Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପଞ୍ଜାବର ବିଜୟ ଅଭିଯାନ ଜାରି, ୮ ଓ୍ୱିକେଟରେ ହାରିଲା କୋଲକାତା ନାଇଟ ରାଇଡର୍ସ
  • ||

‘ଆଲ୍ଲା ଆମ କଥା ବୁଝିବେ’… ଏମିତି କହି ମସଜିଦରେ ସାନିଟାଇଜର ବିରୋଧରେ ଫତଓ୍ୱା ଜାରି କଲେ ମୌଲାନା

11/06/2020 at 8:06 PM

ଲକ୍ଷ୍ନୌ, ୧୧|୦୬: ଉତ୍ତର ପ୍ରଦେଶର ବରେଲୀ ଦରଗାହ ଆଲା ହଜରତର ମୌଲାନା ମସଜିଦରେ ସାନିଟାଇଜର୍ ବ୍ୟବହାର ବିରୋଧରେ ଫତଓ୍ୱା ଜାରି କରିଛନ୍ତି । ସାନିଟାଇଜରରେ ଆଲକହଲ ରହିଛି ତେଣୁ ଏହାର ବ୍ୟବହାର ଇସଲାମ ବିରୋଧି ବୋଲି ସେ କହିଛନ୍ତି ।

ଦରଗାହ ଆଲା ହଜରତର ଏକ ପ୍ରେସ ବିବୃତିରେ କୁହାଯାଇଛି ଯେ, ଆଲ୍ଲା ଆମ କଥା ବୁଝିବେ । ଆଲକହଲରେ ନିର୍ମିତ ସାନିଟାଇଜର ମୁସଲମାନଙ୍କ ପାଇଁ ଠିକ ନୁହେଁ। ଏହା ମସଜିଦକୁ ଅପବିତ୍ର କରିବ ।ଏପରି ହେଲେ ଆଉ ନମାଜ ପାଠ କରାଯାଇ ପାରିବ ନାହିଁ। ଏହା ବଦଳରେ ସାବୁନ ବ୍ୟବହାର କରିହେବ ।

ଏହି ଫତଓ୍ୱାକୁ ନେଇ ଅଲ ଇଣ୍ଡିଆ ତଞ୍ଜୀମ ଉଲମା-ଏ-ଇସଲାମର ସାଧାରଣ ସମ୍ପାଦକ କହିଛନ୍ତି ଯେ, ମସଜିଦକୁ ସଫାସୁତୁରା ରଖିବା ଜରୁରୀ । ହୁକୁମତ ସଫାସୁତୁରାକୁ ନେଇ ଗାଇଡଲାଇନ୍ ଜାରି କରିଛି । ଏଥିରେ ଆଲକହଲ ଯୁକ୍ତ ସାନିଟାଇଜର ବ୍ୟବହାର କରିବାକୁ କୁହାଯାଇଛି । ଏହାସହ ମସଜିଦରେ ନମାଜ ପାଇଁ ଆସନ ନିଜେ ଧରି ଆସିବାକୁ କୁହାଯାଇଛି ।

ସୂଚନାଯୋଗ୍ୟ, ଲୋକଙ୍କ ଜୀବନ ବଞ୍ଚାଇବାକୁ ତଥା କରୋନା ମୁକାବିଲା ପାଇଁ ସରକାର ଓ ବୈଜ୍ଞାନିକମାନେ କରୋନା ଭାଇରସକୁ ମାରିବା ପାଇଁ ଆଲକହଲ ଯୁକ୍ତ ସାନିଟାଇଜର ବ୍ୟବହାର ପାଇଁ ପରାମର୍ଶ ଦେଉଛନ୍ତି । କିନ୍ତୁ ମୌଲାନା ଏହାକୁ ଧର୍ମବିରୋଧି ବୋଲି କହୁଛନ୍ତି ।

   Related Posts