Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଜରୁରୀକାଳିନ ପରିସ୍ଥିତି ଘୋଷଣା କଲେ ଗଭର୍ଣ୍ଣର : କରୋନା ସଂକ୍ରମଣ ବଢିବା ପରେ କଟକଣା କଡାକଡି
  • ||
  • ୧୮ କେଜିର ବଜ୍ରକାପ୍ତା ଉଦ୍ଧାର, ଡିଲ୍ ବେଳେ ଧରିଲା ବନ ବିଭାଗ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୪୬୫ ମୃତ
  • ||
  • ଫସଲ ନଷ୍ଟ କରି ଫେରିଗଲେ ଝାଡଖଣ୍ଡୀ ହାତୀପଲ, କ୍ଷତିପୂରଣ ଦାବି କଲେ ଚାଷୀ
  • ||
  • ଫସଲ ନଷ୍ଟ କରି ଫେରିଗଲେ ଝାଡଖଣ୍ଡୀ ହାତୀପଲ, କ୍ଷତିପୂରଣ ଦାବି କଲେ ଚାଷୀ
  • ||
  • ଓଡିଶା ଉପକୂଳରେ ମାଡ ହେବ ବାତ୍ୟା ! ଡିସେମ୍ବର ୩ରୁ ୬ ଯାଏଁ ପ୍ରବଳ ବର୍ଷା
  • ||
  • ଟାଙ୍ଗୀ : ତାରିଣୀ ଦର୍ଶନ ସାରି ଫେରୁଥିଲେ, ଅଧାରାସ୍ତାରେ ଧକ୍କା ଦେଲା ଟ୍ରକ, ଚାଲିଗଲା ୩ ଜୀବନ
  • ||
  • ବିଏସକେଓ୍ୱାଇରେ ଯୋଡିହେବ କୋରାପୁଟ, ଭର୍ଚୁଆଲ ମାଧ୍ୟମରେ ସ୍ମାର୍ଟ କାର୍ଡ ବଣ୍ଟନ କରିବେ ମୁଖ୍ୟମନ୍ତ୍ରୀ
  • ||
  • ବିଏସକେଓ୍ୱାଇରେ ଯୋଡିହେବ କୋରାପୁଟ, ଭର୍ଚୁଆଲ ମାଧ୍ୟମରେ କାର୍ଡ ବଣ୍ଟନ କରିବେ ମୁଖ୍ୟମନ୍ତ୍ରୀ
  • ||

ଭାକସିନ୍ ପାଇଁ ‘ବାଲି’ ଅଡୁଆ : ସାରା ବିଶ୍ୱରେ ବାଲି ଅଭାବ ପାଇଁ ବାଧାପ୍ରାପ୍ତ ହେବ କାଚର ଭାକସିନ୍ ଭାଏଲ ତିଆରି

7/03/2021 at 10:16 AM

ନୂଆଦିଲ୍ଲୀ,୦୭/୦୩:  ବିଶ୍ୱରେ ଦେଖେଦେଉଚି ବାଲିର ଭୟଙ୍କର ଅଭାବ। ଜଳ ପରେ ବାଲି ହିଁ ବିଶ୍ୱରେ ବ୍ୟବହାର ହେଉଥିବା ଦ୍ୱିତୀୟ ପଦାର୍ଥ । ଏବେ କିନ୍ତୁ ବାଲିର ଅଭାବ ପରିଲକ୍ଷିତ ହୋଇଛି । ଏପରିକି ଆମେରିକାରେ ମାତ୍ର ୧୦୦୦ରୁ କମ୍ ଖଣି ବାକି ରହିଛି । ଯାହାକୁ ନେଇ ବିଶେଷଜ୍ଞମାନେ ଚିନ୍ତା ପ୍ରକଟ କରିଛନ୍ତି ।

ପ୍ରାୟ ୫୦ ବିଲିୟନ ଟନ୍ ବାଲି ପ୍ରତିବର୍ଷ ଘର ତିଆରିରେ ବ୍ୟବହାର ହୁଏ । ଏବେ ଏହା ଆହୁରି ହ୍ରାସ ପାଇବ । କାରଣ କରୋନା ଭାକସିନ୍ ରଖିବା ପାଇଁ ଯେଉଁ କାଲ ଭାଏଲର ଆବଶ୍ୟକ ତାହା ବାଲିରୁ ପ୍ରସ୍ତୁତ ହୁଏ । ୨୦୨୧ସୁଦ୍ଧା ୨ ବିଲିୟନ ଭାଏଲସ୍ ଦରକାର । ଏହି ସଂଖ୍ୟା ଆହୁରି ବଢିପାରେ। କାରଣ ବିଶ୍ୱରେ ଜନସଂଖ୍ୟା ହୁହୁ ହୋଇ ବଢିବାରେ ଲାଗିଛି ।

