Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିଜେଡିରେ ମିଶିବେ ପ୍ରଦୀପ ମାଝୀ, କହିଲେ ନବୀନଙ୍କ ହାତମୁଠା ଟାଣ କରିବି
  • ||
  • ଆଇଆଇଟି ଜମ୍ମୁର ନୂତନ ଗୃହ ଲୋକାର୍ପଣ କରିବେ ଗୃହମନ୍ତ୍ରୀ ଅମିତ ଶାହ, ଉପସ୍ଥିତ ରହିବେ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୪ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୪୭ କୋଭିଡ୍ ପଜିଟିଭ୍
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୧୫ ହଜାରରୁ ଅଧିକ କରୋନା ପଜିଟିଭ୍, ୫୬୧ ମୃତ
  • ||
  • ଚିଲିକାକୁ ଆସିଲେଣି ବିଦେଶୀ ପକ୍ଷୀ, ସୁରକ୍ଷା ପାଇଁ ବନ ବିଭାଗ ପ୍ରସ୍ତୁତ
  • ||
  • ଲକ୍ଷ୍ମୀପୁର ହିଂସାର ମୁଖ୍ୟ ଅଭିଯୁକ୍ତ ଆଶିଷ ମିଶ୍ରାଙ୍କୁ ଡେଙ୍ଗୁ, ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି
  • ||
  • କମୁଛି ତାପମାତ୍ରା, ଦାରିଙ୍ଗିବାଡିରେ ୧୧ ଡିଗ୍ରୀକୁ ଖସିଲା ପାରଦ
  • ||
  • ସୁପର ସଣ୍ଡେରେ ସୁପର ମୁକାବିଲା : ଟି୨୦ ବିଶ୍ୱକପରେ ଭାରତ-ପାକିସ୍ତାନ ହାଇଭୋଲଟେଜ୍ ଫାଇଟ୍
  • ||

କାୟା ମେଲାଉଛି କରୋନା : ଚାରି ହଜାର ଛୁଇଁଲା ମୃତ୍ୟୁସଂଖ୍ୟା, ଶତାଧିକ ଦେଶ ପ୍ରଭାବିତ

10/03/2020 at 2:51 PM

ବେଜିଂ ୧୦।୦୩: ଦିନକୁ ଦିନ କାୟା ବିସ୍ତାର କରିବାରେ ଲାଗିଛି କରୋନା । ଏହି ମାରାତ୍ମକ ଭାଇରସ ନେଲାଣି ୪ହଜାର ୨୯୪ ଜୀବନ । କରୋନାରେ ଏଯାବତ ୧ଲକ୍ଷ ୧୪ହଜାର ୩୦୧ ଜଣ ଆକ୍ରାନ୍ତ ହେଲେଣି । ଏହି ମାରାତ୍ମକ ଭାଇରସ ୧୧୩ଟି ଦେଶକୁ ବ୍ୟାପୀ ସାରିଲାଣି । ଚୀନ ପରେ ଏବେ ଇଟାଲିରେ ମଧ୍ୟ କରୋନା ଭାଇରସ ଆକ୍ରାନ୍ତଙ୍କ ସଂଖ୍ୟା ବଢିବା ସହ ସ୍ଥିତି ଅଣାୟତ୍ତ ହୋଇପଡ଼ିଛି । ଇଟାଲୀରେ ମୃତକଙ୍କ ସଂଖ୍ୟା ୪୬୩ ପହଞ୍ଚିଥିବା ବେଳେ ୯୦୦୦ରୁ ଅଧିକ ଜଣ ସଂକ୍ରମିତ ଅଛନ୍ତି ।

ଇରାନରେ କରୋନା ଭାଇରସରେ ପୁଣି ୪୯ ଜଣଙ୍କର ମୃତ୍ୟୁ ଘଟିଥିବା ସେଠାକାର ସ୍ବାସ୍ଥ୍ୟମନ୍ତ୍ରୀ କହିଛନ୍ତି। ଏହା ସହିତ ମୋଟ୍ ମୃତ୍ୟୁ ସଂଖ୍ୟା ୨୩୭ ଛୁଇଁଛି । ଇରାନରୁ ଇଉରୋପୀୟ ଦେଶକୁ ବିମାନ ଚଳାଚ ବନ୍ଦ କରିଦିଆଯାଇଛି।ଏପଟେ ଭାରତରେ ମୋଟ ଆକ୍ରାନ୍ତଙ୍କ ସଂଖ୍ୟା ୫୦ରୁ ଅଧିକ ପହଞ୍ଚିଛି । ଆମେରିକାରୁ ଫେରିଥିବା ବେଙ୍ଗାଳୁରୁର ଜଣେ ଛାତ୍ରଙ୍କ ଠାରେ କରୋନା ଭାଇରସ୍ ଚିହ୍ନଟ ହୋଇଛି । ସେହିପରି ଦିଲ୍ଲୀ, ୟୁପି, ଜମ୍ମୁ, ପଞ୍ଜାବ ଓ ପୁନେରେ ଦୁଇ ଜଣ କରୋନା ଭାଇରସ୍ ଦ୍ବାରା ଆକ୍ରାନ୍ତ ହୋଇଛନ୍ତି ।

ଜାମ୍ମୁ କାଶ୍ମୀରର ଜଣେ ୬୩ ବର୍ଷିୟା ମହିଳାଙ୍କ ଠାରେ କରୋନା ପଜିଟିଭ୍ ଚିହ୍ନଟ କରାଯାଇଥିବା ବେଳେ କେରଳରେ ଜଣେ ତିନିବର୍ଷର ଶିଶୁ କରୋନା ଆକ୍ରାନ୍ତ ହୋଇଥିବା ଜଣାପଡିଛି। କେରଳରେ ଏହି ତିନି ବର୍ଷର ଛୋଟ ଛୁଆଟି ପରିବାର ସହ ଇଟାଲି ଯାଇଥିଲା । ସେପଟେ ଦିନକୁ ଦିନ କରୋନା ଭାଇରସ୍ ଆକ୍ରାନ୍ତଙ୍କ ସଂଖ୍ୟା ବଢ଼ୁଥିବାରୁ ଏହା ମୁକାବିଲା ପାଇଁ କେନ୍ଦ୍ର ସରକାର ସବୁ ରାଜ୍ୟ ସରକାରଙ୍କୁ ରାପିଡ୍ ଆକ୍ସନ ଟିମ୍ ଗଠନ କରିବାକୁ ନିର୍ଦେଶ ଦେଇଛନ୍ତି । ଦେଶର ୩୦ଟି ଏୟାରପୋର୍ଟରେ ୮ଲକ୍ଷ ଲୋକଙ୍କର ସ୍କ୍ରିନିଂ କରାଯାଇଛି। ବର୍ତ୍ତମାନ ସୁଦ୍ଧା ୩ ହଜାର ଲୋକ ନିରୀକ୍ଷଣରେ ରହିଛନ୍ତି। ୧୪ଟି ଦେଶର ପର୍ଯ୍ୟଟକ ଭାରତ ଆସିବା ନେଇ କଟକଣା ଜାରି କରାଯାଇଛି ।

   Related Posts