Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବାତ୍ୟା ‘ଜଓ୍ଵାଦ’ ପ୍ରଭାବ: ଆସନ୍ତାକାଲି ୧୯ ଜିଲ୍ଲାରେ ସ୍କୁଲ ଛୁଟି
  • ||
  • ରାଜଧାନୀ ଦିଲ୍ଲୀରେ ‘ଓମିକ୍ରନ’ ଆତଙ୍କ ! ବିଦେଶ ଫେରନ୍ତା ୧୨ ରୋଗୀ LNJPରେ ଭର୍ତ୍ତି
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୯ ହଜାରରୁ ଅଧିକ କରୋନା ପଜିଟିଭ୍, ୩୯୧ ମୃତ
  • ||
  • ଓ୍ୱାଙ୍ଖଡେ ଟେଷ୍ଟରେ ମୁହାଁମୁହିଁ ହେବେ ଭାରତ ଓ ନ୍ୟୁଜିଲାଣ୍ଡ : ଫେରିଲେ ବିରାଟ, ଦେଖିବାକୁ ମିଳିବ ରୋମାଞ୍ଚକର ଫାଇଟ୍
  • ||
  • ପାଟଣା ରେଞ୍ଜରେ ହାତୀ ଆତଙ୍କ, ନଷ୍ଟ କରୁଛନ୍ତି ପାଚିଲା ଧାନ
  • ||
  • ଓଡିଶାରେ ବିରଳ ଘଟଣା : ଯୁବକଙ୍କ ପେଟରୁ ବାହାରିଲା ଭ୍ରୂଣ, ୫ ଘଣ୍ଟାର ଅପରେସନ ପରେ ବାହାର କଲେ ଡାକ୍ତର
  • ||
  • ଚିନ୍ତା ବଢାଇଲା ଓମିକ୍ରନ, ଦକ୍ଷିଣ ଆଫ୍ରିକାରେ ଲକଡାଉନ୍: ଭାରତରେ ମଧ୍ୟ ସ୍ଥିତି ସାଂଘାତିକ
  • ||
  • ଓଡିଶାରେ ଘସି ହୋଇଯିବ ଜଓ୍ୱାଦ ! ଉପକୂଳରେ ପ୍ରବଳ ବର୍ଷା, ୯୦ କିମି ବେଗରେ ବହିବ ପବନ
  • ||
  • ଚୋରା କାରବାରରେ ନାବାଳକ : ନବମ ଶ୍ରେଣୀ ଛାତ୍ରଙ୍କ ବ୍ୟାଗରୁ ମିଳିଲା ୨ କେଜି ଅଫିମ
  • ||

ଏନସିବି ଅଧିକାରୀ ସମୀର ଓ୍ୱାଙ୍ଖେଡେଙ୍କ ସ୍ତ୍ରୀଙ୍କ ନାଁରେ ଅତିରଞ୍ଜିତ ଖବର, ଟ୍ୱିଟରରେ ଓ୍ୱେବସାଇଟ ଉପରେ ବର୍ଷିଲେ କ୍ରାନ୍ତି

24/10/2021 at 12:01 PM

ମୁମ୍ବାଇ, ୨୪/୧୦:  ଏନସିବି ଅଧିକାରୀ ସମୀର ଓ୍ୱାଙ୍ଖେଡେ କିଙ୍ଗ ଖାନଙ୍କ ପୁଅ ଆର୍ଯ୍ୟନଙ୍କୁ ଗିରଫ କରିବା ପରେ ଚର୍ଚ୍ଚାର ପରିଧିକୁ ଆସିଛନ୍ତି । ସେବେଠାରୁ ସମୀରଙ୍କୁ ନେଇ ଆଲୋଚନା ଜାରି ରହିଛି । ମହାରାଷ୍ଟ୍ର ସରକାରଙ୍କ ମନ୍ତ୍ରୀ ନବାବ ମଲିକଙ୍କ ଦ୍ୱାରା ଏନସିବି ଅଧିକାରୀଙ୍କୁ ସମାଲୋଚନା କରିବା ପରେ ଏବେ ବଲିଉଡର କିଛି ଓ୍ୱେବସାଇଟ୍ ତାଙ୍କ ପରିବାର ପଛରେ ପଡିଛନ୍ତି ।

