Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ହାତ ଟେକିଦେଲେ ବାଚସ୍ପତି, କହିଲେ- ଯଦି ସବୁ ସଦସ୍ୟ ଗୃହ ଚଲାଇବାକୁ ପ୍ରସ୍ତୁତ ନୁହଁନ୍ତି, ତେବେ ମୁଁ କ’ଣ କରିବି ?
  • ||
  • ଭୁବନେଶ୍ବର : ମମିତା ମେହେର ହତ୍ୟା ପ୍ରସଙ୍ଗ : ଆସନ୍ତା ୧୦ରେ ବିଧାନସଭା ଘେରାଉ କରିବ ଛାତ୍ର କଂଗ୍ରେସ
  • ||
  • ପରଲୋକରେ ପଦ୍ମଶ୍ରୀ ନନ୍ଦ ସାର୍, ୧୦୪ ବର୍ଷରେ ଚିକିତ୍ସାଧୀନ ଅବସ୍ଥାରେ ଦେହାନ୍ତ
  • ||
  • ଭୁବନେଶ୍ବର : ରିପୋର୍ଟ ଆସିବା ପରେ ନିୟମ ଅନୁସାରେ ଚାଷୀଙ୍କୁ କ୍ଷତିପୂରଣ ଦିଆଯିବ : ମନ୍ତ୍ରୀ ସୁଦାମ ମାରାଣ୍ଡି
  • ||
  • ଭୁବନେଶ୍ବର : ବିଡିଏ ଫେରାଇବ ସର୍ବକ୍ଷମା ଯୋଜନାର ଅଧିକ ଫାଇନ୍, ଆବେଦନର ଶେଷ ତାରିଖ ୧୦ ଡିସେମ୍ବର
  • ||
  • ଖୋର୍ଦ୍ଧା : ଭିଜିଲାନ୍ସ ହାତରେ ଧରାପଡିଲେ ନିର୍ବାହୀ ଯନ୍ତ୍ରୀ, ବିଲ୍ କରାଇ ଦେବାକୁ ଠିକାଦାରଙ୍କଠୁ ନେଉଥିଲେ ୧୦ ହଜାର
  • ||
  • ଟିଟିଲାଗଡ : ପୁରୀ-ଅଜମେର ଟ୍ରେନ୍‌ରେ ନିଆଁ, ଟ୍ରାକ୍‌ରେ ବ୍ରେକ୍ ଘସି ହୋଇ ଧୂଆଁ ବାହାରୁଥିଲା
  • ||
  • ରୋହିଙ୍ଗ୍ୟା ବିରୋଧୀ ହିଂସା ପାଇଁ ଫେସବୁକ ଦାୟୀ ! ୧୫୦ ବିଲିୟନ ପାଉଣ୍ଡର କ୍ଷତିପୂରଣ ଦେବାକୁ ମାମଲା
  • ||
  • କଳାହାଣ୍ଡି : ଇଚ୍ଛା ମୃତ୍ୟୁ ଆବେଦନକାରୀଙ୍କୁ ସାହା ହେଲା BSKY, ଯୋଜନାରେ ଆରମ୍ଭ ହେଲା ଚିକିତ୍ସା
  • ||
  • ତୁରେଇକେଲା ବ୍ଲକରେ ମାତିଲେ ୩୦ ଟିକିଆ ହାତୀପଲ, ଭାଙ୍ଗିଦେଲେ ଘର ଛପର
  • ||

କରୋନା ଭୟରେ ବିଶ୍ୱ ଥରହର : ଇଟାଲୀରେ ୧୦ହଜାର ଟପିଲା ମୃତ୍ୟୁ, ଆମେରିକା ୨୨ଶହରୁ ବେଶି

29/03/2020 at 7:08 PM

ନୂଆଦିଲ୍ଲୀ ୨୯।୦୩: ବିଶ୍ୱର ଦୁଇ ତୃତିୟାଂଶ ମୃତ୍ୟୁ କେବଳ ୟୁରୋପର । ସାରା ବିଶ୍ବରେ କରୋନା ଏଯାଏ ୩୧ ହଜାରରୁ ଅଧିକ ମୁଣ୍ଡ ନେଇଥିବା ବେଳେ କେବଳ ୟୁରୋପରେ କରୋନା ୨୦ ହଜାରରୁ ଅଧିକ ଜୀବନ ନେଲାଣି । ସେଥିରୁ ପୁଣି ଅଧା ଇଟାଲୀରେ। ଇଟାଲିରେ ମୃତ୍ୟୁ ସଂଖ୍ୟା ୧୦ ହଜାର ଟପିଛି । ସାଢେ ୯୨ ହଜାରରୁ ଅଧିକ ଲୋକ କରୋନାରେ ଆକ୍ରାନ୍ତ ହୋଇଛନ୍ତି । ଆକ୍ରାନ୍ତଙ୍କ ମଧ୍ୟରୁ ୧୨ ହଜାର ୩୮୪ ଜଣ ସୁସ୍ଥ ହୋଇଥିଲେ ମଧ୍ୟ ଏବେ ୭୦ ହଜାରରୁ ଅଧିକ ସଂକ୍ରମିତଙ୍କ ଅବସ୍ଥା ଗୁରୁତର ରହିଛନ୍ତି।

