ଖଲ୍ଲିକୋଟ,୦୧/୦୬: ଗଞ୍ଜାମ ଜିଲ୍ଲା ଋଷିକୁଲ୍ୟା ନଦୀ ଘାଟରୁ ବେଆଇନ ଭାବେ ବାଲି ଚାଲଣ ହେଉଥିବା ଜିଲ୍ଲାପାଳଙ୍କ ଚଢଉ । ଜବତ ହେଲା ୩୦ଟି ବାଲି ବୋଝେଇ ଟ୍ରକ୍ ।
ସୂଚନା ଅନୁସାରେ, ଋଷିକୁଲ୍ୟା ନଦୀ ଘାଟରୁ ଅନେକ ସମୟରେ ବେଆଇନ ଭାବେ ବାଲି ଚୋରାଚାଲାଣ ନେଇ ଅଭିଯୋଗ ଆସୁଛି । କୌଣସି ସୂତ୍ରରୁ ଖବର ପାଇ ଗଞ୍ଜାମ ଜିଲ୍ଲାପାଳ ବିଜୟ ଅମୃତ କୁଲାଙ୍ଗେ ନିଜେ ସୋମବାର ରାତିରେ ଘାଟରେ ଚଢଉ କରିଥିଲେ । ଏହାସହ ୩୦ଟି ବାଲି ବୋଝେଇ ଟ୍ରକକୁ ଜବତ କରିଛନ୍ତି । ୩୦ଟି ଗାଡିରୁ ୬ଟି ଗାଡି ଆନ୍ଧ୍ରପ୍ରଦେଶର ବୋଲି ଜଣାପଡିଛି ।
ସୂଚନାଯୋଗ୍ୟ, ଗଞ୍ଜାମ ଜିଲ୍ଲାରୁ ଦୈନିକ ଆନ୍ଧ୍ରକୁ ବାଲି ଚାଲାଣ ହେଉଥିବା ଅଭିଯୋଗ ଆସୁଥିଲା । ଏହା ପରେ ନିଜେ ରାତ୍ରରେ ହୁମା ନିକଟରେ ଚଢ଼ଉ କରିଥିଲେ ।