ବଲିଉଡର ଓ୍ୱେବସାଇଟ୍ କୋଇମୋଇ ସମୀରଙ୍କ ପତ୍ନୀ କ୍ରାନ୍ତି ରେଡକର ଓ୍ୱାଙ୍ଖେଡେ ଛବି ଖରାପ କରିବାକୁ ଚେଷ୍ଟା କରିଛନ୍ତି । ତେବେ ଟ୍ୱିଟରରେ ସଂପୃକ୍ତ ଓ୍ୱେବସାଇଟକୁ ମିଛ ଖବର ପାଇଁ ସମାଲୋଚନା କରିଛନ୍ତି କ୍ରାନ୍ତି ।

ସୂଚନାନୁସାରେ, କୋଇମୋଇ ଏକ ଖବର ପ୍ରକାଶ କରିଥିଲା । ଯେଉଁଥିରେ କ୍ରାନ୍ତି ଅଜୟ ଦେବଗନଙ୍କ ସହ କାମ କରିଥିବା ଓ ଆଇପିଏଲ ଫିକ୍ସିଂ ମାମଲାରେ ସଂପୃକ୍ତି ଥିବା ଶିରୋନାମା ରହିଥିଲା । ଏହାର ଜବବା ଦେଇଛନ୍ତି କ୍ରାନ୍ତି । କ୍ରାନ୍ତି କହିଛନ୍ତି ଯେ, ସେ ପୁରା ଖବର ପଢିଛନ୍ତି । କେବଳ ନ୍ୟୁଜ ପାଇଁ ଏପରି ଶିରୋନାମା କାହିଁକି ଦିଆଯାଇଛି ବୋଲି ସେ ପ୍ରଶ୍ନ କରିଛନ୍ତି । ଏପରି କରି ସେମାନେ ତାଙ୍କର ଓ ତାଙ୍କ ସ୍ୱାମୀ ସମୀରଙ୍କ ଛବି ଖରାପ ପାଇଁ ଚାହୁଁଛନ୍ତି ବୋଲି ସେ ଉଲ୍ଲେଖ କରିଛନ୍ତି ।

କ୍ରାନ୍ତି ଆହୁରି ଟ୍ୱିଟ୍ କରି କହିଛନ୍ତି ଯେ, ସମସ୍ତେ କୋଇମୋଇର ରିପୋର୍ଟ ପଢନ୍ତି ନାହିଁ । ଅଧା ପଢି ତାଙ୍କୁ ଅନେକ ଟ୍ରୋଲ କରୁଛନ୍ତି । ସେ ଭାବନା ସବ ବାସ୍ତବିକତାରେ ବଞ୍ଚୁଥିବା ମଣିଷ ଅଟନ୍ତି, ଉପଭୋଗ କଲା ଭଳି ବସ୍ତୁ ନୁହେଁ । ଯଦି ସେ ଦୋଷୀ ହୋଇଥାନ୍ତେ ତେବେ ସବୁ ସହିଥାନ୍ତେ କିନ୍ତୁ ସେ ନିର୍ଦ୍ଦୋଷ ତେଣୁ ସହିପାରିବେ ନାହିଁ ବୋଲି କହିଛନ୍ତି ।

ସୂଚନାଯୋଗ୍ୟ, କୋଇମୋଇ ରିପୋର୍ଟରେ ଲେଖିଥିଲା ଯେ, କ୍ରାନ୍ତି ଆଇପିଏଲ ସ୍ପଟ ଫିକ୍ସିଂ ବିବାଦରେ ଛନ୍ଦି ହୋଇଥିଲେ । ଏହା ୨୦୧୩ର ଘଟଣା । ସେତେବେଳେ ଶ୍ରୀସନ୍ଥ ବି ସ୍କାନରକୁ ଆସିଥିଲେ ।ପରେ କ୍ରାନ୍ତିଙ୍କ ନାଁ ଭୁଲ ଭାବେ ବିବାଦକୁ ଆସିଥିବା ଜଣା ପଡିଥିଲା । କିନ୍ତୁ ଖବରରେ କ୍ରାନ୍ତି ଦୋଷୀ ଭଳି ଚିତ୍ରଣ କରାଯାଇଥିଲା ।

   Related Posts