ଢେଙ୍କାନାଳ, ୦୬।୦୯: ଢେଙ୍କାନାଳ ଜିଲ୍ଲା ହିନ୍ଦୋଳ ଉପଖଣ୍ଡର ସାପୁଆ ଡ୍ୟାମରେ ଏକ ଅଘଟଣ ଘଟିଛି । ଡ୍ୟାମରେ ବୁଡି ଜଣେ ଯୁବକ ପ୍ରାଣ ହରାଇଛନ୍ତି ।
ସୂଚନାନୁସାରେ, ଢେଙ୍କାନାଳ ସହର ଦକ୍ଷିଣକାଳୀ ଅଂଚଳର ୫ ସାଙ୍ଗ ସାପୁଆ ଡ୍ୟାମ୍କୁ ଭୋଜି କରିବାକୁ ଯାଇଥିଲେ । ଡ୍ୟାମରେ ପହଁଚିବା ପରେ ସେମାନେ ଗାଧୋଇଥିଲେ । ତେବେ ଗାଧୋଇବାବେଳେ ଜଣେ ବୁଡି ଯାଇଥିଲେ। ଖବର ପାଇ ରାସୋଳ ଦମକଳ ବାହିନୀ ଡ୍ୟାମରୁ ବୁଡିଯାଇଥିବା ଯୁବକଙ୍କ ମୃତଦେହକୁ ଉଦ୍ଧାର କରିଛି ।
ମୃତ ଯୁବକ ଜଣଙ୍କ ଢେଙ୍କାନାଳ ସହର ଦକ୍ଷିଣକାଳୀ ଅଂଚଳର ବିଶ୍ୱଜିତ ଦାସ ବୋଲି ଜଣାପଡିଛି । ରାସୋଳ ପୋଲିସ ପହଂଚି ମୃତଦେହ ଜବତ କରି ବ୍ୟବଛେଦ ପାଇଁ ପଠାଇଛି ।