ସମ୍ବଲପୁର ୨୩|୯: ସମ୍ବଲପୁର ଶାସନସ୍ଥିତ ବେଦିକ୍ କଲେଜ୍ ରାଗିଂ ଘଟଣାରେ କାର୍ଯ୍ୟାନୁଷ୍ଠାନ ଶୂନ । କଲେଜର ଅଧ୍ୟକ୍ଷ, ହଷ୍ଟେଲ ୱାର୍ଡେନ୍ ଓ ଚେୟାରମ୍ୟାନ୍ଙ୍କ ଛାଇ ବି ମାଡ଼ୁନି ପୋଲିସ । ପୀଡିତଙ୍କ ପରିବାର ଜିଲ୍ଲାପାଳ,ଏସ୍ପି,ଜିଲ୍ଲା ଶିକ୍ଷାଧିକାରୀଙ୍କ ନିକଟକୁ ଦୌଡିଦୌଡି ନିରାଶ ହେଉଛନ୍ତି । ସେପଟେ ଅଭିଯୁକ୍ତ ଛାତ୍ରମାନେ ଏବେ ମଧ୍ୟ କଲେଜ୍ ହଷ୍ଟେଲ୍ରେ ଅଛନ୍ତି । ହେଲେ ପୀଡିତ ଛାତ୍ରଙ୍କୁ କଲେଜ୍ ଯିବାକୁ ମନା କରାଯାଇଛି । ଏହା କିପରି ନ୍ୟାୟ ବୋଲି ପ୍ରଶ୍ନ ଉଠାଇଛନ୍ତି ପୀଡିତଙ୍କ ପରିବାର ।
{"id":161561}
ସମ୍ବଲପୁର ଶାସନରେ ଥିବା ବେଦିକ୍ କଲେଜ୍ ବିରୋଧରେ ବର୍ତ୍ତମାନ ସୁଦ୍ଧା କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇନାହିଁ । ଘଟଣା ନେଇ ଶାସନ ଥାନାରେ ମାମଲା ଦାୟର ହୋଇଛି । ପୋଲିସ୍ ୪ଅଭିଯୁକ୍ତ ଛାତ୍ରଙ୍କୁ ଜୁଭେନାଇଲ୍ ଜଷ୍ଟିସ୍ ବୋର୍ଡ ନିକଟରେ ହାଜର କରିବା ଓ ସେମାନଙ୍କୁ ଜାମିନ୍ରେ ଯିବାକୁ ସାହାଯ୍ୟ କରିଛି । ହେଲେ ପୀଡିତ ଛାତ୍ର ଓ ତାର ପରିବାରକୁ ନ୍ୟାୟ ଏଯାଏଁ ମିଳିପାରିନାହିଁ ।
{"id":161562}
ସେପଟେ ରାଗିଂ ବିଷୟରେ ଜାଣି ଲୁଚାଇବାକୁ ଉଦ୍ୟମ କରିଥିବା, ଭେଦିକ୍ କଲେଜର ଚେୟାରମ୍ୟାନ୍,ଅଧ୍ୟକ୍ଷ ଓ ହଷ୍ଟେଲ୍ ୱାର୍ଡେନ୍ ବିରୋଧରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇନାହିଁ । ପୀଡିତ ଛାତ୍ରଙ୍କ ପରିବାର ଏହା ମଧ୍ୟରେ ଦୁଇଥର ଏସ୍ପି,ଜିଲ୍ଲାପାଳ ଓ ଜିଲ୍ଲା ଶିକ୍ଷାଧିକାରୀଙ୍କୁ ଭେଟିସାରିଲେଣି । କଲେଜ କର୍ତ୍ତୃପକ୍ଷ ଏବଂ ଅଭିଯୁକ୍ତ ଛାତ୍ରଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି କରିଛନ୍ତି । ହେଲେ ସବୁଆଡ଼ୁ ନିରାଶ ହେବାକୁ ପଡିଛି ପୀଡିତ ଛାତ୍ର ଏବଂ ତାଙ୍କ ପରିବାରକୁ ।
{"id":161563}
ପୁର୍ବରୁ ମଧ୍ୟ ବେଦିକ୍ କଲେଜ୍ରେ ରାଗିଂ ହେଉଥିବା ସାମ୍ନାକୁ ଆସିଥିଲା । କଲେଜ ଚେୟାରମ୍ୟାନ୍ ନିଜ ପ୍ରଭାବ ବଳରେ ସବୁ ଘଟଣାକୁ ଚାପିଦେବାରେ ସକ୍ଷମ ହେଉଥିଲେ । ଏହି ଘଟଣାରେ ମଧ୍ୟ ଜିଲ୍ଲାପ୍ରଶାସନ ଓ ପୋଲିସ୍ ପୀଡିତ ଛାତ୍ରଙ୍କ ପରିବାରକୁ ନ୍ୟାୟ ଦେବା ଅପେକ୍ଷା, ବେଦିକ୍ କଲେଜ୍କୁ ଅଧିକ ସୁରକ୍ଷା ଦେଉଥିବା ଦେଖିବାକୁ ମିଳିଛି ।
{"id":161565}
ସେପଟେ ଯେଉଁଛାତ୍ର ମାନେ ରାଗିଂ କରିଥିଲେ ସେମାନେ ଏବେ ମଧ୍ୟ କଲେଜ୍ ହଷ୍ଟେଲ୍ରେ ରହିଛନ୍ତି । କିନ୍ତୁ, ସୁପ୍ରିମ୍କୋର୍ଟଙ୍କ ଆଣ୍ଟି ରାଗିଂ ନିୟମାନୁଯାୟୀ, ଅଭିଯୁକ୍ତ ଛାତ୍ରଙ୍କୁ କଲେଜ୍ରୁ ବହିଷ୍କାର କରିବାର ନିୟମ ରହିଛି। ଆଉ ଜୀବନ ଭୟରେ ପୀଡିତ ଛାତ୍ର କଲେଜ୍କୁ ନଆସି ଘରେ ରହି ଚିକିତ୍ସିତ ହେଉଛନ୍ତି । ଏସ୍ପି କହୁଛନ୍ତି କଣ ନା ରାଗିଂ ଘଟଣାର ତଦନ୍ତ ଚାଲିଛି,ଖୁବ୍ ଶୀଘ୍ର କାର୍ଯ୍ୟାନୁଷ୍ଠାନ ନିଆଯିବ । ହେଲେ କେବେ ସୁଦ୍ଧା ବେଦିକ୍ କଲେଜର ଚେୟାରମ୍ୟାନ୍,ଅଧ୍ୟକ୍ଷ ଓ ୱାର୍ଡେନ୍ଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ସେ ନେଇ କିଛି କହିନାହାଁନ୍ତି ଏସ୍ପି ।
{"id":161566}
ଭିସୁଟ୍, ଭୀମ୍ସାରରେ ରାଗିଂ ଘଟଣାରେ ମଧ୍ୟ ଦୋଷୀ ଛାତ୍ରଙ୍କ ବିରୋଧରେ ସୁପ୍ରିମ୍କୋର୍ଟଙ୍କ ନିର୍ଦ୍ଦେଶାବଳୀ ଅନୁସାରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇନଥିଲା। ଦେଖାଯାଉ ବେଦିକ୍ କଲେଜ ରାଗିଂ ଘଟଣାରେ କଣ ହେଉଛି ।
