Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗତ ୨୪ ଘଣ୍ଟାରେ କରୋନାରୁ ଆରୋଗ୍ୟ ହେଲେ ୨୦୧୦ ସଂକ୍ରମିତ
  • ||
  • ମୋଦୀ ସରକାରଙ୍କ ବଡ ନିଷ୍ପତ୍ତି: ଜାମ୍ମୁ-କାଶ୍ମୀରରେ ଯେ କେହି ବି ଜାଗା କିଣି ପାରିବେ, ବିଜ୍ଞପ୍ତି ଜାରି କଲା ଗୃହ ମନ୍ତ୍ରଣାଳୟ
  • ||
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ, ୧୨୭୨ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ୧୨୪୭ କରୋନା ସଂକ୍ରମିତ, ୨୮୩୯୪୨ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଢେଙ୍କାନାଳ : କେନାଲରୁ ମୃତଦେହ ଉଦ୍ଧାର, ଶୌଚ ହେବାକୁ ଯାଇ ବୁଡିଯାଇଥିବା ସନ୍ଦେହ
  • ||
  • ଢେଙ୍କାନାଳ : ସ୍ତ୍ରୀର ଚରିତ୍ରକୁ ସନ୍ଦେହ କରି ଠେଙ୍ଗାରେ ପିଟି ପିଟି ମାରିଦେଲା, ଅଭିଯୁକ୍ତ ସ୍ବାମୀ ଫେରାର
  • ||
  • ଅନୁଗୋଳ : ଶ୍ରମିକଙ୍କ ସନ୍ଦେହଜନକ ମୃତ୍ୟୁ, ବିଷାକ୍ତ ମଦ ପିଇ ମୃତ୍ୟୁ ଅଭିଯୋଗ
  • ||
  • କଳାହାଣ୍ଡି : ଯୁବକଙ୍କ କ୍ଷତ ବିକ୍ଷତ ମୃତଦେହ ଉଦ୍ଧାର, ହତ୍ୟା ଅଭିଯୋଗ ଆଣିଲେ ପରିବାର ଲୋକ
  • ||
  • ଜଲାପୁଟ ଜଳ ଭଣ୍ଡାରରେ ମାଛଧରା ଡଙ୍ଗା ବୁଡି ୩ ନିଖୋଜ, ଉଦ୍ଧାର କାର୍ଯ୍ୟ ଜାରି
  • ||
  • ପାକିସ୍ତାନ : ପେଶାଓ୍ୱାରରେ ବୋମା ବିସ୍ଫୋରଣରେ ୭ ମୃତ, ୫୫ ଆହତ
  • ||

ଦାମ ଖୁସୀ ହେବେ ନା ଦୁଃଖ କରିବେ ? ନିଜେ ହାରିଲେ, କିନ୍ତୁ ପୁଅ ଜିତିଲା

24/05/2019 at 3:41 PM

ଭୁବନେଶ୍ବର ୨୪।୫: ବିଜେଡି ଛାଡି ବିଜେପିରେ ଯୋଗ ଦେଇଥିବା ଡାକ୍ତର ଦାମୋଦର ରାଉତଙ୍କ ପାଇଁ ମହଙ୍ଗା ସାବ୍ୟସ୍ତ ହୋଇଛି । ବାଲିକୁଦା-ଏରସମା ନିର୍ବାଚନ ମଣ୍ଡଳୀରୁ ଚଳିତ ଥର ନିର୍ବାଚନ ହାରିଛନ୍ତି ଦାମ । ବିଜେଡି ପ୍ରାର୍ଥୀ ରଘୁନନ୍ଦନ ଦାସ ଦାମଙ୍କୁ ପରାସ୍ତ କରି ବିଜୟୀ ହୋଇଛନ୍ତି । ବାଲିକୁଦା-ଏରସମା ନିର୍ବାଚନ ମଣ୍ଡଳିରୁ ବରିଷ୍ଠ ବିଜେପି ନେତା ଦାମୋଦର ରାଉତ ୩୭୬୧୧ ଖଣ୍ଡ ଭୋଟ୍ ପାଇଥିବା ବେଳେ ବିଜେଡି ପ୍ରାର୍ଥୀ ରଘୁନନ୍ଦନ ଦାସ ୧୦୩୮୧୪ଖଣ୍ଡ ଭୋଟ୍ ପାଇ ବିଜୟୀ ହୋଇଥିଲେ ।ଅର୍ଥାତ ଦାମଙ୍କୁ ରଘୁନନ୍ଦନ ୬୬ହଜାର୨୦୩ ଖଣ୍ଡ ଭୋଟରେ ପରାସ୍ତ କରିଛନ୍ତି । ଏତେବଡ ବ୍ୟବଧାନରେ ଦାମ ପରାସ୍ତ ହେବା ତାଙ୍କ ବ୍ୟକ୍ତିଗତ ଭାବନୂର୍ତ୍ତି ଓ ଜନସମ୍ପର୍କ ନେଇ ପ୍ରଶ୍ନବାଚୀ ସୃଷ୍ଟି କରୁଛି ।  ଏଠାରେ କଂଗ୍ରେସ ଲଲାଟେନ୍ଦୁ ମହାପାତ୍ରଙ୍କୁ ପ୍ରାର୍ଥୀ କରିଥିଲା ।

