କଣ୍ଟାବାଞ୍ଜି, ୦୯/୧୦: କେନାଲରେ ବୁଡି ଯୁବକଙ୍କ ମୃତ୍ୟୁ । ଏପରି ଏକ ଅଭାବନୀୟ ଘଟଣା ଘଟିଛି ବଲାଙ୍ଗୀର ଜିଲ୍ଲା ବଙ୍ଗୋମୁଣ୍ଡା ଥାନା ଜୁରାବନ୍ଧ ଗାଁରେ। ମୃତକ ହେଉଛନ୍ତି ଜୁରାବନ୍ଧ ଗାଁର ପୂର୍ବତନ ସମିତି ସଭ୍ୟ ନୀଳମଣି ବାଗ ।
ଗାଧୋଇବା ବେଳେ କେନାଲ ପାଣିରେ ବୁଡି ନୀଳମଣିଙ୍କ ମୃତ୍ୟୁ ଘଟିଛି । ସେ କେନାଲରେ ଗାଧୋଉଥିବା ସମୟରେ ଅସାବଧାନତା ଯୋଗୁଁ ପାଣିରେ ପଡିଯାଇଥିଲେ । ବୁଡି ଭାସି ଯାଉଥିବା ସମୟରେ ଗାଁ ଲୋକେ ତାଙ୍କୁ ଉଦ୍ଧାର କରିବାକୁ ଯାଇଥିଲେ । ପାଣିରୁ ତାଙ୍କୁ ଉଦ୍ଧାର କରାଯାଇଥିଲେ ହେଁ ସେତେବେଳକୁ ତାଙ୍କର ମୃତ୍ୟୁ ହୋଇ ସାରିଥିଲା । ବଙ୍ଗୋମୁଣ୍ଡା ପୋଲିସ ଘଟଣା ସ୍ଥଳକୁ ପହଁଚି ତଦନ୍ତ ଆରମ୍ଭ କରିଛି । ନୀଳମଣିଙ୍କ ମୃତ୍ୟୁ ପରେ ଗାଁରେ ଶୋକର ଛାୟା ଖେଳି ଯାଇଛି ।
