Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଅଗସ୍ତି ନୂଆଗାଁ ଓ ଚମାଖଣ୍ଡି ପଞ୍ଚାୟତର ସରପଞ୍ଚ ଏବଂ ସମିତି ସଭ୍ୟ ପ୍ରାର୍ଥୀ ନିର୍ଦ୍ବନ୍ଦରେ ନିର୍ବାଚିତ
  • ||
  • ରାଜ୍ୟରେ ବୁଧବାର ସୁସ୍ଥହେଲେ ଆଉ ୧୦ହଜାର ୭୮ଜଣ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୨୮୭୩ ଜଣ ଡିସଚାର୍ଜ
  • ||
  • ପାଟ୍ରୋଲିଂ ଗାଡିକୁ ଚକ୍‌ମା ଦେଇ ଖସିଯିବା ବେଳେ ଗୋଡାଇ ଗୋଡାଇ କାବୁ କଲା ପୋଲିସ: ଅଟୋରୁ ବିପୁଳ ଗଞ୍ଜେଇ ଜବତ, ୫ ଗିରଫ
  • ||
  • ମାତ୍ର ୬୦ ସେକେଣ୍ଡରେ ଜଣାପଡିବ ଶରୀରର ରକ୍ତ ସର୍କରା, ଛୁଞ୍ଚିର ଭୟ ରହିବନି… ଆସିଗଲା ନୂଆ ମେସିନ୍
  • ||
  • ଖଲ୍ଲିକୋଟ : ପଞ୍ଚାୟତ ନିର୍ବାଚନ ପାଇଁ ଗଞ୍ଜାମ ଜିଲ୍ଲାର ଚୂଡାନ୍ତ ପ୍ରାର୍ଥୀ ତାଲିକା ପ୍ରକାଶ, ମୈଦାନରେ ୧୩ ହଜାର ୬୭୫ ପ୍ରାର୍ଥୀ
  • ||
  • ସମ୍ବଲପୁର : ଭୀମସାର ଡାକ୍ତରୀ ଛାତ୍ରୀଙ୍କ ଆତ୍ମହତ୍ୟା ଉଦ୍ୟମ, ଗୋଡ ଭାଙ୍ଗିବା ସହ ଶରୀରରେ ଲାଗିଛି ଆଘାତ
  • ||
  • ଭୁବନେଶ୍ବର : ଜାଲ୍‌ ପ୍ରମାଣପତ୍ର ଦେଇ ୩କୋଟି ୬୮ଲକ୍ଷ ଟଙ୍କା ଠକେଇ ଅଭିଯୋଗ, ପିଏନବି ପୂର୍ବତନ ମୁଖ୍ୟ ପରିଚାଳକ ସମେତ ୩ ଗିରଫ
  • ||
  • ଭୁବନେଶ୍ବର : କୋଭିଡ୍‌ର କେବେ ବି ଅନ୍ତ ହେବନାହିଁ : ସ୍ଵାସ୍ଥ୍ୟ ନିର୍ଦ୍ଦେଶକ
  • ||
  • ଭୁବନେଶ୍ବର : ରାଜ୍ୟରେ କରୋନା ସଂକ୍ରମଣ କମିବା ନେଇ ମିଳିଲାଣି ସଂକେତ : SRC
  • ||
  • ପୁରୀ : ମହିଳାଙ୍କ ଅଶ୍ଳୀଳ ଫଟୋ ଓ ଭିଡିଓ ଭାଇରାଲ୍ ପଡିଲା ମହଙ୍ଗା, ଅଭିଯୁକ୍ତ ଗିରଫ
  • ||

ସାରା ସିଂହ ହତ୍ୟାକାଣ୍ଡ: ଝିଅକୁ ନ୍ୟାୟ ଦେବା ପାଇଁ ଓକିଲ ହେଲେ ମା, ଏବେ ନିଜେ ଲଢ଼ିବେ କେସ୍

3/09/2019 at 4:12 PM

ଏଲହାବାଦ ୩|୯: କୋର୍ଟରେ  ସାରା ସିଂହ ହତ୍ୟାକାଣ୍ଡର ମୋକଦ୍ଦମା ଏବେ ତାଙ୍କ ମା ସୀମା ସିଂହ ନିଜେ ଲଢିବେ। ଏଥିଲାଗି ସାରାଙ୍କ ମା  ସୀମା ନିଜର ସମସ୍ତ ପ୍ରସ୍ତୁତି ଶେଷ କରିଛନ୍ତି। ତାଙ୍କର ଓକିଲାତି ଅଧ୍ୟୟନ ଶେଷ ହୋଇଥିବା ବେଳେ ଏବେ କଳାକୋର୍ଟ ପିନ୍ଧି କୋର୍ଟରେ ମୋକଦ୍ଦମା ପରିଚାଳନା କରିବେ।

ଚାରି ବର୍ଷ ପୂର୍ବେ  ଝିଅର ହତ୍ୟାକାଣ୍ଡ ତଦନ୍ତ ଚାଲିଥିବା ବେଳେ ସେ ଓକିଲାତି ପଢ଼ିବାକୁ ନିଷ୍ପତ୍ତି ନେଇଥିଲେ।ଏଥିଲାଗି ୨୦୧୭ ମସିହାରେ ସେ ଲକ୍ଷ୍ନୌସ୍ଥିତ ସେଣ୍ଟ ମଦର ଟେରେସା କଲେଜରେ ତିନିବର୍ଷିଆ ଏଲଏଲବି ପାଠ୍ୟକ୍ରମରେ ନାମ ଲେଖାଇଥିଲେ।ଗତ ଜୁଲାଇ ମାସରେ ତାଙ୍କର ଏଲଏଲବି ସମାପ୍ତ ହୋଇଛି। 

ଓକିଲାତି ପଢିସାରିବା ପରେ  ପ୍ରାକ୍ଟିସ ନିମନ୍ତେ ସୀମା  ୟୁପି ଓ ଏଲହାବାଦ ହାଇକୋର୍ଟ ବାର ଆସୋସିଏସନରେ ତାଙ୍କ ନାମ ପଞ୍ଜିକରଣ ମଧ୍ୟ କରିଛନ୍ତି। ସୀମାଙ୍କ କହିବା ମୁତାବକ, ଗାଜିଆବାଦରେ  ରହୁଥିବା ତାଙ୍କ ଓକିଲ ନବନୀତ ତ୍ୟାଗୀଙ୍କ ପାଖରେ ଥିବା ସାରା ହତ୍ୟାକାଣ୍ଡର ତଥ୍ୟ ଆଧାରରେ ସେ କୋର୍ଟରେ ମାମଲାର ପରବର୍ତ୍ତି  ପରିଚାଳନା କରିବେ।  ସାରାଙ୍କ ହତ୍ୟାକାଣ୍ଡର ଆବଶ୍ୟକୀୟ ତଥ୍ୟ ସେ ନବନୀତଙ୍କୁ ଯୋଗାଇବେ ବୋଲି କହିଛନ୍ତି।

 ଲକ୍ଷ୍ନୌର ଏକ କଲେଜରୁ ସୀମା ସିଂହ ସ୍ନାତକ ଉତୀର୍ଣ୍ଣ ହୋଇଥିଲେ। ଏହା ବ୍ୟତୀତ ସମାଜଶାସ୍ତ୍ରରେ ସେ ମାଷ୍ଟର ଡିଗ୍ରୀ ମଧ୍ୟ ହାସଲ କରିଛନ୍ତି।ସୀମା ସିଂହ ଏଲଏଲବି ପାଠ ଶେଷ କରିବା ପରେ ଦୁର୍ନୀତି ବିରୋଧରେ ଲଢ଼ିବେ ବୋଲି କହିଛନ୍ତି। ତାଙ୍କ ଝିଅ ସାରା ସିଂହଙ୍କ ସମେତ ଅବହେଳିତ ନାରୀମାନଙ୍କୁ ନ୍ୟାୟ ଦେବାକୁ  ସେ ଓକିଲାତି ପେଷାକୁ ଓହ୍ଲାଇଛନ୍ତି। ଅନ୍ୟାୟ  ବିରୋଧରେ ଲଢ଼ିବା ପାଇଁ ବୟସର କିଛି ଆବଶ୍ୟକ ନଥାଏ ବରଂ କେବଳ ମନବଳ ଦୃଢ଼ ରହିବା ଦରକାର  ବୋଲି ସୀମା କହିଛନ୍ତି।

ସୂଚନାଯୋଗ୍ୟ ଯେ, ୨୦୧୫ ମସିହା ଜୁଲାଇ ମାସରେ ନୌତନଓ୍ବା ଆସନର ବିଧାୟକ ଅମନମଣି ତ୍ରିପାଠୀ ଓ ତାଙ୍କ ପତ୍ନୀ ସାରା ସିଂହ ଗାଡିରେ ଯିବା ସମୟରେ ସଡ଼କ ଦୁର୍ଘଟଣାର ଶିକାର ହୋଇଥିଲେ।  ଏହି ଦୁର୍ଘଟଣାରେ ସାରା ସିଂହଙ୍କ ମୃତ୍ୟୁ ହୋଇଥିଲା।ତେବେ ଏହା ଦୁର୍ଘଟଣା ନୁହେଁ ବରଂ ସାରାଙ୍କୁ ହତ୍ୟା କରିବା ଲାଗି ଏକ ବିଧିବଦ୍ଧ  ଷଡ଼ଯନ୍ତ୍ର ଥିଲା ବୋଲି ତାଙ୍କ ମାଆ ସୀମା ସିଂହ ଥାନାରେ ଅଭିଯୋଗ କରିଥିଲେ।

ଏହି ଦୁର୍ଘଟଣାରେ ସାରାଙ୍କ ସ୍ବାମୀ ଅମନମଣିଙ୍କ ଶରୀରରେ ସାମାନ୍ୟ ଆଘାତବି  ଲାଗି ନଥିଲା​‌ । ଏଣୁ ଏହା ଏକ ପ୍ରୟୋଜିତ ହତ୍ୟାକାଣ୍ଡ ବୋଲି ତାଙ୍କ ମାଆ ଅଭିଯୋଗ ଆଣିଥିଲେ। ଏହି ହତ୍ୟାକାଣ୍ଡର ସେ ସିବିଆଇ ତଦନ୍ତ ଦାବି ମଧ୍ୟ କରିଥିଲେ। ଶେଷରେ ସିବିଆଇ ମାମଲାର ତଦନ୍ତଭାର ହାତକୁ ନେଇଥିବା ବେଳେ କୋର୍ଟରେ ଏବେବି ସାରାଙ୍କ ମୃତ୍ୟୁ ମାମଲା ଲମ୍ବିତ ରହିଛି।  

   Related Posts