Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନୂଆଦିଲ୍ଲୀ : ଦେଶ ପାଳୁଛି ୭୨ତମ ସାଧାରଣତନ୍ତ୍ର ଦିବସ
  • ||
  • ପଦ୍ମ ସମ୍ମାନ ଘୋଷଣା: ୩ଟି ବର୍ଗରେ ମୋଟ ୧୧୯ ଜଣ ପାଇବେ ସମ୍ମାନ
  • ||
  • ବଜେଟ୍‌ ଡେ’ରେ ପାର୍ଲାମେଣ୍ଟ ଚଲୋ: ଆନ୍ଦୋଳନକାରୀ କୃଷକ ଦେଲେ ଡାକରା
  • ||
  • ଚିନ୍ତା ବଢାଇଲେଣି କୁଲଡିହା ହାତୀପଲ, ନଷ୍ଟ କରୁଛନ୍ତି ବ୍ୟାପକ ଫସଲ
  • ||
  • ଭୁବନେଶ୍ବର : ଫେବୃଆରୀ ୧୪ରୁ ରାଜ୍ୟରେ ଦ୍ବିତୀୟ ପର୍ଯ୍ୟାୟ ଟିକାକରଣ
  • ||
  • ଅନୁଗୋଳ : ଜିଲ୍ଲାପାଳଙ୍କ ଅଫିସ୍ ଆଗରେ ମା’ ଓ ପୁଅଙ୍କ ଆତ୍ମାହୁତି ଉଦ୍ୟମ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୦ କୋଭିଡ୍ ସଂକ୍ରମିତ, ୩୩୪୪୩୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ବ୍ରହ୍ମପୁର : ଟ୍ରାକ୍ଟର ସହ ବାଇକ୍ ଧକ୍କା, ଜଣେ ମୃତ, ୨ ଶ୍ରମିକ ଗୁରୁତର
  • ||
  • ଆନନ୍ଦପୁର : ଧାନ ଡୋଲି ଓଲଟିପଡି ସ୍ତ୍ରୀ ମୃତ, ସ୍ବାମୀ ଗୁରୁତର
  • ||

ବ୍ରହ୍ମଗିରିରେ ହାରିଲେ ସଞ୍ଜୟ ଦାସବର୍ମା, କଟକ-ବାରବାଟୀରୁ ହାରିଲେ ଦେବାଶିଷ ସାମନ୍ତରାୟ

23/05/2019 at 10:02 PM

ଭୁବନେଶ୍ବର୨୩|୫: ସାଧାରଣ ନିର୍ବାଚନ ଫଳାଫଳ ରାଜ୍ୟରେ ବିଜେଡି ସପକ୍ଷରେ ଯାଇଛି । ବିଧାନସଭାରେ ବିଜେଡି ପ୍ରାର୍ଥୀମାନଙ୍କର ବିଜୟ ଅଭିଯାନ ଜାରି ରହିଛି । ତେବେ ବିଜେଡିକୁ  କିଛି ହେଭିଓ୍ବେଟଙ୍କୁ ହରାଇବାକୁ ପଡିଛି । ଏଥିରେ ବ୍ରହ୍ମଗିରି ବିଧାନସଭା ନିର୍ବାଚନ ମଣ୍ଡଳିରେ ବିଜେଡିର ଦମଦାର ନେତା ତଥା ପୂର୍ବତନ ମନ୍ତ୍ରୀ ସଞ୍ଜୟ ଦାସବର୍ମା ତାଙ୍କ ନିକଟତମ ପ୍ରତିଦ୍ବନ୍ଦ୍ବୀ ବିଜେପିର ଲଳିତେନ୍ଦୁ ବିଦ୍ୟାଧରମହାପାତ୍ରଙ୍କଠାରୁ ପରାସ୍ତ ହୋଇଛନ୍ତି। ସ୍ବର୍ଗତ କଂଗ୍ରେସ ନେତା ଲଲାଟେନ୍ଦୁ ବିଦ୍ୟାଧର ମହାପାତ୍ରଙ୍କ ଭାଇ ହେଉଛନ୍ତି ଲଳିତେନ୍ଦୁ। ସଞ୍ଜୟଙ୍କୁ ୮୫ ହଜାର ୩୬୦ଖଣ୍ଡ  ଭୋଟ ମିଳିଥିବା ବେଳେ ଲଳିତେନ୍ଦୁଙ୍କୁ ମିଳିଛି ୮୭ହଜାର ୯୯୩ଟି ଭୋଟ। ମାତ୍ର ୨ହଜାର ୫୭୩ ଭୋଟ ବ୍ୟବଧାନରେ ହାରିଛନ୍ତି ସଞ୍ଜୟ।

କେବଳ ସଞ୍ଜୟ ନୁହଁନ୍ତି କଟକ-ବାରବାଟୀରେ ବିଜେଡି ପ୍ରାର୍ଥୀ ଦେବାଶିଷ ସାମନ୍ତରାୟ ତାଙ୍କ ନିକଟତମ କଂଗ୍ରେସ ପ୍ରତିଦ୍ବନ୍ଦ୍ବୀ ମହମ୍ମଦ ମୁକିମଙ୍କ ନିକଟରୁ ପରାସ୍ତ ହୋଇଛନ୍ତି।  ମହମ୍ମଦ ମୁକିମଙ୍କୁ୪୯ହଜାର ୭୩୬ଟି ଭୋଟ ମିଳିଥିବା ବେଳେ ବିଜେଡି ପ୍ରାର୍ଥୀ ଦେବାଶିଷ ସାମନ୍ତରାୟ ୪୬ ହଜାର ୬ଟି ଭୋଟ ପାଇଛନ୍ତି। ମାତ୍ର ୩ହଜାର ୭୩୦ଟି ଭୋଟ ବ୍ୟବଧାନରେ କଟକ-ବାରବାଟୀ ହରାଇଛନ୍ତି ଦେବାଶିଷ।ଏଠାରେ ବରିଷ୍ଠ ବିଜେପି ନେତା ସମୀର ଦେ ପ୍ରତିଦ୍ବନ୍ଦ୍ବୀତା କରୁଥିଲେ। ତେବେ ତାଙ୍କୁ ମିଳିଛି ମାତ୍ର ୩୩ହଜାର ୩୯୭ଟି ଭୋଟ।

   Related Posts