିଙ୍କ ପ୍ରଡକ୍ସନ ଏକ୍ସକ୍ୟୁଜ ମି ମ୍ୟାଡାମର ସୁଟିଂ କରୁଥିଲେ ଏବଂ ସେ ନିଜ ସହ ଅଭିନେତା ଏବଂ କ୍ରୃ ମେମ୍ବରଙ୍କ ସହ କିଛି ଏପିସୋଡ ସୁଟ୍ କରି ନେଇଥିଲେ। କରୋନା ଭାଇରସ୍ ମହାମାରୀ ପାଇଁ ସମସ୍ତେ ସାବଧାନତା ଅବଲମ୍ବନ କରୁଥିଲେ। ତଥାପି ସେ ସଂକ୍ରମିତ ହୋଇଥିଲେ। ସେ ସୋସିଆଲ ମିଡିଆ ଜରିଆରେ ନିଜ ପ୍ରଶଂସକଙ୍କୁ ଏବିଷୟରେ କହିଛନ୍ତି।

ରାଜେଶ କୁମାର ଏକ୍ସକ୍ୟୁଜ ମି ମ୍ୟାଡମରେ ସନମଙ୍କ ଭୂମିକାରେ ଅଭିନୟ କରୁଥିବାବେଳେ ଦିବ୍ୟ ଦୃଷ୍ଟିର ଅଭିନେତ୍ରୀ ନାୟରା ବାନାର୍ଜୀ ତାଙ୍କ ବସ୍ ମିଠୁ ବୋଷ ଭୂମିକାରେ ଅଭିନୟ କରୁଛନ୍ତି। ଏହା ବ୍ୟତୀତ ଦିବ୍ୟଙ୍କା ତ୍ରିପାଠୀଙ୍କ ମିସେଜ ଆଣ୍ଡ ମିଷ୍ଟର ଶର୍ମା ଜୀ ଇଲାହାବାଦ ବାଲେ ଏବଂ ବା ବହୂ ଔର ବେବି ଭଳି ଶୋ ରେ ନିଜ ଅଭିନୟ ଦ୍ବାରା ରାଜେଶ ଦର୍ଶକଙ୍କ ହୃଦୟ ଜିତି ସାରିଛନ୍ତି।

ଏକ୍ସକ୍ୟୁଜ ମି ମ୍ୟାଡମ୍,ଧାରାବାହିକ ‘ମେ ଆଇ କମିଂ ମ୍ୟାଡାମ୍’ର ସିକ୍ବେଲ୍। ଏକ୍ସକ୍ୟୁଜ ମି ମ୍ୟାଡମ୍ ଶୋର ପ୍ରୋମୋ ଚ୍ୟାନେଲରେ ପ୍ରସାରିତ କରି ଦିଆଯାଇଛି। ଏହି ଶୋ ଷ୍ଟାର ଭାରତରେ ଖୁବ୍ ଶୀଘ୍ର ଆରମ୍ଭ ହେବ।

   Related Posts