ମୁମ୍ବାଇ, ୧୩।୦୪: ଆଇପିଏଲ-୨୦୨୧ର ଚତୁର୍ଥ ମ୍ୟାଚରେ ରାଜସ୍ଥାନ ରୟାଲ୍ସର ଅଧିନାୟକ ସଞ୍ଜୁ ସାମସନ୍ ଦମଦାର୍ ଇନିଂସ ଖେଳିଥିଲେ । ଓ୍ୱାଙ୍ଖଡେ ଷ୍ଟାଡିୟମରେ ପଞ୍ଜାବ କିଙ୍ଗସ୍ ବିପକ୍ଷରେ ସେ ୧୧୯ ରନ୍ କରିଥିଲେ । ଅଧିନାୟକ ଭାବେ ସାମସନଙ୍କର ଏହା ପ୍ରଥମ ମ୍ୟାଚ୍ ଥିଲା । ସେ ଅଧିନାୟକ ଭାବେ ପଦାର୍ପଣ ମ୍ୟାଚରେ ହିଁ ଶତକ ଲଗାଇ ଏକ ବଡ ରେକର୍ଡ ହାସଲ କରିଥିଲେ ।
ସେ ଆଇପିଏଲ ଇତିହାସରେ ଅଧିନାୟକ ଭାବେ ପଦାର୍ପଣ ମୁକାବିଲାରେ ଶତକ ହାସଲ କରିଥିବା ପ୍ରଥମ ଖେଳାଳି । ବିରାଟ କୋହଲି, ରୋହିତ ଶର୍ମାଙ୍କ ଭଳି ଖେଳାଳି ମଧ୍ୟ ଅଧିନାୟର ଭାବେ ପ୍ରଥମ ମ୍ୟାଚରେ ଶତକ ଲଗାଇ ନାହାଁନ୍ତି । ସଞ୍ଜୁ ୬୩ ବଲରୁ ୧୧୯ ରନ୍ର ଇନିଂସ ଖେଳିଥିଲେ । ଏଥିରେ ୧୨ଟି ଚୌକା ଓ ୭ଟି ଛକା ସାମିଲ ଥିଲା । ଏହା ସଞ୍ଜୁଙ୍କର ଆଇପିଏଲରେ ତୃତୀୟ ଶତକ । ଏହାପୂର୍ବରୁ ସେ ୨୦୧୭ରେ ପୁଣେ ଓ ୨୦୧୯ରେ ହାଇଦ୍ରାବାଦ ବିପକ୍ଷରେ ଶତକ ଲଗାଇଥିଲେ ।
wp:html/wp:htmlCaptain. ?#HallaBol | #RRvPBKS | @IamSanjuSamson pic.twitter.com/Jy3GE9odab
— Rajasthan Royals (@rajasthanroyals) April 12, 2021
ଏହାସହ ସଞ୍ଜୁ ଆଇପିଏଲରେ ଶତକ ଲଗାଇବାରେ କେବଳ ବିରାଟ କୋହଲିଙ୍କଠାରୁ ପଛରେ ରହିଯାଇଛନ୍ତି । କୋହଲି ୫ଟି ଶତକ ଲଗାଇଛନ୍ତି ।
ସୂଚନାଯୋଗ୍ୟ, ପଞ୍ଜାବ କିଙ୍ଗସ୍ ବିପକ୍ଷ ମୁକାବିଲାରେ କେଏଲ ରାହୁଲଙ୍କ ୯୧ ଓ ଦୀପକ ହୁଡ୍ଡାଙ୍କ ୬୪ ରନ୍ ବଳରେ ୨୦ ଓଭରରେ ୨୨୧ ରନ୍ କରିଥିଲା । କିନ୍ତୁ ରାଜସ୍ଥାନ ରୟାଲ୍ସ ପକ୍ଷରୁ ସଞ୍ଜୁ ସାମସନଙ୍କ ଦମଦାର୍ ଇନିଂସ ସତ୍ତ୍ୱେ ଦଳ ପରାସ୍ତ ହୋଇଥିଲା ।