ବାଲିକୁଦା-ଏରସମାରୁ ଦାମ ରାଉତଙ୍କୁ ଜନତା ପ୍ରତ୍ୟାଖ୍ୟାନ କରିଥିବାବେଳେ ପାରାଦୀପରୁ ବିଧାୟକ ପ୍ରାର୍ଥୀ ହୋଇଥିବା ସମ୍ବିତଙ୍କୁ ଜନତା ବିଧାନସଭା ପଠାଇଛନ୍ତି । ପାରାଦୀପ ବିଧାନସଭା ଆସନରୁ ଦାମ ରାଉତଙ୍କ ପୁଅ ସମ୍ବିତ ରାଉତରାୟ ବିଜୟୀ ହୋଇଛନ୍ତି । ପ୍ରଥମଥର ପାଇଁ ନିର୍ବାଚନୀ ମଇଦାନକୁ ଓହ୍ଲାଇଥିବା ସମ୍ବିତ ୬୯୮୭୧ ଖଣ୍ଡ ଭୋଟ୍ ପାଇଥିବାବେଳେ କଂଗ୍ରେସ ପ୍ରାର୍ଥୀ ଅରିନ୍ଦମ ସର୍କେଲଙ୍କୁ ୪୮୮୭୯ ଖଣ୍ଡ ଭୋଟ୍ ମିଳିଛି । ଅର୍ଥାତ ସର୍କେଲଙ୍କୁ ସମ୍ବିତ ୨୦ ହଜାର ୯୯୨ଖଣ୍ଡ ଭୋଟରେ ପରାସ୍ତ କରଛନ୍ତି । ସେହିଭଳି ଏଠାରେ ବିଜେପି ସମ୍ପଦ ଚନ୍ଦ୍ର ସ୍ବାଇଁଙ୍କୁ ପ୍ରାର୍ଥୀ କରିଥିଲା । ତେବେ ସମ୍ବଦ ୩୫୦୩୭ ଖଣ୍ଡ ଭୋଟ୍ ପାଇଛନ୍ତି ।

ଦାମ ଦୀର୍ଘ ଦିନ ଧରି ପାରାଦୀପ ଆସନରେ ବିଜେଡି ଟିକେଟ୍ ରୁ ନିର୍ବାଚନ ଲଢୁଥିଲେ । ଦାମ ବିଜେଡି ଦଳ ଛାଡି ବିଜେପିରେ ଯୋଗଦେବା ପରେ ପାରାଦୀପ ଆସନରୁ ତାଙ୍କ ପୁଅ ସମ୍ବିତ ରାଉତଙ୍କୁ ଦଳ ଟିକେଟ୍ ଦେଇଥିଲା । ବିଜେପି କିନ୍ତୁ ଦାମଙ୍କୁ ପାରାଦୀପରୁ ଟିକେଟ୍ ନଦେଇ ବାଲିକୁଦା-ଏରସମା ଆସନରୁ ନିର୍ବାଚନ ଲଢିବା ଲାଗି ଟିକେଟ୍ ଦେଇଥିଲା । ଦାମ ରାଉତ ଏଠାରୁ ନିର୍ବାଚନ ହାରିଥିବାବେଳେ ସମ୍ବିତ ରାଉତରାୟ ବିଜୟୀ ହୋଇଛନ୍ତି ।

   Related Posts