ପୁଣି ଦାମଙ୍କ ପରିବାରର ପଲିଟିକାଲ ଡ୍ରାମା । ନିର୍ବାଚନ ପୂର୍ବରୁ ବାପା ଗୋଟେ ଦଳରୁ ପ୍ରାର୍ଥୀ ତ ପୁଅ ଆଉ ଗୋଟେ ଦଳରୁ । ସେତେବେଳେ ବାପା ଦାମୋଦର ରାଉତ ଓ ପୁଅ ସମ୍ବିତ ରାଉତରାୟଙ୍କ କାହାଣୀ କେତେ ଚର୍ଚା ନ ହୋଇଛି । ଏବେ ନିର୍ବାଚନ ସରିବା ପରେ ପୁଣି ଆଉ ଏକ ପଲିଟିକାଲ ଫ୍ୟାମିଲି ଡ୍ରାମା ଆରମ୍ଭ ହୋଇଛି । ଏଥର କେନ୍ଦ୍ର ବିନ୍ଦୁ ବାପା ଦାମୋଦର ରାଉତ ନୁହଁନ୍ତି ବରଂ ପୁଅ ସମ୍ବିତ ହିଁ ପାଲଟିଛନ୍ତି । କହିଛନ୍ତି ବାପା ବିଜେପିରେ ଖୁସି ନାହାଁନ୍ତି । ଆଉ ଏହାର ଜବାବରେ ବାପା ତୁରନ୍ତ ପ୍ରତିକ୍ରିୟା ରଖି କହିଛନ୍ତି ମୁଁ ବିଜେପିରେ ବହୁ ଖୁସି ଅଛି ଆଉ କେଉଁ ଦଳକୁ ଯିବାର ନାହିଁ ।…
{"id":120757}
ବିଜେପିରେ ରହିବେ ନା ବିଜେଡିକୁ ଫେରିବେ। ଦାମ ରାଉତ ୟୁଟର୍ଣ୍ଣ କରିବେ ବୋଲି ଚର୍ଚ୍ଚା ଆଜି ପଲିଟିକାଲ କରିଡରରେ ଚାଲିଥିବା ବେଳେ ପୁଣି ଦାମ ଏଥିରେ ନୂଆ କଥା ଯୋଡ଼ିଛନ୍ତି । କଥା ଆରମ୍ଭ ହୋଇଥିଲା ଦାମଙ୍କ ପୁଅ ତଥା ପାରାଦୀପ ବିଧାୟକ ସନ୍ଦୀପ ରାଉତରାୟଙ୍କ ବଚନରୁ। ନିର୍ବାଚନ ହାରିଯିବା ପରେ ବାପା କଣ ରିଟାୟର ହେବେ କି ପ୍ରଶ୍ନର ଉତ୍ତରରେ ସେ କହିଛନ୍ତି ବାପା ଡିସପୋଜେବ୍ଲ ଆଇଟମ ନୁହନ୍ତି । କିନ୍ତୁ ଏହାବାଦ୍ ସମ୍ବିତ ଯେଉଁ ଭିତିରି କଥା ଗଣ ମାଧ୍ୟମ ଆଗରେ ଖୁଲାସା କରିଛନ୍ତି ତାହା ସମସ୍ତଙ୍କୁ ଆଶ୍ଚର୍ଯ୍ୟ କରିଛି ।
{"id":120758}
କଥାଟା ହେଲା ଯେ ଦାମ ବାବୁ ବିଜେପିକୁ ଯାଇ ଖୁସି ନାହାଁନ୍ତି ବୋଲି ସେ ଅନୁଭବ କରୁଛନ୍ତି। ଦାମ ବିଜେପିରେ ଖୁସି ନାହାଁନ୍ତି ଏକଥା ସମ୍ବିତ କହିବା ପଛରେ ରହସ୍ୟ କଣ ତାକୁ ନେଇ ଆଗକୁ ହଟଚମଟ ହେବାକୁ ଯାଉଛି । ପ୍ରଶ୍ନ ଉଠୁଛି ଏକଥା କଣ ଦାମ ବାବୁ ନିଜ ପରିବାର ଭିତରେ ଜଣାଇଛନ୍ତି କି ଯେ ସେ ବିଜେପିରେ ଖୁସି ନାହାଁନ୍ତି ବୋଲି । ନା ନିଜେ ବିଜେଡି ବିଧାୟକ ହୋଇଯିବା ପରେ ବାପାଙ୍କୁ ବିଜେଡିକୁ ପୁଣି ଫେରାଇବାକୁ ପୁଅ ସମ୍ବିତ ଏଭଳିକାର୍ଡ ଖେଳିଛନ୍ତି । ସମ୍ବିତ ପୁଣି କହିଛନ୍ତି ଯେ ବାପା ନିର୍ବାଚନ ପୂର୍ବରୁ ବିଜେପିକୁ ଡେଇଁଥିବାରୁ ତାଙ୍କୁ ଲୋକେ ଗ୍ରଣ ନକରିବାରୁ ସେ ହାରିଲେ । ଶୁଣନ୍ତୁ ସମ୍ବିତଙ୍କ କଥା ।
{"id":120759}
ଦାମ ଏବେ ବିଜେପିରେ ଅଛନ୍ତି । ବିଜେପିର ସବୁ ପାର୍ଟି ମିଟିଙ୍ଗ ବି ଆଟେଣ୍ଡ କରୁଛନ୍ତି । ତାହାଲେ ପୁଅ ସମ୍ବିତ କହୁକହୁ ବହୁ ଅକୁହା କଥା କିପରି ଓ କାହିଁକି ଗଣ ମାଧ୍ୟମ ଆଗରେ ରଖିଲେ ଏବଂ ଏହାପଛର ରହସ୍ୟ କଣ ତାକୁ ନେଇ ଏବେ ପ୍ରଶ୍ନ ଉଠିଲାଣି । ଏକଥା ସମସ୍ତେ ଜାଣନ୍ତି ଯେ ଦାମ ନିଜେ ବିଜେପିରୁ ଲଢୁଥିଲେ ବି ପୁଅ ସମ୍ବିତ ବିଜେଡିରୁ କିଭଳି ଜିତିବେ ସେଥିପାଇଁ ବାପା ହିସାବରେ ଆପ୍ରାଣ ଉଦ୍ୟମ ବି କରିଥିଲେ ।
{"id":120760}
ନିଜର ପୁରୁଣା ଅନୁଗତଙ୍କୁ ପୁଅ ସମ୍ବିତକୁ ଜିତାଇବାକୁ ଅନୁରୋଧ କରିଥିଲେ । ଏପରିକି ନିଜ ପାଇଁ ବି ସେ ଏତେ ପ୍ରଚାର କରିନଥିଲେ ବୋଲି ଚର୍ଚ୍ଚା ହେଉଥିଲା। ଏବେ ପୁଅ ସମ୍ବିତ ବୋଧେ ବାପାଙ୍କ ଋଣ ସୁଝିବା ମୁଡ୍ ରେ । ଶୁଣନ୍ତୁ ବାପା ଦାମୋଦର ରାଉତ କଣ କହୁଛନ୍ତି । ଠିକ୍ ସମ୍ବିତଙ୍କ ଓଲଟା । ସେ ବିଜେପିରେ ବହୁତ ଖୁସି ବୋଲି ଦାମ କହିଛନ୍ତି । ସେ ପୁଅ ହିସାବରେ ନୁହେଁ ବରଂ ବିଜେଡିର ପାରାଦ୍ବୀପ ବିଧାୟକ ହିସାବରେ ସମ୍ବିତ କଣ କହିଥିବ ବୋଲି ଦାମ ପ୍ରତିକ୍ରିୟା ରଖିଛନ୍ତି ।
{"id":120761}
ରାଜନୀତି ଯେତିକି ଡ୍ରାମା ବି ସେତିକି । ପୁଅ ତାଙ୍କ କଥା କହୁଛନ୍ତି ବାପା ତାଙ୍କ କଥା କହୁଛନ୍ତି। ତେଣୁ ଲୋକେ ହିଁ କେବଳ ବିଚାର କରିବେ।