ସାରା ବିଶ୍ବରେ କରୋନା ଆକ୍ରାନ୍ତଙ୍କ ସଂଖ୍ୟା ୬ ଲକ୍ଷ ୬୯ ହଜାର ଛୁଇଁଛି । ଆକ୍ରାନ୍ତ ସଂଖ୍ୟାରେ ସବୁଠୁ ଆଗରେ ରହିଛି ଆମେରିକା । ଆମେରିକାରେ ପାଖପାଖି ୧ ଲକ୍ଷ ୨୪ ହଜାର ବ୍ୟକ୍ତି କରୋନା ଆକ୍ରାନ୍ତ ହୋଇଛନ୍ତି । ମୃତ୍ୟୁ ସଂଖ୍ୟା ୨୨୦୦ ଟପିଛି । ଟ୍ରମ୍ପ୍ ପ୍ରଶାସନ ପାଇଁ ଏହା ଚିନ୍ତା ବଢାଇ ଦେଲାଣି ।

ସେପଟେ ସ୍ପେନ୍ ଅବସ୍ଥା ବି ସାଂଘାତିକ । ସ୍ପେନ୍ ରେ ମୃତ୍ୟୁ ସଂଖ୍ୟା ୬ ହଜାର ଛୁଇଁଛି । ଆକ୍ରାନ୍ତଙ୍କ ସଂଖ୍ୟା ୭୨ ହଜାରରୁ ଅଧିକ । କରୋନାରେ ସ୍ପେନ ରାଜକୁମାରୀଙ୍କ ମୃତ୍ୟୁ ହୋଇଛି । ବିଶ୍ବର ପ୍ରଥମ ରାଜପରିବାର ସଦସ୍ୟଙ୍କ ଜୀବନ ନେଇଛି କରୋନା ।

କରୋନା ଆକ୍ରାନ୍ତ ହେବା ପରେ ଆଜି ୮୬ ବର୍ଷ ବୟସରେ ମୃତ୍ୟୁ ବରଣ କରିଛନ୍ତି ମାରିୟା ଟେରେସା । ସେ ସ୍ପେନ୍ ରାଜା ଫେଲିପ୍ ଷଷ୍ଠଙ୍କର ସମ୍ପର୍କୀୟ । ଗତ ସପ୍ତାହରେ ରାଜା ଫେଲିପ ଷଷ୍ଠଙ୍କର କରୋନା ପରୀକ୍ଷା କରାଯାଇଥିଲା । କିନ୍ତୁ ତାଙ୍କ ରିପୋର୍ଟ ନେଗେଟିଭ୍ ବାହାରିଥିଲା ।

ଫ୍ରାନ୍ସ, ଇଂଲଣ୍ଡ ଏବଂ ଜର୍ମାନରେ ମଧ୍ୟ ସଂଖ୍ୟା ବଢି ଚାଲିଛି । ଫ୍ରାନ୍ସରେ ଆକ୍ରାନ୍ତଙ୍କ ସଂଖ୍ୟା ୩୭ ହଜାର ଟପିଥିବା ବେଳେ ମୃତ୍ୟୁ ସଂଖ୍ୟା ୨ ହଜାର ୩ ଶହ ଟପିଛି । ସେହିଭଳି ଇଂଲଣ୍ଡରେ ଆକ୍ରାନ୍ତଙ୍କ ସଂଖ୍ୟା ୧୭ ହଜାର ଟପିଲାଣି । ଏଠାରେ ମୃତ୍ୟୁ ସଂଖ୍ୟା ୧ ହଜାର ଟପିଛି । ଜର୍ମାନୀରେ ଆକ୍ରାନ୍ତଙ୍କ ସଂଖ୍ୟା ୫୮ ହଜାର ଛୁଇଁଛି । ଏଠି ମୃତ୍ୟୁ ସଂଖ୍ୟା ଛୁଇଁଛି ୪୫୦ରୁ ଅଧିକ । କରୋନାର ଉତ୍ପତି ସ୍ଥଳ ଚୀନରେ ସ୍ଥିତିରେ ସୁଧାର ଆସିବାରେ ଲାଗିଛି। ଏଠାରେ ଜୀବନ ଯାତ୍ରା ଧୀରେ ଧୀରେ ସ୍ବାଭାବିକ ହେବାରେ ଲାଗିଛି ।

ଜାତିସଙ୍ଘର ୮୬ ଅଧିକାରୀ ବିଶ୍ବର ବିଭିନ୍ନ ସ୍ଥାନରେ କରୋନା ଆକ୍ରାନ୍ତ ହୋଇଥିବା ଜଣାପଡିଛି । ଏହି ଅଧିକାରୀଙ୍କ ମଧ୍ୟରୁ ଅଧିକାଂଶ ୟୁରୋପ ଓ ଆଫ୍ରିକାର ବୋଲି ଜାତିସଙ୍ଘ ମୁଖପାତ୍ର ଷ୍ଟିଫାନେ ଦୁଜାରିକ କହିଛନ୍ତି। ସାରା ବିଶ୍ବର ଏକ ତୃତିୟାଂଶ ଲୋକ ଏବେ ଲକ୍ ଡାଉନରେ ଅଛନ୍ତି । କୋଟି କୋଟି ଲୋକ ରୋଜଗାର ହରାଇଲେଣି । କିଛି ତ ଏମିତି ପୂର୍ବାନୁମାନ କରୁଛନ୍ତି ଯେ କରୋନା ସଂକ୍ରମଣ ଯୋଗୁଁ ନିମ୍ନ ଆୟକାରୀ ରାଷ୍ଟ୍ରଗୁଡିକରେ ଲକ୍ଷଲକ୍ଷ ସଂଖ୍ୟାରେ ଲୋକ ପ୍ରାଣ ହରାଇବେ ।

   Related Posts