କାଚର ଆବଶ୍ୟକତା ମୋବାଇଲ ଫୋନଠାରୁ ଆରମ୍ଭ କରି ଘର ତିଆରି ପର୍ଯ୍ୟନ୍ତ ରହିଛି । ଏହି କାଚ ପ୍ରସ୍ତୁତ ପାଇଁ ବାଲିର ଆବଶ୍ୟକତା ରହିଥାଏ । ବାଲି ବା ସିଲିକାରୁ କାଚ ତିଆରି ହୁଏ । ପାଣିପାଗବିତ ପାସକାଲ୍ ପେଦୁଚି କହିଛନ୍ତି ଯେ, ବାଲି ସବୁ ସ୍ଥାନରେ ରହିଥିବା ସମସ୍ତଙ୍କୁ ଲାଗୁଛି । କିନ୍ତୁ ଏହା ଥିରେଧିରେ ସରିବାକୁ ଲାଗିଲାଣି । ଆଉ କିଛି ବର୍ଷ ପରେ ବାଲିର ଗୋର ସଙ୍କଟ ଦେଖାଦେବ । କାରଣ ଆମେ ଭବିଷ୍ୟତ କଥା ଚିନ୍ତା କରୁନାହୁଁ । ବାଲି ଯୋଗାଣ ଓ ଜମିକୁ ନେଇ ବିଭିନ୍ନ ଯୋଜନାରେ ସମସ୍ୟା ଅଛି ।

ଆହୁରି ମଧ୍ୟ କୁହାଯାଉଛି ଯେ, ବିଶ୍ୱରେ ଗତ ୨୦ ବର୍ଷରେ ବାଲିର ବ୍ୟବହାର ୩୦୦ ପ୍ରତିଶତ ବୃଦ୍ଧି ପାଇଛି । ଯାହା ୨ ବର୍ଷରେ ଅଧିକାଂଶ ନଦୀକୁ ପୋତି ପକାଇବ । ମରୁଭୂମିରେ ମିଳୁଥିବା ବାଲି ବହୁତ ହାଲୁକା । ଏହାକୁ ଘର ନିର୍ମାଣରେ ବ୍ୟବହାର କରାଯାଇ ପାରିବ ନାହିଁ । ଗବେଷକଙ୍କ କହିବାନୁସାରେ, ବାଲିର ବିକଳ୍ପ ବାବଦରେ ଏବେଠାରୁ ଚିନ୍ତା କରିବା ଆବଶ୍ୟକ । ପାଉଁଶ, କୃଷି ଉତ୍ପାଦର ବର୍ଜ୍ୟବସ୍ତୁ ଆଦି ବିକଳ୍ପ ଭାବେ ଉଭା ହୋଇପାରିବ ।

ସୁସନ୍ ବର୍ଣ୍ଣେଲ୍ କହିଛନ୍ତି ଯେ, ନିର୍ମାଣକାରୀ ସଂସ୍ଥା ମାନେ କେବେବି ବାଲିର ବିକଳ୍ପ ବ୍ୟବହାର କରିବେ ନାହିଁ । କାରଣ ସିମେଣ୍ଟ ପାଇଁ ବାଲି ଆବଶ୍ୟକ । ଏହା ଦ୍ୱାରା ଘର ମଜବୁତ ହେବା ସହ ଘରେ ରହୁଥିବା ଲୋକଙ୍କ ଜୀବନ ପ୍ରତି ବିପଦ ନଥାଏ । ଫାଇଭ୍ ଥାର୍ଟିଏଇଟ୍. କମର ରିପୋର୍ଟ ଅନୁସାରେ, କାଚ ନିର୍ମାଣ ପାଇଁ ମୁଖ୍ୟ ଆବଶ୍ୟକତା ହେଉଛି ବାଲି । କରୋନା ମହାମାରୀ ବେଳେ କାଚର ଅଭାବ ଦେଖିବାକୁ ମିଳିଛି । କାଚ ଭାଏଲରେ ଭାକସିନ୍ ରଖାଯାଏ । ଆଗାମୀ ୨ ବର୍ଷରେ ବିଶ୍ୱକୁ ପ୍ରାୟ ୨ ବିଲିୟନ ଭାଏଲଲ୍ସ ଦରକାର । ଜନସନ୍ ଆଣ୍ଡ ଜନସନ୍ ଏବେସୁଦ୍ଧା ୨୫୦ ମିଲିୟନ ଗ୍ଲାସ ଭାଇଆଲ୍ସ ତିଆରି କରି ସାରିଛି । ପରେ ଆଉ ୨୦୦ ମିଲିୟନ ଭାଏଲଲ୍ସ କମ୍ପାନୀ ତିଆରି କରିବ ।

କମ୍ପାନୀର ମୁଖ୍ୟଙ୍କ କହିବାନୁସାରେ, ବିଶ୍ୱ ମହାମାରୀ ବେଳେ ସମସ୍ତ ଏକଜୁଟ ହୋଇ କାମ କରୁଛନ୍ତି । ସେମାନେ ଭାଏଲର ଆବଶ୍ୟକତା ପୂରଣ କରିବା ପାଇଁ ଅନେକ କମ୍ପାନୀ ସହ ମିଳିତ ଭାବେ କାର୍ଯ୍ୟ କରୁଥିବା ସେ କହିଛନ୍ତି ।

   Related Posts